3 Yohanes 1:5 - Taaz Weru Witu u Nunuwu'en Tombulu

⁵ Katuari ikararaatéku, im wana péléng am pahwangunennu wia sé katuari esa pa'émanen, ni ko é nimahwangunola tanu am pahwangunen né tou ma'éman, zozo' ni séra én tou limepuh umané.

3 Yohanes 1:5 Iomraidhean Croise

Matius 24:45

Kuano kasii ni Yesus, “Sa téntu, séi si ata mahtali-talinga wo tulap si éndon ni tuangna i maéndo tonaas né ata walina wo mahwéhé ung kanen wia ni séra witu un oras tinotozo?

Matius 25:16

A si ata si nimakailek u limana riwu zoit mas rengan i nimangé. An zoit itii é méilampangnala makaz ing kinaawesané limana riwu zoit mas.

Lukas 12:42

Si Yesus mingkotla, “Séi si ata mahtali-talinga wo tulap si éndon ni tuangna i maéndo tonaas né ata walina wo mahimek ung kanen né ata itii in orasnamo ing kuman?

Kisah Rasul-rasul 1:15

I sana endo, sé katuari esa pa'émanen é nimaréwok. Ung kalakez néra ém woo sana atus wo zuana pulu' tou. A si Petrus rumendaila witu un unez néra ang kumua,

Roma 12:13

Sawangala am pemandungen né tou sé linenas ni Opo Empung wo sungkulela karia u mahpaa-paaz sé tou mento' witu um walému.

Galatia 6:10

Niitumo, im wéwéhampé' un oras wia ni kita, méyémo kita mangun a lé'os wia péléng sé tou, sé ipahpuu-puuna é sé katuarita esa pa'émanen.

Kolose 3:17

Péléng am pahnuwu'en niou kaapa péléng am pahwangunen niou, péléng niitu ém wangunela mengiit u ngaran ni Yesus Mahpiara, karia i mahkua u makasé wia si Opo Empung, si Ama'ta mengiité si Yesus.

Ibrani 13:2

Tia'mo mahzua-zua genang i sumungkul sé tou mangémé witi walé niou. Pahpaan karia i nimangun un téntu, wéwéhan sé woopira tou, zéi'kan kata'uan néra i ni séra é simungkulola sé malaekat witi walé néra.

3 Yohanes 1:10

Pahpaan niitumo, sa aku mangé wana, pahaléiengku, péléng am pinahwangunnama ém pahwéhanla genang. Pahpaan an ipahkuana én zéi'kan ulit wo wayaan uman ung kanuwu'an tumoro ni kai. Ni sia én zéi'kan uman soo mahsungkul sé katuari esa pa'émanen sé mahéyé, taan pahséro'enna kasii sé jamaat mahsungkul ni séra, wo sa wéwéhan sé jamaat mahsungkul sé katuari esa pa'émanen sé mahéyé, sé simungkula itii én ipahondolnamé im wia sé jamaat.

3 Yohanes 1:3

Ni aku én totoz mahpaa-paaz im wéwéhan sé katuari niméyé a mahkua tumoro ung katou-touannu i mahkiit ung kaulitan. Pahpaan totoz ulit, ung katou-touannu é mahkiit an tutuzu' kaulitan ni Opo Empung.