1 Yohanes 5:13 - Taaz Weru Witu u Nunuwu'en Tombulu

¹³ Péléng niana én ipantikkuma an iwéhéma wia ni kamu, wo kamu sé ma'éman witu u ngaran ni Oki' ni Opo Empung é mata'ula i ni kamu é makailek ung katou-touan makaz ing kauré-uré.

1 Yohanes 5:13 Iomraidhean Croise

Yohanes 1:12

Taan péléng sé tou simungkul ni Sia wo ma'éman ni Sia ém winéhan-Na kawasa i maéndo oki' ni Opo Empung.

Yohanes 2:23

I si Yesus witi Yerusalem i lumé'os un endo mahpésta né tou Yahudi um pahkuan Paskah, lakez sé tou ma'éman ni Sia pahpaan ni séra é nimileko a makakompo'en am winangun-Na.

Yohanes 20:31

Taan péléng niia é méipantik wo kamu ma'éman i si Yesus é Mesias, Oki' ni Opo Empung. Wo pahpaan ma'éman wia ni Sia, ni kamu é makailek ung katou-touan makaz ing kauré-uré karia-Na.

Yohanes 21:24

Ni siamo si pahtuzu'en si mahkuama an niilek wo an tinalingana tumoro niia péléng wo si nimantiko, wo kata'uanta sa am pahkuana tumoro a niilek wo an tinalingana én ulit.

Yohanes 3:18

Séi uman si ma'éman ni Sia én zéi'kan ukumen. Taan si zéi'kan ma'éman ni Sia é nimakaileko un ukuman, pahpaan ni sia én zéi'kan ma'éman witu u ngaran ni Oki' ni Opo Empung si esa uman.

Yohanes 5:24

Uli-ulit ikua-Kuma wia ni kamu: Séi uman si timalinga u méikua-Ku wo ma'éman wia ni Sia si nimatumé ni Aku, si tou itii é makailek ung katou-touan makaz ing kauré-uré wo zéi'kan makailek un ukuman, pahpaan ni sia é méikapilotomé im witu um patéan wo niméramoma witu ung katou-touan.

Kisah Rasul-rasul 3:16

In tarékan, pahpaan si tou kata'uan niou wo pengile-ngileken niou kenu ma'éman witu u ngaran ni Yesus, niitumo u Ngaran itii nimangun ni sia nimaenté'. Wo um pa'émanenna itii u nimangun ni sia nimalé'os witu u sinaru niou péléng.

Kisah Rasul-rasul 4:12

Akaz uman si Yesus si toro milot sé tou im witu un ukuman wana a singkéla', zéi'kan siapa ngaran walina. Pahpaan im wia ung kaayahan kenu, zéi'kan siapa ngaran walina si winéhan ni Opo Empung ung kawasa i milot sé tou im witu un ukuman wana a singkéla' néra.”

2 Korintus 5:1

Ung kata'uan nai, un awakta im wia ung kaayahan é masuat uman wo un ténda pahento'anta u maléwo'. Si Opo Empung é méhé wia ni kita um walé witi kasendukan. Um walé itii ém winangun ni Opo Empung, zéi'kan maléwo' makaz ing kauré-uré, zéi'kan winangun ni tou.

Galatia 4:6

Pahpaan ni kamu én oki' ni Opo Empung, niitumo si Opo Empung nimatumé si Roh ni Oki'-Na witu un atéta, si tumawah, “O Abba, o Ama'ku!”

1 Petrus 5:12

Karia im pinahsawangala ni Silas, ni aku nimantika um pinantik potot uman kenu. Totoz kata'uangku i si Silas kenu éng katuariku esa pa'émanen wo ni sia én toro pahtali-talingan. Um pinantik kenu ém pinantikku wo iwéhékuma i sumésama wo totoz mapagenanga wia ni kamu sa niia én uli-ulit kamang méitambér um wia si Opo Empung a méyé. Totoz in enté'ela um pa'émanen niou im wana ang kamang méitambér ni Opo Empung itii.

1 Yohanes 1:4

Péléng niia én ipantik naima wo iwéhéma wia ni kamu, wo u mahpaa-paaz nai én toro malekep.

1 Yohanes 2:1

Ni kamu in oki'ku, ang kenu ém pinantikkuma wo méiwéhéma wia ni kamu, wo kamu zéi'kan mahwangun a singkéla'. Taan sa wéwéhan im wia ni kamu si mahwangun a singkéla', wéwéhan si makumelung ni kita im witu u sinaru ni Ama', ni Siamo si Yesus Kristus, si zéi'kan mahsanaweka.

1 Yohanes 2:21

Ni aku é mantika an iwéhé wia ni kamu, zéi'kan pahpaan ni kamu én zéi'kan mata'u ang kaulitan, taan pahpaan niitu éng kata'uan niouo wo kasii pahpaan kata'uan niouo in zéi'kan siapa an towo a mahondolé wana an tutuzu' kaulitan.

1 Yohanes 2:25

Ang kenumo a mémoitaaz-Na in esa wia ni kita, niitu éng katou-touan makaz ing kauré-uré.

1 Yohanes 2:26

Péléng niana én ipantikkuma wia ni kamu, tumoro sé tou mahtututu' i mahlululu ni kamu.

1 Yohanes 3:23

Kenumo am perénta-Na: Ni kita é léwo'zéi' i ma'éman u ngaran ni Yesus Kristus, si Oki'-Na, wo ni kita léwo'zéi' i mahraa-raatéan mengiit um perénta méiwéhé ni Kristus wia ni kita.

1 Yohanes 4:9

U raraatéan ni Opo Empung é méipapaileké wia ni kita witu ung kenu: Si Opo Empung nimatumé si Oki'-Na si esa uman i méyé wia ung kaayahan wo kita toro makailek ung katou-touan makaz ing kauré-uré mengiité si Oki'-Na itii.

1 Yohanes 5:10

Séi si ma'éman wia si Oki' ni Opo Empung, witu un aténa ém wéwéhano un ipahkua ni Opo Empung tumoro si Oki'-Na itii. Séi si zéi'kan ma'éman wia si Opo Empung, winangunna si Opo Empung in tantowo, pahpaan zéi'kan pa'émanenna un ipahkua ni Opo Empung tumoro si Oki'-Na.

1 Yohanes 5:11

Ung kenumo un ipahkua ni Opo Empung tumoro si Oki'-Na: Ni Sia é niméhémomé wia ni kita ung katou-touan makaz ing kauré-uré. Ung katou-touan itii ém wia si Oki'-Na.

1 Yohanes 5:20

Kata'uanta kasii i si Oki' ni Opo Empung é niméyémo wo niméhémo ung katulapan wia ni kita. Karia in téntu, ni kita mata'u Si Ulit wo maesa karia Si Ulit pahpaan nimaesa karia si Oki'-Na, si Yesus Kristus. Ni Siamo si Opo Empung, si ulit wo si mahwéhémé ung katou-touan makaz ing kauré-uré.