3 Yohanes 1:6 - Taaz Weru Witu u Nunuwu'en Tombulu

⁶ Ni séra é nimahkuamola a niilek néramé tumoro u raraatéannu witu u saru-sarun né jamaat wia'i. Totoz wangun am pahwangunennu sa ko sumawangla ni séra im wana am pemandungen néra i lumampang. Karia in téntu, ni ko é nimangunola si Opo Empung mahpaa-paaz.

3 Yohanes 1:6 Iomraidhean Croise

Kisah Rasul-rasul 15:29

Ni kamu én zéi'kan toro mahkan ang kakanen mémoiragés wia sé opo-opo, zéi'kan toro mahseza' sé binatang nimaté ing kinezangan wo un zaha'. Ni kamu kasii én zéi'kan toro mahsamek. Sa ni kamu zéi'kan mahwangun niana péléng, ni kamu é nimangunola am wangun. Téntupé' um pinantik nai kenu, sigi' nai.”

Kisah Rasul-rasul 15:3

Ni séra ipahwalima né jamaat makaz witi kaondolana um wanua tua'na. A séra lumampang kimiita witi Fenisia wo Samaria. Im witu ni séra nimahsiritama tumoro sé tou zéi'kan Yahudi sé timula'umola a singkéla' néra. U sirita itii é nimanguna un até né katuari esa pa'émanen witu totoz mahpaa-paaz.

Kisah Rasul-rasul 21:5

Taan i simampetoma an endo nai i mahento' witu, a ni kai lumampang. Péléng sé tou ma'éman wo sé mahayo néra wo sé oki' néra é nimahwalima ni kai makaz i nimondolé im witu um wanua tua'na itii. I méikaayomola witi tembir un tasik, ni kai péléng éng kimuruzla a mengaléi.

Roma 15:24

mengalé-ngaléi uman, ni aku i mangé witi Spanyol én toro tumulima witu wo mahilekan karia niou im witi Roma wo toro mahpaa-paazla karia niou zozo' in zéi'kan mauréma. Mengalé-ngaléi uman ni aku én toro sawangan nioué i mangé witi Spanyol.

2 Korintus 1:16

Pahgenangengkula sa aku mangé witi Makedonia, ni aku én tumulipé'ma wia ni kamu wo taré meméhé-méhé mangé witi Makedonia. Mawurimé im witi Makedonia, ni aku é matumuli kasii wia ni kamu wo toro wéhan nioué am pemandungengku i lumampang mangé witi Yudea.

Filipi 4:14

Zozo' in téntu, um pahwangunen niou én totoz lé'os, ni kamu mahsawango ni aku im wana ang kasusaangku.

Kolose 1:10

Karia in téntu, ung katou-touan niou ém wangun im witu u sinaru ni Mahpiara wo ni kamu éng kapaaz-Na im wana am péléng wo mua'mé am wangun im wana péléng am pahpaayangen niou, wo kalousna i mata'u tumoro ang kapaaz ni Opo Empung.

1 Tesalonika 2:12

wo totoz mahaléi wia ni kamu i menou-nou mengiit um paaz ni Opo Empung. Ni Siamo si Opo Empung si timawah ni kamu i muntep witu ung Kakolanoan-Na wo witu ung kawangko'an-Na.

Titus 3:13

Uli-ulit im pahsawangan kasiila si Zenas, si tulap an ukum wo si Apolos, wo sa séra lumampang, péléng am pemandungen néra ém wutul.

1 Petrus 2:20

Pahpaan, apa u lolooz kailekan niou sa ni kamu zézéha niukum i nimangunla a singkéla'? Taan sa ni kamu nimangunla u lé'os a ni kamu mazézéha, ni kamu én tinambéran ung kamang ni Opo Empung.

3 Yohanes 1:12

Péléng sé tou é nimilek wo mahkua am wangun tumoro si Demetrius, um pahwangunenna é mahkiit ung kaulitan. Ni kai kangkasii é nimilek am wangun tumoro ni sia wo kata'uannu an ipahkua nai én ulit.