1 Yohanes 5:8 - Taaz Weru Witu u Nunuwu'en Tombulu

⁸ Wo im wia ung kaayahan én telu un tumuzu'mé niitu]: Si Roh ni Opo Empung, un zano wo un zaha' wo sé telu itii én esa.

1 Yohanes 5:8 Iomraidhean Croise

Matius 28:19

Niitumo, mangémo wangunela péléng sé tahsasana wanua maéndo pahtuzu'eng-Ku wo saranila séra karia u ngaran ni Ama', ni Oki' wo ni Roh Lenas,

Markus 14:56

Lakez sé tou mahnuwu' an towo i mapahsasala' si Yesus, taan péléng an ipahkua néra én zéi'kan nimahéndoan.

Yohanes 15:26

Ni Aku é matumé wia ni kamu si Menunulung si wia si Ama' a méyé. Ni Siamo si Roh Kaulitan, si mémapailek ung kaulitan tumoro si Opo Empung. Sa ni Sia méyé, ni Sia é mékumua ang kata'uan-Na tumoro ni Aku.

Yohanes 19:34

Taan si esaané im wia sé suraro itii nimetuma um wentuhan ni Yesus karia un wengkou a rengan sumaroié un zaha' wo un zano.

Kisah Rasul-rasul 15:15

Niana péléng é masuat wo a méikua né nabi tanu a méipantik in téntii,

Roma 8:16

Si Roh ni Opo Empung in esa si nimaesamo karia ni roh si wia ni kita é mapailek i ni kita én oki' ni Opo Empung.

2 Korintus 1:22

Si Opo Empung si niméhé si Roh Lenas witu un atéta un tumuzu'mé i ni kai én toro makailek péléng a méitaaz-Na wia ni kai. Si Roh Lenas én tanu u meterai un tumuzu'mé i ni kita én tou-Na.

Ibrani 13:12

Tanu sé tatamun ém pahtunun witi ondol tampa rinendaian né tou Israel an ténda, si Yesus kangkasii é nimazézéha witi ondolé u Yerusalem i lumenas sé tou-Na karia un zaha'-Na in esa.

Ibrani 6:4

Pahpaan sé tou nima'émanomé wo nimé'annomé ung kamang ni Opo Empung wo sé nimakaileko ung kawasa ni Roh Lenas taan soomo ma'éman, ni séra én zéi'kan mamuali im werun sumaup.

1 Petrus 3:21

Un ampuhan itii én toro pasuaten karia u sasarani in tarékan un tumuzu'mé si Opo Empung nimiloté ni kamu im witu un ukuman wana a singkéla', mengiité si Yesus Kristus si méitoumomé sumaup ni Opo Empung im wia sé nimaté. Ni kamu i sinarani én zéi'kan i meresi un tou niou, taan u sasarani én tumuzu'mé i ni kamu mahaléi wia si Opo Empung i makaileké un até weresi.

1 Yohanes 5:9

Ni kita én timalinga an ipahkua ni tou tumoro a niilekna, taan an ipahkuapé' ni Opo Empung tumoro ang kata'uan-Na un enté'. Pahpaan ung kenumo un ipahkua ni Opo Empung tumoro ung kata'uan-Na, i ni Sia mahkua ung kata'uan-Na tumoro si Oki'-Na.