Efesus 2:12 - Taaz Weru Witu u Nunuwu'en Tombulu

¹² In toro niitu ni kamu én zéi'kampé' mata'u tumoro si Kristus, ni kamu zéi'kampé' ipahrékén in tou Israel sé tou ni Opo Empung wo ni kamu én zéi'kan makailek um wéwéténgan witu un taaz ni Opo Empung. Ni kamu sé im wia ung kaayahan én zéi'kan siapa pahéré'an wo ni kamu zéi'kan mata'u si Opo Empung.

Efesus 2:12 Iomraidhean Croise

Lukas 1:72

i mapailek u raraatéan-Na wia sé nimaopota wo gimenang un taaz-Na lenas.

Yohanes 10:16

Taan ni Aku kangkasii é makaanu sé domba walina sé zéi'kan wia um pahpiaraan kenu. Sé domba itii kangkasii é léwo'zéi' im pahwali-Ku wo ni séra matumalinga u nuwu'-Ku wo ni séra é maéndo sana réwok domba esa memimiara.

Yohanes 15:5

Ni Aku én tanu un tuuzna un anggor wo ni kamu én tanu am pangana un anggor. Séi uman si nimaesa karia-Ku wo ni Aku nimaesa kariana, um pahwua'namé é lakez, pahpaan sa zéi'kan nimaesa karia-Ku, zéi'kan siapa un toro wangunen niou.

Yohanes 4:22

Ni kamu in tou Samaria mahragés wia si zéi'kan kata'uan niou, ni kai in tou Yahudi é mahragés wia si kata'uan nai, pahpaan si tou mémilot sé tou im witu un ukuman wana a singkéla' ém wia sé tou Yahudi a méyé.

Kisah Rasul-rasul 2:39

Pahpaan u méitaaz ni Opo Empung itii méiwéhé wia ni kamu wo wia sé suzu niou, wo kasii wia sé tou sé mahento' witi tampa zou'ma, kalakez né tou sé tawahen-Na.”

Kisah Rasul-rasul 28:20

Pahpaano niitu ni aku mahaléi i mémahilekan wo sumirita karia niou. Ni aku i rinanté tanu ang kenu ém pahpaan ni aku mahwoka' tumoro si Kristus si rengan im puuna méitaaz ni Opo Empung in iwéhé wia sé tou Israel, si pengéré-ngéré'enta.”

Kisah Rasul-rasul 3:25

Ni kamu é makailek a méitaaz ni Opo Empung a méikua-Na mengiité sé nabi-Na. Wo kasii um pinataazan winangun ni Opo Empung karia né nimaopo niou é makailekan niou. Um pinataazan itii ém winangun ni Opo Empung i ni Sia kimua wia si Abraham, ‘Péléng sé tahsasana wanua wia ung kaayahan éng kamangen mengiité si suzumu.’

Roma 9:8

Ung kalakoana, zéi'kan péléng sé suzu ni Abraham sé pahkuan oki' ni Opo Empung, taan sé ma'éman uman un taaz méiwéhé ni Opo Empung wia ni séra sé uli-ulit pahkuan oki'-Na.

Galatia 4:8

Im puuna i ni kamu zéi'kampé' mata'u si Opo Empung, ni kamu ém pahata-atan né opo-opo sé zéi'kan wangun im pahsigi'en, taan sé opo-opo itii én zéi'kan Opo Empung.

Efesus 2:19

Niitumo, ni kamu én zéi'mo tou wana an tampa walina a méyé wo limepuh umané. Taan ni kamu in tarékan é nimaéndomo tou ni Opo Empung wo nimaéndomo sana awu ni Opo Empung.

Efesus 4:18

Ung genang néra é nimarimbengbengo, zéi'kan kata'uan néra kura menou-nou mengiit um paaz ni Opo Empung pahpaan ni séra én zéi'kan mata'u si Opo Empung wo pahpaan ung kaketéhan un até néra.

Kolose 1:21

Im puuna, ung katou-touan niou é méikazou' im wia si Opo Empung. Winangun niou si Opo Empung nimaéndo kakoro' niou im witu un até wo witu ung genang, i ni kamu memangu-mangun a léwo'an.

Kolose 1:27

Im wia sé tou-Na, si Opo Empung ém paaz i mapata'u, in totoz wa'ilan wo wangko' a méikawunipé' itii im wia sé tou walina sé zéi'kan Yahudi. U méikawunipé' itii én téntii: Si Kristus ém witumo un até niou, ni Siamo si pahéré'an i makailek u sigi' wo looz ni Opo Empung.

Kolose 1:5

Ni kamu é ma'éman wo rumaraaté, pahpaan ni kamu é mahéré'la u niimeko ni Opo Empung wia ni kamu witi kasendukan. Um pahéré'an itii én tinalinga niouo witu u Nuwu' kaulitan, niitumo u Nuwu' Lé'os tumoro si Yesus,

1 Tesalonika 4:13

Katuari-katuari, kapaaz nai ing kata'uan nioula tumoro kura sé tou nimatémo, wo un até niou zéi'kan rumara tanu sé tou walina sé zéi'kan siapa pahéré'an.

1 Tesalonika 4:5

Ni kamu én tia' mahkiit uman u lelo léwo' un awak niou, tanu um pahwangunen né tou zéi'kan mata'u si Opo Empung.

2 Tesalonika 2:16

Mengalé-ngaléi uman si Yesus Kristus Mahpiarata wo si Opo Empung Ama'ta, si rimaraatémola ni kita wo nimenté'mola un atéta makaz ing kauré-uré wo nimangunola ni kita ezen i ma'ento' am wangun mengiité ung kamang tatambér-Na,

1 Timutius 1:1

Um pinantik kenu ém wia ni aku Paulus a mangé, si aatu ni Kristus Yesus mengiit u méiperénta ni Opo Empung, si nimilot ni kita im witu un ukuman wana a singkéla', wo si Kristus Yesus si nimaéndo pahéré'anta.

Ibrani 11:34

Im wia ni séra wéwéhan kasii sé simewuma witu un api totoz tua'na, sé méikapilot im wia sé tou munu' ni séra karia am pisou, sé zéi'kan enté' taan winangun i maenté' wo si winangun i maenté' im wana am pahkoro'an a mangun sé suraro né tahsasana wanua walina timingkas.

Ibrani 6:18

Si Opo Empung én zéi'kan mamuali in tumowo witu u méitaaz wo un tiwa'-Na. Un zua kenu én zéi'kan mamuali i mawalina, pahpaano niitu kita sé mekikelung wia ni Sia én toro maenté' wo totoz ma'éman witu um pahéré'anta.

Ibrani 8:6

Taan in tarékan si Yesus ém winéhan um paayangen u lumouspé'mé um paayangen né walian wia ung kaayahan. Pahpaan ni Sia si nimahalimé um pinataazan niénéan ni Opo Empung u lumouspé'mé ung kawangunan um pinataazan méiwéhé wia si Musa im puuna.

1 Petrus 1:21

Pahpaan am winanguna ni Kristus itiimo, taka-takazan ni kamu én toro ma'éman wia si Opo Empung. Si Opo Empung si timou si Kristus im wia sé nimaté wo nimangun ni Sia pahsigi'en wo pahloozen. Karia in téntu ni kamu én toro ma'éman wo mahéré' uman wia si Opo Empung.

1 Petrus 1:3

Loozela si Opo Empung, si Ama' ni Yesus Kristus Mahpiarata. Pahpaan ung kawangko'an u raraatéan-Na makaz ni kita én toro nimakailek ung katou-touan weru mengiité si Yesus Kristus si méitoumé sumaup ni Opo Empung im wia sé nimaté. Niitu u mahenté' um pahéré'anta i menou-nou.

1 Petrus 3:15

Taan sigi'ela si Kristus im witu un até niou pahpaan ni Sia é Mahpiara. Tumégamla i mingkot sa wéwéhan si tou meligau tumoro um pahéré'an niou wia si Kristus. Taan ni kamu i mahwingkot é maheluz umanla wo karia i mahsigi',

1 Yohanes 3:3

Si tou niméré' un téntu wia ni Sia é limenas un touna tanu si Kristus i lenas.