Efesus 1:22 - Taaz Weru Witu u Nunuwu'en Tombulu

²² Péléng am péléng ém winanguno ni Opo Empung ing kawasan ni Kristus wo nimayo si Kristus wia sé jamaat i maéndo tonaas néra.

Efesus 1:22 Iomraidhean Croise

Matius 16:18

Wo ni Aku kangkasii éng kumuama wia ni ko: Ni ko ém Petrus, ung kalakoana ém watu. Witu um wawo um watu kenu ni Aku é rumendai sé jamaat-Ku, wo um patéan zéi'kan mata'u kumawasa niitu.

Kisah Rasul-rasul 20:28

Niitumo, mile-ilek wo pahilekela péléng sé jamaat. Pahpaan ni kamumo sé tinotoz ni Roh Lenas in tumatér sé jamaat ni Opo Empung i miara ni séra. Ni séra nimaéndo jamaat-Na pahpaan ni séra ém winaér-Namo karia un zaha' ni Oki'-Na.

1 Korintus 11:3

Taan kapaazku ni kamu é mata'u un téntii: si Tonaas ni tuama é si Kristus wo si tonaas ni wéwéné é si tuama, wo si Tonaas ni Kristus é si Opo Empung.

Efesus 3:21

U looz wo u sigi' né jamaat ém wia uman si Opo Empung mengiité si Kristus Yesus makaz im pahpuyunan wo makaz ing kauré-uré! Amin.

Efesus 5:23

Pahpaan si mahayo én tonaas ni wéwéné makamahayo masuat wo si mahayo én ulu ni wéwéné makamahayo, téntu kangkasii si Kristus én tanu ulu né jamaat, sé jamaat én tanu awak-Na. Ni Siamo si nimilot sé jamaat im witu un ukuman wana a singkéla'.

Kolose 1:18

Ni Sia én ulu wo sé jamaat én awak. Ni Sia si kataré-taré wo ni Sia si puuna méitoumé ni Opo Empung im wia sé nimaté, niitumo ni Sia si ipahpuu-puuna im wana péléng am péléng.

Kolose 1:8

Ni siamo kasii si nimapata'u wia ni kai tumoro um pinaayang ni Roh ni Opo Empung, u nimangun ni kamu i mahraa-raatéan.

Kolose 2:10

Wo pahpaan i nimaesamo karia ni Kristus, ni kamu ém winéhan ung katou-touan nimawutul. Ni Siamo si tonaas péleng né roh sé mahpeperénta wo sé mahkakawasa.

Kolose 2:19

Ni séra kangkasii én zéi'mo mahkiit un tutuzu' ni Kristus si tanu ulu im witu un awak, wo un awak é sé tou-Na. Am witu un awak itii ém pahtu'tul-Na wo péléng nimaesa, tanu sé tou-Na in zéi'kan mata'u matampasan. Karia in téntu, kuramo un awak mahtu'amé mengiit ung kapaaz ni Opo Empung, téntumo um pa'émanen niou im wia si Opo Empung éng kaenté'na.

1 Timutius 3:15

wo zozo' ni aku ikauréma, kata'uannumo kura sé tou léwo'zéi' menou-nou i sana awu ni Opo Empung. Sé sana awu ni Opo Empung ém péléng sé jamaat sé anu ni Opo Empung si menou-nou. Sé jamaat kenumo sé nimaéndo to'tolan an tutuzu' ulit ni Opo Empung tanu an tombol wo an to'tolan u nimenté' um walé.

Ibrani 2:8

pahpaan péléng am péléng é méiwéhé-Mu ing kawasaanna tanu i méiwéhé witu um wawa' um palaz un a'éna.” Pahpaan péléng am péléng é mémoiwéhé-Mu ing kawasaan ni tou, niitu én tumuzu'mé zozo' in esa én zéi'kan siapa an zéi'kan méiwéhémé ing kawasaanna. Taan akaz in tarékan ni kita én zéi'kampé' nimilek péléng am péléng éng kinawasaannamo.