Efesus 3:15 - Taaz Weru Witu u Nunuwu'en Tombulu

¹⁵ Ni Siamo si Ama'ta péléng im witi kasendukan wo wia ung kaayahan.

Efesus 3:15 Iomraidhean Croise

Kisah Rasul-rasul 11:26

Ni séra zua é mahento' mahwali-wali karia né jamaat witu, sana ta'un ung kauréna. Im witu ni séra é mahtuzu' tumoro si Yesus wia sé tou lakez. Im witi Antiokhia itiimo ing kataré-taré sé tou ma'éman si Yesus im pahkuan tou Sarani.

Efesus 1:10

Ung ginenang ni Opo Empung itii é mangun péléng am witi kasendukan wo am wia ung kaayahan maesa wia si Kristus, wo si Kristus é maéndo Tonaas péléng am péléng i méikaayomola witu un orasna.

Efesus 1:21

Ung kawasa ni Kristus itii é lumouspé'mé sé pemerénta, lumouspé'mé ung kawasa wia ung kaayahan, lumouspé'mé sé tonaas, lumouspé'mé sé tuang wo séi uman sé pahsigi-sigi'en, séra i menou-nou in tarékan kaapa sé mamenou-nou in tumondong.

Efesus 3:14

Niitumo, ni aku éng kimuruz karia nimongkot i mengaléi wia si Ama'.

Efesus 3:16

Ni aku mengaléi wia si Opo Empung si wa'ilan wo pahloozen wo pahsigi'en i menté' un até niou karia ung kawasa ni Roh-Na.

Kolose 1:20

Wo mengiité ni Sia, si Opo Empung nimangun péléng am wia ung kaayahan wo am witi kasendukan é nimalé'osan karia-Na. Si Opo Empung nimangun niitu karia un zaha' ni Kristus u méikasaroi i ni Sia sinalip makaz nimaté.

Wahyu 2:17

Séi si wéwéhan lunteng é mahtalingama lé'os an ipahkua ni Roh ni Opo Empung wia sé jamaat: Si tou nimuntung, ni sia ém wéhang-Ku manna a méiwunipé', wo ni sia kasii ém wéhang-Ku um watu kulo', um wawona ém pinantikan u ngaran weru un akaz uman si makaanu si mata'u u méipantik witu, zéi'kan siapa walina.’ ”

Wahyu 3:12

Séi si nimuntung, ni sia én éndong-Ku tombol witi Walé ni Opo Empung-Ku wo ni sia é mento'mo witu makaz ing kauré-uré. Wia si tou itii kasii ém pantikang-Ku u ngaran ni Opo Empung-Ku, u ngaran um wanua tua'na ni Opo Empung-Ku, u Yerusalem weru. Um wanua tua'na itii ém witi kasendukan, wia si Opo Empung-Ku an itumpamé. U ngaran-Ku weru kasii én ipantik-Ku wia si tou itii.