Efesus 2:7 - Taaz Weru Witu u Nunuwu'en Tombulu

⁷ Si Opo Empung mangun niitu, wo in tumondong sé tou toro milek u raraatéan-Na un zéi'mo kakuaan wo u lé'os-Na wia ni kita pahpaan nimaesa karia ni Kristus Yesus.

Efesus 2:7 Iomraidhean Croise

Roma 2:4

Kaa iperorosmu u raraatéan-Na, ung kaezenan-Na wo ung kalé'osan-Na un totoz wangko' im wia ni ko? Zéi'kan kata'uannu wé ung kalakoan u raraatéan ni Opo Empung u mahkit ni ko in tumula'ula a singkéla'mu?

Efesus 1:7

Pahpaan mengiité si Yesus ni kita én tinubus im wana a singkéla' karia un zaha'-Na. Ni kita winéhan un ampungan im wana a singkéla' mengiit ung kamang méitambér-Na an totoz lakez.

Efesus 2:4

Taan si Opo Empung én totoz lé'os uman taka-takazan niitu é méipapailek-Na karia in totoz rumaraaté ni kita.

Efesus 3:21

U looz wo u sigi' né jamaat ém wia uman si Opo Empung mengiité si Kristus Yesus makaz im pahpuyunan wo makaz ing kauré-uré! Amin.

Efesus 3:5

un im puuna én zéi'kan méipahkua-kuala wia sé tou taan in tarékan é méikuamo ni Roh ni Opo Empung wia sé aatu wo wia sé nabi-Na, sé linenas ni Opo Empung.

2 Tesalonika 1:12

Karia in téntu, si Yesus Mahpiarata ém pahloozen wo pahsigi'en niou wo ni kamu kangkasii ém pahloozen wo pahsigi'en ni Yesus Mahpiarata mengiit ung kamang tatambér ni Opo Empungta wo ni Yesus Kristus Mahpiara.

Titus 3:4

Taan i mémoikatuzu'mé u lé'os ni Opo Empung, si Milot ni kita im witu un ukuman wana a singkéla', wo u raraatéan-Na wia sé tou,

1 Petrus 1:12

Sé nabi itii éng kinuaan sa am pahtata'un néra én zéi'kan méipapata'u in tumulung uman un tou néra in esa, taan in tumulung ni kamu. Sé nabi itii éng kinawasa ni Roh Lenas si witi kasendukan a méyé i mapata'u u Nuwu' Lé'os tumoro si Yesus wia ni kamu. A méipahtuzu' nérama itiimo ang kapaaz né malaekat im pahtata'un.