1 Yohanes 5:7 - Taaz Weru Witu u Nunuwu'en Tombulu

⁷ Pahpaan telu sé mahkua ang kata'uan néra [im witi kasendukan: Si Ama', u Nuwu' ni Opo Empung wo si Roh Lenas wo sé telu itii én esa.

1 Yohanes 5:7 Iomraidhean Croise

Matius 17:5

Taan i si Petrus karegaspé' mahnuwu', kumompo'mé an tumumpamé u ninahak mahsena' ang kumungkunga wia ni séra. Im witu un untep u ninahak itii tinalingamé u nuwu' kimuamé, “Si Kenumo si Oki'-Ku si ikararaaté-Ku, ni Sia si mahwangun un até-Ku mahpaa-paaz, pahtalingala Sia.”

Matius 18:16

Taan sa ko zéi'kan talingana, tumawahmé si esa kaapa zua katuarimu tou ma'eman i milek wo tumalinga un ipahkuamu wia ni sia, wo wéwéhan sé tou menté' u méikuamu.

Matius 28:19

Niitumo, mangémo wangunela péléng sé tahsasana wanua maéndo pahtuzu'eng-Ku wo saranila séra karia u ngaran ni Ama', ni Oki' wo ni Roh Lenas,

Yohanes 1:1

Ing kataré-taré, puunala ung kaayahan im winangun, u Nuwu' ni Opo Empung ém wiamo. U Nuwu' ni Opo Empung é mengari-ngaria si Opo Empung wo ni Sia é si Opo Empung in esa.

Yohanes 10:30

Ni Aku wo si Ama'-Ku én esa.”

Yohanes 12:28

Ama', ituzu'mé ung kawangko'an-Nu!” An talingané u nuwu' witi kasendukan a méyé, “Ni Aku én timuzu'mo ung kawangko'an-Ku. Wo ni Aku kasii é matumuzu' ung kawangko'an-Ku sumaup.”

Yohanes 14:17

Si Menunulung itii é si Roh ung kaulitan. Sé tou wia ung kaayahan é soo sumungkul ni Sia, pahpaan sé tou wia ung kaayahan én zéi'kan mahilek ni Sia wo zéi'kan mata'u ni Sia. Taan ni kamu é mata'u ni Sia, pahpaan ni Sia é menaté-natér ni kamu wo maesa karia niou.

Yohanes 15:26

Ni Aku é matumé wia ni kamu si Menunulung si wia si Ama' a méyé. Ni Siamo si Roh Kaulitan, si mémapailek ung kaulitan tumoro si Opo Empung. Sa ni Sia méyé, ni Sia é mékumua ang kata'uan-Na tumoro ni Aku.

Yohanes 5:26

Pahpaan tanu si Ama' si mahkawasa mahwéhémé ung katou-touan, téntu kangkasii si Ama' niméhé ung kawasa wia si Oki'-Na i mahwéhé ung katou-touan.

Yohanes 8:18

Ni Akumo si mahkua tumoro un tou-Ku in esa wo kangkasii si Ama', si nimatumé ni Aku é mahkua tumoro ang kata'uan-Na wia ni Aku.”

Yohanes 8:54

A si Yesus mingkotla, “Sa ni Aku mahsigi' wo mahlooz uman un tou-Ku in esa, u sigi' wo u looz itii én zéi'kan siapa torona. Si mahsigi' wo mahlooz ni Aku é si Ama'-Ku, si pahkuan niou in Opo Empung niou.

Kisah Rasul-rasul 2:33

Tumondongla niitu, ni Sia é méirakék ni Opo Empung a makaileké si Roh Lenas si méitaaz ni Ama'. An itumpa-Namé si Roh itii tanu a niilek wo tinalinga niou wia un tampa kenu.

Kisah Rasul-rasul 5:32

Ni kaimo sé mapata'u um pina'ilek nai tumoro a nimamuali itii, ni kai wo si Roh Lenas si méitambéré ni Opo Empung wia péléng sé tou sé mahtali-talinga ni Sia.”

1 Yohanes 1:1

Um pinantik kenu én tumoro u Nuwu' ni Opo Empung u mahwéhémé ung katou-touan, um wiamo rengané ing kataré-taré, un tinalinga naimo, u niilek naimo karia um weren nai, um winéhan naimo genang wo um pinahtionan naimomé. Niitumo u méipantik nai an iwéhéma wia ni kamu.

1 Yohanes 5:6

Si Yesus Kristus é niméyé karia un zano wo un zaha', zéi'kan uman karia un zano taan karia un zano wo karia un zaha'. Si Roh ni Opo Empung si mahkua ang kata'uan-Na, pahpaan si Roh ni Opo Empung éng kaulitan.

1 Yohanes 5:8

Wo im wia ung kaayahan én telu un tumuzu'mé niitu]: Si Roh ni Opo Empung, un zano wo un zaha' wo sé telu itii én esa.

Wahyu 19:13

Ni Sia éng kimarai ung karai tonton u mémoisousou witu un zaha' wo u ngaran-Na é “Nuwu' ni Opo Empung.”