Efesus 1:8 - Taaz Weru Witu u Nunuwu'en Tombulu

⁸ Ang kamang méitambér é méiwéhé-Namé malake-lakez karia péléng ang katulapan wo ang kata'uan-Na.

Efesus 1:8 Iomraidhean Croise

Matius 11:19

In tarékan si Oki' ni Tou é niméyé, ni Sia é mahkan wo mahelep wo ni séra é mahkua, ‘Ilekena, ni Sia é sorem wo matetewelen, kakaria né menanagi am pajak wo né tou mahsingkéla'.’ Taan ung katulapan ni Opo Empung én ikatuzu'mé im wana am pahlé'osen né tou mahkiit ni Sia.”

Roma 11:33

O ndoon si Opo Empung, ni Sia én totoz wa'ilan, totoz tulap wo totoz lakez ang kata'uan-Na! Zéi'kan siapa si makawawa i mahtata'u an tinotoz-Namo, wo péléng am pahpaayangen-Na én zéi'kan katulapan!

Roma 5:15

Taan un tatambér ni Opo Empung én zéi'kan masuat karia a singkéla' ni Adam. Pahpaan u singkéla' ni Adam é nimangun sé tou lakez nimaté, taan u lumouspé'mé ung kawangko'na é raraatéan ni Opo Empung wo un tatambér méiwéhé-Na wia sé tou lakez pahpaan si tou esa, ni Siamo si Yesus Kristus.

1 Korintus 2:7

Taan an ipahwoka' nai itii éng katulapan ni Opo Empung a méikawunipé' wo zéi'kampé' kata'uan. Ang katulapan ni Opo Empung itii é niimek-Namo puunala ung kaayahan kenu im winangun. Niitu ém winangun ni Opo Empung wo kita sigi'en wo loozen.

Efesus 1:11

Si Opo Empung nimangun péléng am péléng mengiit um paaz-Na wo un tinotoz-Namo in esa. Rengané ung kaayahan zéi'kampé' winangun, ni Sia én timotozo ni kita sé kapaaz-Na i maéndo tou-Na pahpaan nimaesa karia ni Kristus.

Efesus 1:7

Pahpaan mengiité si Yesus ni kita én tinubus im wana a singkéla' karia un zaha'-Na. Ni kita winéhan un ampungan im wana a singkéla' mengiit ung kamang méitambér-Na an totoz lakez.

Efesus 1:9

Si Opo Empung nimapata'umo ung ginenang-Na u méikawunipé' wia ni kita. Ung ginenang-Na rengané im puuna mengiit um paaz-Na én tinotoz-Na i lekepen mengiité si Kristus.

Efesus 3:10

Wo mengiité sé jamaat, si Opo Empung in tarékan toro mapata'u ang ginenang-Na tumoro péléng ang katulapan-Na wia sé mahperénta wo sé mahkawasa witi kasendukan.

Kolose 2:3

Mengiité si Kristus ni kita én toro mata'umé péléng ang katulapan wo ang kata'uan ni Opo Empung un im puuna é méikawunipé'.

Yudas 1:25

Si Opo Empung si esa uman, si nimiloté ni kita im witu un ukuman wana a singkéla', mengiité si Yesus Kristus Mahpiarata. Wia ni Sia uman u sigi' wo looz, ung kawangko'an, ung kaketezan wo ung kawasa um wiamo rengané im puuna, in tarékan wo makaz ing kauré-uré. Amin.

Wahyu 5:12

Ni séra é mahkantar totoz rimez, kuan néra, “Si Anak ni Domba si kinerizo itii, si wangun i makailek ang kawasa, ang kawa'ilanan, ang katulapan, ang kaenté'an, a sisigi'an, ang kawangko'an wo a lolooz!”