Efesus 2:19 - Taaz Weru Witu u Nunuwu'en Tombulu

¹⁹ Niitumo, ni kamu én zéi'mo tou wana an tampa walina a méyé wo limepuh umané. Taan ni kamu in tarékan é nimaéndomo tou ni Opo Empung wo nimaéndomo sana awu ni Opo Empung.

Efesus 2:19 Iomraidhean Croise

Matius 10:25

Sa si pahtuzu'en masuato wo si mésterna, niitu én toromo wo sa si ata masuato wo si tuangna, niitu én toromo. Sa si makawalé ém pahkuan im Beelzebul, apapé' kasii sé tou witu um walé itii.

Galatia 6:10

Niitumo, im wéwéhampé' un oras wia ni kita, méyémo kita mangun a lé'os wia péléng sé tou, sé ipahpuu-puuna é sé katuarita esa pa'émanen.

Efesus 2:12

In toro niitu ni kamu én zéi'kampé' mata'u tumoro si Kristus, ni kamu zéi'kampé' ipahrékén in tou Israel sé tou ni Opo Empung wo ni kamu én zéi'kan makailek um wéwéténgan witu un taaz ni Opo Empung. Ni kamu sé im wia ung kaayahan én zéi'kan siapa pahéré'an wo ni kamu zéi'kan mata'u si Opo Empung.

Efesus 3:15

Ni Siamo si Ama'ta péléng im witi kasendukan wo wia ung kaayahan.

Efesus 3:6

Ung kenu u méikawunipé' itii: Péléng sé tou ma'éman u Nuwu' Lé'os tumoro si Kristus Yesus, ni séra in tou Yahudi kaapa zéi'kan tou Yahudi é makailek um wéwéténgan im wana a méitaaz ni Opo Empung wia sé tou-Na. Ni kita péléng é maéndo esa awak wo makailek u mémoitaaz ni Opo Empung wia sé nimaesa karia ni Kristus Yesus.

Filipi 3:20

Ni kita é méikarékéno in tou ni Opo Empung si witi kasendukan. Karia in téntu, in tarékan ni kita é ma'ento' si Yesus Kristus i mawurimé sumaup im witi kasendukan, ni Sia si nimiloto ni kita im witu un ukuman wana a singkéla'.

Ibrani 11:13

Péléng sé tou sé taré isiritakuma itii én totoz ma'éman makaz i nimaté. A méitaaz ni Opo Empung itii én zéi'kampé' lekep ing kinailekan néra i menou-nou, taan niitu ém pahileken wo pahkapéien nérama, wo ni séra kangkasii é mahkua i ni séra é limepuh umané wo zéi'kan mauréma i mento' wia ung kaayahan kenu.

Ibrani 13:14

Pahpaan im wia ung kaayahan kenu ni kita én zéi'kan siapa um wanua tua'na um pahento'an makaz ing kauré-uré, taan ni kita é mahpenéro um wanua tua'na ento'anta in tumondong witi kasendukan.

1 Petrus 2:11

Katuari-katuari ikararaatéku, ni kamu én tou sé siméngkot wana am wanua né tou walina wo sé limepuh umané wia ung kaayahan. Niitumo, isésakuma wia ni kamu i zumou'la im wana a lelo léwo' un awak, u makahkoro' wo a lelo un até niou wana am wangun.

1 Yohanes 3:1

Ilekela, ung kawangko' u raraatéan méitambéré ni Ama' wia ni kita, taka-takazan ni kita pahkuan in oki' ni Opo Empung. Wo niitu én ulit i ni kita én oki' ni Opo Empung. Niitumo, sé tou mahkiit u lelo léwo' ung kaayahan én zéi'kan mata'u ni kita, pahpaan sé tou itii én zéi'kan mata'u ni Sia.