Efesus 2:6 - Taaz Weru Witu u Nunuwu'en Tombulu

⁶ Wo pahpaan nimaesa karia ni Kristus Yesus, si Opo Empung tumou sumaup ni kita wo kangkasii mangun ni kita mahperénta witi kasendukan karia ni Kristus Yesus.

Efesus 2:6 Iomraidhean Croise

Matius 26:29

Taan, ikua-Kuma wia ni kamu, ni Aku én zéi'mo mahele-elepla un anggor kenu, makaz witu un endo ni Aku i melep un anggor weru karia niou witi Kakolanoan ni Ama'-Ku.”

Lukas 12:37

Mahpaa-paazla sé ata sé timégam i méileken ni tuang néra. Uli-ulit ikua-Kuma wia ni kamu, si tuang néra itii é mimek un touna, tawahennamé sé ata ing kuman wo ni sia si masumelewir sé atana.

Yohanes 12:26

Séi uman si mahpaayang wia ni Aku, ni sia é léwo'zéi' ing kumiit ni Aku wo wisa uman un angéang-Ku, ni sia é léwo'zéi' im witu. Séi uman si mahpaayang wia ni Aku, ni sia é masigi'en ni Ama'.

Yohanes 14:3

Sa ni Aku nimangémomé witu wo nimimekomé un tampa niou, ni Aku é méyé sumaup wo mahwali ni kamu mangé witi pahwéha-wéhang-Ku, wo wisa uman un angéang-Ku, ni kamu kasii ém witu.

Efesus 1:1

Um pinantik kenu ém wia ni aku Paulus a mangé, si witu um paaz ni Opo Empung tinawah i maéndo aatu ni Kristus Yesus. Um pinantik kenu én iwéhé wia sé tou linenas ni Opo Empung witi Efesus sé ma'émano wo mahtali-talinga wia si Kristus Yesus.

Efesus 1:3

Loozela si Opo Empung, si Ama' ni Yesus Kristus Mahpiarata si timambéré wia ni kita péléng ang kamang witi kasendukan mengiité si Roh Lenas pahpaan nimaesa karia ni Yesus Kristus.

Efesus 2:10

Pahpaan ni kita ém winangun ni Opo Empung mengiité si Kristus Yesus, i maayang am wangun a niimeko ni Opo Empung im puuna, wo kita toro menou-nou karia i memangu-mangun a lé'os.

Efesus 2:13

Taan ni kamu sé im puuna zou' im wia si Opo Empung, in tarékan é rétémo karia-Na pahpaan un zaha' ni Kristus Yesus u nimangun ni kamu nimaesamo karia-Na.

Kolose 1:18

Ni Sia én ulu wo sé jamaat én awak. Ni Sia si kataré-taré wo ni Sia si puuna méitoumé ni Opo Empung im wia sé nimaté, niitumo ni Sia si ipahpuu-puuna im wana péléng am péléng.