Efesus 1:10 - Taaz Weru Witu u Nunuwu'en Tombulu

¹⁰ Ung ginenang ni Opo Empung itii é mangun péléng am witi kasendukan wo am wia ung kaayahan maesa wia si Kristus, wo si Kristus é maéndo Tonaas péléng am péléng i méikaayomola witu un orasna.

Efesus 1:10 Iomraidhean Croise

Matius 25:32

Péléng sé tahsasana wanua é réwoken witu u sinaru-Na wo patampasen-Na sé tou maéndo zuana réwok, tanu si mahtéiz sé domba in timampas sé domba im wia sé kambing.

Markus 1:15

kuan-Na, “Un oras tinotoz ni Opo Empung én tarékano, ung Kakolanoan ni Opo Empung é lelezokan. Niitumo, itula'umola a singkéla' wo ma'émanola u Nuwu' Lé'os ni Opo Empung.”

1 Korintus 10:11

Péléng a nimamuali wia sé nimaopota itii, nimaéndo tanu ang kékéréan wia ni kita. Péléng niana é méipantik i mapagenang wia ni kita in tarékan, sé menou-nou wana an endo kaakazan ung kaayahan.

1 Korintus 11:3

Taan kapaazku ni kamu é mata'u un téntii: si Tonaas ni tuama é si Kristus wo si tonaas ni wéwéné é si tuama, wo si Tonaas ni Kristus é si Opo Empung.

Galatia 4:4

Taan sa méikaayomola witu un orasna, si Opo Empung matumé si Oki'-Na si méitoumé ni raraha wo si Koki' itii é menou-nou mahkiit un ukum Torat.

Efesus 1:22

Péléng am péléng ém winanguno ni Opo Empung ing kawasan ni Kristus wo nimayo si Kristus wia sé jamaat i maéndo tonaas néra.

Efesus 2:15

Pahpaan, karia ni Sia nimaté witu u salip, ni Sia nimangun un ukum Torat karia péléng an tinotoz wo am perénta witu zinéi'mo. Wo sé tou Yahudi karia né tou zéi'kan Yahudi maéndo tou wineru sé nimaesa im wia si Kristus wo karia um patéan-Na itii, si Kristus nimangun ni séra toro mahlé'o-lé'osan.

Efesus 3:15

Ni Siamo si Ama'ta péléng im witi kasendukan wo wia ung kaayahan.

Efesus 3:2

Tantumo ni kamu én timalingamo um paayangen méiwéhé ni Opo Empung wia ni aku in tumulung ni kamu mapata'u tumoro ung kamang méitambér ni Opo Empung.

Kolose 1:16

Pahpaan si Yesus nimaesa karia ni Opo Empung am wangunen péléng am witi kasendukan wo am wia ang kaayahan, ang kaile-ilekan wo an zéi'kan kaile-ilekan, a rurumezan né kolano wo ung kakolanoan, téntu kangkasii sé roh mahkakawasa wo mahpeperénta. Péléng niana ém winangun ni Opo Empung mengiité si Kristus wo méiwéhé wia ni Sia.

Kolose 1:20

Wo mengiité ni Sia, si Opo Empung nimangun péléng am wia ung kaayahan wo am witi kasendukan é nimalé'osan karia-Na. Si Opo Empung nimangun niitu karia un zaha' ni Kristus u méikasaroi i ni Sia sinalip makaz nimaté.

Kolose 3:11

Niitumo, wia ni kita én zéi'mo siapa si pahkuan tou Yunani kaapa tou Yahudi, tou sinunat kaapa zéi'kan sinunat, tou Barbar kaapa tou Skit, ata kaapa zéi'mo ata, pahpaan si Kristus si ipahpuu-puuna wo péléng sé tou ma'éman é nimaesamo karia-Na.

Ibrani 1:2

Taan in tarékan, im wana an endo kaakazan ung kaayahan kenu, ni Sia é nimuwu' wia ni kita mengiité si Oki'-Na, si tinotozo i maéndo makaanu péléng am péléng. Mengiité si Oki'-Na, si Opo Empung nimangun péléng am péléng.

Ibrani 11:40

Pahpaan si Opo Empung éng gimenang u lumouspé'mé ung kawangunan niitu wia ni kita. Ung ginenang-Na, péléng a méitaaz-Na wia ni séra én zéi'kan malekep sa zéi'kan mahwali-wali kariata.

Ibrani 9:10

Pahpaan péléng am pahwangunen néra itii én tumoro uman ang kakanen, am pahelepen wo am pahwangunen néra i meresi un tou néra mengiit um pakahragés né tou Israel. Péléng niitu én tinotoz uman né tou, zéi'kan mangun sé tou maéndo ulit witu u sinaru ni Opo Empung. Péléng an tinotoz an toro pahileken itii én zéi'kan mauréma, makaz uman si Opo Empung i mangun péléng am péléng nimaweru.

1 Petrus 1:20

Si Kristus ém pinéléngo ni Opo Empung puunala ung kaayahan kenu im winangun. Wo wana an endo kaakazan ung kaayahan kenu, ni Sia é niméyémoma wia ung kaayahan wo kamu toro ipilot im witu un ukuman wana a singkéla'.

Wahyu 5:9

A sé epat tumou-tou wo sé zuana pulu' wo epat pahtutu'an kumantaré ung kakantaren weru. Kuan néra, “Ni Ko si wangun i makailek ung kitap ginulung itii, wo muka a segelna; pahpaan ni Ko si Anak ni Domba éng kinerizo, wo karia un zaha'-Mu sé tou wia ung kaayahan ém winaér-Mumo im wia sé tahsasana suzu, sé tahsasana nunuwu'en, sé tahsasana réwok mahtuari wo wia sé tahsasana wanua i maéndo anu ni Opo Empung.