Efesus 2:3 - Taaz Weru Witu u Nunuwu'en Tombulu

³ Im puuna ni kita péléng é masuat karia néra, ni kita menou-nou mahkiit u lelo léwo' un awakta, mahwangun um paaz un awakta wo ang genang léwo'ta. In toro niitu, ni kita kangkasii én tou sé léwo'zéi' i makailek un upi' makaindé'en ni Opo Empung tanu sé tou walina.

Efesus 2:3 Iomraidhean Croise

Markus 4:19

a méyé um paharétan tumoro ung katou-touan néra wo an eenou towo ung kawa'ilanan wo ang kapaaz walina. Niitu u nimangun u Nuwu' ni Opo Empung zéi'kan siapa torona im wia ni séra, makaz u Nuwu' itii zéi'kan nimua' witu un até néra.

Yohanes 1:13

Ni séra nimaéndo oki' ni Opo Empung én zéi'kan uman pahpaan um paaz né tu'a, zéi'kan pahpaan um paaz un awak wo kasii zéi'kan pahpaan um paaz ni tuama, taan pahpaan um paaz ni Opo Empung.

Yohanes 8:44

Si ama' niou é si tonaas né sétang wo ni kamu ém paaz mahwangun ang kapaaz ni ama' niou. Rengané im puuna ni sia é mahwunu' sé tou wo ni sia én zéi'kan kawisa mahwangun an ulit. Pahpaan, ni sia zéi'kan kawisa kumuala an ulit. I ni sia mahtowo, un ipahkuana ém witu un aténa a méyé, pahpaan ni sia én tantowo wo ama' péléng né tantowo.

Kisah Rasul-rasul 14:16

Im puuna é méiwaya ni Opo Empung péléng sé tahsasana wanua i mahkiit uman u lalan ni esa wo ni esa.

Roma 1:24

Pahpaano niitu, ni séra é méiwaya ni Opo Empung ing kinawasa a lelo néra a samek wo niitu u nimangun ni séra kinaisamekan karia né kasuat nérakan.

Roma 11:30

Tanu ni kamu in tou zéi'kan Yahudi im puuna én zéi'kan mahtali-talinga si Opo Empung taan pinapailekano u raraatéan-Na pahpaan sé tou Yahudi zéi'kan ma'éman wia ni Sia.

Roma 13:14

Taan méyémo kita maéndo tanu si Yesus Kristus Mahpiara, wo pahilekené né tou am pahwangunenta. Karia in téntu, ni séra én tanu nimilek ni Sia witu un touta. Wo tia'mo megena-genang uman ing kumiit a lelo léwo' un awakmu in esa.

Roma 2:14

Sé tou zéi'kan Yahudi én zéi'kan makaanu un ukum Torat. Taan sa ni séra, karia um paaz in esa mahkiit un ukum itii, niitu én tumuzu'mé sa un ukum Torat ém witumo un até néra, zozo' ni séra én zéi'kan makaanu un ukum itii.

Roma 5:10

I ni kita makahkoro'pé' karia ni Opo Empung, a si Oki'-Na nimaté pahpaan ni kita akaz ni kita nimawurian sumaup karia ni Opo Empung. Woopé' kasii in tarékan. Sa kita nimawuriano sumaup karia ni Opo Empung, tantumo ni kita én ipiloté im witu un ukuman wana a singkéla', pahpaan ni Sia é mémoitoumé sumaup ni Opo Empung.

Roma 5:9

In tarékan ni kita é niéndo ulit ni Opo Empung pahpaan un zaha' ni Kristus i nimaté. Niitumo, tantumo ni kita én ipilot-Na im witu un upi' ni Opo Empung.

Roma 6:12

Niitumo, tia' a singkéla' éng kimawasa witu un awak niou u maté, wo ni kamu én tia'mo mahtali-talinga u lelo léwo' un awak.

Roma 7:18

Kata'uangku witu un touku, in tou uman, zéi'kan siapa um wangun. Pahpaan u lelo i mangun am wangun ém wia ni aku taan ni aku én zéi'kan makawawa i mangun niitu.

Roma 9:22

Téntu kangkasii um winangun ni Opo Empung. Ni sia éng gimenang i mapailek un upi'-Na wo mapailek ung kawasa-Na. Taan ni Sia én ezen im wia sé tou tinotoz-Namo i léwo'en pahpaan nimanguno ni Sia in totoz maupi'.

1 Korintus 4:7

Séi si nimangun i ni kopé' si ipahpuu-puuna taan sé tou walina? Zéi'kankuaa péléng an anumu é méitambér umané ni Opo Empung wia ni ko? Kaa ko mahloo-looz an anumu, tanumokan niana péléng éng kinailekannu in esa?

2 Korintus 7:1

Katuari-katuari ikararaatéku. Ni kita é nimakaileko a méitaaz ni Opo Empung. Niitumo, kumana'mola i memua-muali a singkéla', u mahwangun un tou wo si rohta makati'tiren. Ni kita é mahsigi'la wo maindé'la wia si Opo Empung wo péléng ung katou-touanta u linenas-Na é malekep.

Galatia 3:22

Taan witu um Pinantik Lenas méipantik, “Péléng sé tou éng kinawasamo a singkéla'.” Niitumo, un taaz ni Opo Empung un iwéhé mengiité um pa'émanen wia si Yesus Kristus én iwéhé wia ni séra sé ma'éman wia ni Sia.

Efesus 2:2

In toro niitu ni kamu é menou-nou mengiit ang kinanaram né tou wia ung kaayahan, ni kamu mahtali-talinga sé roh léwo' mahkawasa witi langit, ni séramo sé roh mahkawasa witu un até né tou zéi'kan mahtali-talinga si Opo Empung.

Efesus 4:22

Niitumo, tumoro ung katou-touan niou im puuna, ni kamu é léwo'zéi' in tumula'u ung katou-touan im puuna itii. Ung katou-touan itii é nimangun uman ni kamu méikaléwo' pahpaan méilulu u lelo léwo' un awak,

Kolose 1:21

Im puuna, ung katou-touan niou é méikazou' im wia si Opo Empung. Winangun niou si Opo Empung nimaéndo kakoro' niou im witu un até wo witu ung genang, i ni kamu memangu-mangun a léwo'an.

1 Tesalonika 4:13

Katuari-katuari, kapaaz nai ing kata'uan nioula tumoro kura sé tou nimatémo, wo un até niou zéi'kan rumara tanu sé tou walina sé zéi'kan siapa pahéré'an.

1 Tesalonika 5:6

Pahpaano niitu, ni kita én zéi'kan toro meneke-nekel uman tanu sé tou walina. Ni kita én totoz i mile-ilek wo tuméga-tégam.

1 Timutius 6:9

Taan sé tou paaz mawa'ilan, ni séra é méikauntepola witu um pema'waan, niéndo um wetes wo megena-genang uman a lelo léwo' un awak an zéi'kan siapa torona u maluméwo' ni sia. Am pelelo-lelo néra é mangun ni séra makemu wo ikaléwo'.

Titus 3:3

Pahpaan im puuna ni kita kangkasii é menou-nou witu ung kalemouan: zéi'kan mahtali-talinga, méikalulu, nimaéndo ata wana a lelo léwo' un awak wo a makapaazen meléwo' un tou, menou-nou mahwangun a léwo'an wo téutéu, ikazi'zis né tou wo mahzizi'zisan.

1 Petrus 1:14

Menou-noula i mahtali-talinga wia si Opo Empung tanu sé koki' i mahtali-talinga wia sé tu'ana. Tia' mahkiit uman u lelo léwo' un awak niou tanu im puuna in zéi'kampé' mata'u si Opo Empung.

2 Petrus 2:14

Sa mileka si wéwéné, méyé um paaz witu ung genang néra i sumamek karia ni wéwéné itii wo ni séra én zéi'kan maseso' i memua-muali a singkéla'. Sé tou zéi'kampé' tahlous ma'éman wia si Yesus ém pahenouen néra wo séra ikalulu. Ni séra é nimanaramo i menou-nou mahkiit ung kaangkuman néra. Ni séra é makailek un epa' ni Opo Empung.

2 Petrus 2:18

Pahpaan ni séra é menuwu-nuwu' am wera' wo an zéi'kan siapa torona. U lelo léwo' un awak ém pahpakén néra i mahenou sé tou taré ikapiloté im witu ung katou-touan né tou méikalulu.

1 Yohanes 2:16

Pahpaan péléng am wia ung kaayahan, tanu a: lelo léwo' un awak, péléng an ilekena éng kapaaz wo ang kaweraan, péléng niana zéi'kan wia si Ama' a méyé taan wia ung kaayahan kenu a méyé.

1 Yohanes 2:8

Taan ni aku kasii é mantika um perénta weru wia ni kamu, un ulit im wia ni Sia wo ulit im wia ni kamu. Pahpaan ung karimbengbengan é mahzéi'moma wo un uli-ulit ayah é mahsena'momé.