3 Yohanes 1:9 - Taaz Weru Witu u Nunuwu'en Tombulu

⁹ Wéwéhano u méipantikkuma wo méiwéhéma wia sé jamaat, taan si Diotrefes si paaz maéndo tonaas néra é soo mahtalinga ni aku.

3 Yohanes 1:9 Iomraidhean Croise

Matius 7:8

Pahpaan séi uman si mahaléi ém wéhan, séi uman si mahpenéro é makailek wo séi uman si mahténgkor ém wukaan pepenet.

Markus 9:34

Taan ni séra é memene-menes uman, pahpaan ing kataré im witipé' lalan, ni séra é mahéndo-éndoan tumoro séi si totoz ipahpuu-puuna im wia ni séra.

Markus 9:37

“Séi uman si simungkul si koki' tanu si kenu pahpaan ma'éman ni Aku, ni sia é simungkul ni Aku. Séi uman si simungkul ni Aku, zéi'kan ni Aku si sinungkulna taan ni Sia si nimatumé ni Aku.”

Lukas 9:48

ang kuan-Na wia sé pahtuzu'en-Na, “Séi uman si simungkul si koki' tanu si kenu pahpaan ma'éman wia ni Aku, ni sia é simungkul ni Aku. Wo séi uman si simungkul ni Aku, ni sia é simungkul si Opo Empung si nimatumé ni Aku. Séi si zéi'kan ipahréké-rékén im wia ni kamu, ni siamo si totoz ipahpuu-puuna.”

Roma 12:10

Mengalé-ngaléi ni kamu é mahraa-raatéan tanu a mahtuari wo mahpuu-puunala i mahwéhé a sisigi'an.

Kolose 1:18

Ni Sia én ulu wo sé jamaat én awak. Ni Sia si kataré-taré wo ni Sia si puuna méitoumé ni Opo Empung im wia sé nimaté, niitumo ni Sia si ipahpuu-puuna im wana péléng am péléng.

2 Yohanes 1:9

Si tou zéi'kan mahkiit an tutuzu' ni Kristus ang kumiitla an tutuzu' walina, ni sia én zéi'kan makaanu si Opo Empung. Séi si mahkiit an tutuzu' ni Kristus, ni sia é makaanu si Ama' wo si Oki'.

3 Yohanes 1:8

Ni kita é léwo'zéi' i mahsungkul sé tou téntu, wo kita toro maéndo kapaayang néra i mahwoka' ung kaulitan.