2 Timutius 3:3 - Taaz Weru Witu u Nunuwu'en Tombulu

³ zéi'mo rumaraaté si kasuat tou, soo u mahlé'o-lé'osan, mahtawuruk si kasuat tou, zéi'mo makaezen un upi', totoz léwo' wo kasii mazi'zis am wangun.

2 Timutius 3:3 Iomraidhean Croise

Matius 10:21

Wo in tumondong é mamuali, si tou é mayo si katuarina im wunu'en, téntu kangkasii si ama' wia sé oki'na. Sé koki' é masumaru sé tu'a néra wo munu' ni séra.

Matius 4:1

A si Yesus ipahwalima ni Roh ni Opo Empung witi kapelasan i mawa'wa'en ni tonaas né sétang.

Lukas 10:16

Ang kuan ni Yesus wia sé tou mahkii-kiit ni Sia, “Séi uman si mahtalinga ni kamu, ni sia é mahtalinga ni Aku. Séi uman si soo ni kamu, ni sia é soo ni Aku wo séi uman si soo ni Aku, ni sia é soo wia si nimatumé ni Aku.”

Lukas 16:14

I sé tou wia sé sana réwok tou Farisi sé megena-genang uman an zoit, tumalingamé péléng a méikuamé ni Yesus, a Sia ipahké'ké' néra.

Yohanes 6:70

Kuan ni Yesus wia ni séra, “Zéi'kankuaa ni Aku si niméléng ni kamu sé mapulu' wo zua? Taan, si esaané im wia ni kamu é sétang.”

Roma 1:29

Ang genang néra é mawuta-wuta an totoz léwo', an zéi'kan wangun, ang kaangkuman wo ang kawuulan, téutéu, mahwunu' sé kasuat tou, mahéndo-éndoan, an tantowo, ang genang léwo' wo mahsirita an zéi'kan wangun tumoro sé tou walina.

Roma 1:31

lemou, nimaliuz a méitaaz, zéi'kan rumaraaté, zéi'kan pandung wia sé tou walina.

1 Korintus 7:5

Wia sé sana séndé', mahwangunla an toro uman pahwangunen né sana séndé'. Toro in zéi'kan mahwangun niana sa ni kamu zua nimaesaanola, taan tia'mo tahlous uré, wo kamu wéwéhan oras i mengaléi. Kumawusa niitu, ni kamu é mahwali-walila sumaup, wo si tonaas né sétang zéi'kan menou ni kamu, pahpaan ni kamu zéi'kan makaezen u lelo un awak niou.

1 Korintus 7:9

Taan sa séra zéi'kan makaezen u lelo un awak néra, tawimo séra ing kumawéngla. Pahpaan tawimo séra ing kimawéng én taa séra zézéhan u lelo néra itii.

1 Tesalonika 4:8

Niitumo, séi sé soo an tutuzu' kenu, ni sia én zéi'kan soo an tutuzu' ni tou, taan ni sia é soo si Opo Empung si niméhémomé si Roh Lenas wia ni kamu.

1 Timutius 3:11

Téntu kangkasii sé mahayo néra é léwo'zéi' in tou lé'os sé pahsigi-sigi'en, zéi'kan mahtawuruk sé tou walina, mata'u mahime-imek un tou néra wo toro pa'émanen wana péléng am péléng.

Titus 1:8

taan paaz sumungkul sé tou i mento' witi waléna, paaz péléng am wangun wo lé'os, tulap, zéi'kan mahsanaweka, mahkiit um paaz ni Opo Empung, makaezen wana a lelo,

Titus 2:3

Téntu kangkasii sé wéwéné tu'amo, ni séra é léwo'zéi' i menou-nou mahkiit ung kapaaz ni Opo Empung, zéi'kan toro mahtawuruk sé tou walina wo zéi'kan toro mahelep a menewelen. Taantaré ni séra é léwo'zéi' i mahtuzu' am wangun,

Yakobus 2:6

Taan sé tou zéi'kan siapa apa ém pinahséro'an niouola. Zéi'kankuaa sé tou wa'ilan sé mahzézéha wo nimahwali ni kamu witi penonotozan in ulit kaapa zéi'kan am pahwangunen né tou?

2 Petrus 2:14

Sa mileka si wéwéné, méyé um paaz witu ung genang néra i sumamek karia ni wéwéné itii wo ni séra én zéi'kan maseso' i memua-muali a singkéla'. Sé tou zéi'kampé' tahlous ma'éman wia si Yesus ém pahenouen néra wo séra ikalulu. Ni séra é nimanaramo i menou-nou mahkiit ung kaangkuman néra. Ni séra é makailek un epa' ni Opo Empung.

2 Petrus 2:19

Sé méster towo itii é méhé un taaz wia sé tou i lamaéndo tou zéi'mo ata, taan ndéén sé méster towo itii ém pahata-atan ang kinanaram néra wana a léwo'an a mahléwo' sé tou. Pahpaan si kinalamo é nimaéndomola ata ni kimala ni sia.

2 Petrus 3:3

Un ipahpuu-puuna ing kata'uan nioula én téntii: Im wana an endo kaakazan ung kaayahan, mahondolé sé tou tampenéro' karia a séséro' néra, sé menou-nou mahkiit uman a lelo léwo' un awak.

Yudas 1:16

Sé tou itii é sé mengengu-ngengut wo mema'o-ma'os tumoro am pengalin néra, menou-nou mahkiit a lelo léwo' un awak néra. A sumah néra é mahkua ang kaweraan néra wo meloo-looz sé tou i mahlalakez am pahkailekan néra.

Yudas 1:18

Pahpaan ni séra éng kimuamo wia ni kamu, “Merétéma ung kaakazan ung kaayahan, mondolé sé menénéro', sé menou-nou mahkiit uman a lelo léwo' un awak néra.”

Wahyu 13:15

Wo si binatang kazua itii ém winéhan ung kawasa i méhé un asengan witu um patong ni binatang kataré itii. Karia in téntu, si patong ni binatang kataré itii én toro mahnuwu' wo toro mahwangun apa uman taka-takazan péléng sé tou sé zéi'kan mahongkot wo mahsigi' si patong ni binatang itii ém wunu'en.

Wahyu 13:17

Wo zéi'kan siapa tou wo toro mangkér kaapa tumeles sa sia zéi'kan winéhan un tanda itii. Un tanda itii é ngaran ni binatang itii kaapa rérékénan u ngaranna.

Wahyu 16:6

Ni séra é nimunu'mo sé tou ni Opo Empung wo sé nabi, ni séra kasii ém winéhan-Numola un zaha' in elepen. Un ukuman itii um wangun im wia ni séra!”

Wahyu 17:6

Ilekengkuma si wéwéné itii én teweleno pahpaan nimelep an zaha' né tou ni Opo Empung wo an zaha' né tou sé mahkua a niilek wo tinalinga néra tumoro si Yesus. Ni aku i nimileka si wéwéné itii én totoz mengusi-ngusingsing.