2 Yohanes 1:2 - Taaz Weru Witu u Nunuwu'en Tombulu

² pahpaan an tutuzu' itii ém witumo un atéta wo mamenaté-natér ni kita makaz ing kauré-uré.

2 Yohanes 1:2 Iomraidhean Croise

Yohanes 14:16

Ni Aku é mahaléi wia si Ama', wo ni Sia é méhé wia ni kamu si Menunulung walina, wo ni Sia mengari-ngaria ni kamu makaz ing kauré-uré.

Yohanes 15:7

Sa kamu nimaesa karia-Ku wo a nuwu'-Ku ém witu un até niou, mahaléila apa uman ung kapaaz niou wia si Ama' wo ni kamu é makailek niitu.

1 Korintus 9:23

Niana péléng ém winangunku wo kalakezna sé tou toro tumalinga u Nuwu' Lé'os tumoro si Kristus, wo ni aku kangkasii én toro makailek kamang witu u Nuwu' Lé'os itii.

2 Korintus 4:5

An ipahwoka' nai én zéi'kan tumoro ni kai, taan tumoro si Yesus Kristus Mahpiara. Ni kai nimaéndo ata niou, pahpaan ni kai é mahpaayang ang kapaaz ni Yesus.

Kolose 3:16

U Nuwu' ni Kristus é léwo'zéi' malake-lakez ing kimawasa witu péléng ung katou-touan niou, taka-takazan karia péléng ung katulapan, ni kamu mahtuzu' wo mahsésésaan si esa wo si esa karia i mahkantar a mazmur wo ang kakantaren lolooz wo ang kakantaren né tou ma'éman, wo mahkua u makasé wia si Opo Empung witu un até niou.

2 Timutius 1:5

Kagenangangkula i ni ko én uli-ulit ma'éman wia si Kristus tanu um pa'émanen ing kataré-taré ni nénému Lois wo ni ina'mu Eunike. Wo totoz kata'uangku sa um pa'émanennu én tanu um pa'émanen néra.

2 Petrus 1:12

Pahpaano niitu, niana péléng sekezé én ipapagenangkuma wia ni kamu, zozo' niana péléng éng kata'uan niouo wo an tutuzu' ulit itii én totoz im pa'émanen niouo.

1 Yohanes 1:8

Sa kita kumuala i ni kita én zéi'kan simingkéla', ni kita é mahtowomo im witu un touta in esa, wo ung kaulitan én zéi'kan siapa im wia ni kita.

1 Yohanes 2:14

É kamu sé koki', ni aku é mantika ang kenu wia ni kamu, pahpaan ni kamu é mata'umo si Ama'. É kamu sé ama', ni aku é mantika ang kenu wia ni kamu, pahpaan ni kamu é mata'umo ni Sia, si wiamo rengané ing kataré-taré. É kamu sé weru tou, ni aku é mantika ang kenu wia ni kamu, pahpaan ni kamu én enté' wo u Nuwu' ni Opo Empung ém wia ni kamu wo si tonaas né sétang éng kinala niouola.

1 Yohanes 2:17

Ung kaayahan wo péléng ang kapaaz né tou é lelezo mazéi', taan si tou mahwangun ang kapaaz ni Opo Empung é menou-nou makaz ing kauré-uré.