1 Yohanes 4:6 - Taaz Weru Witu u Nunuwu'en Tombulu

⁶ Ni kita ém wia si Opo Empung a méyé: Séi si mata'u si Opo Empung, ni sia é mahtalinga ni kita. Séi si zéi'kan wia si Opo Empung a méyé, ni sia én zéi'kan mahtalinga ni kita. Niitu un tumuzu'mé wisa si Roh kaulitan wo wisa si roh mahlululu uman si tou.

1 Yohanes 4:6 Iomraidhean Croise

Lukas 10:22

Péléng am péléng é mémoiayo ni Ama'-Ku wia ni Aku. Zéi'kan siapa zozo' in esa si mata'u si Oki', akaz uman si Ama'. Zéi'kan siapa zozo' in esa si mata'u si Ama', akaz uman si Oki' wo sé tou sé kapaaz ni Oki' sé makuaan-Na tumoro si Ama'.”

Yohanes 10:16

Taan ni Aku kangkasii é makaanu sé domba walina sé zéi'kan wia um pahpiaraan kenu. Sé domba itii kangkasii é léwo'zéi' im pahwali-Ku wo ni séra matumalinga u nuwu'-Ku wo ni séra é maéndo sana réwok domba esa memimiara.

Yohanes 10:27

Sé domba-Ku mahtalinga u nuwu'-Ku wo ni Aku mata'u ni séra wo ni séra mahkiit ni Aku.

Yohanes 10:3

Si menénéiz um pepenet um pahpiaraan sé domba é muka um pepenet wia si memimiara sé domba wo sé domba é mahkii-kiit u nuwu'na i ni sia mahtawah u ngaran néra si esa wo si esa wo mahwali ni séra i mondolé.

Yohanes 13:20

Uli-ulit ikua-Kuma wia ni kamu: Séi uman si simungkul si tou méiatu-Kumé, ni sia é simungkul ni Aku. Wo séi uman si simungkul ni Aku, ni sia kangkasii é simungkul ni Sia si nimatumé ni Aku.”

Yohanes 14:17

Si Menunulung itii é si Roh ung kaulitan. Sé tou wia ung kaayahan é soo sumungkul ni Sia, pahpaan sé tou wia ung kaayahan én zéi'kan mahilek ni Sia wo zéi'kan mata'u ni Sia. Taan ni kamu é mata'u ni Sia, pahpaan ni Sia é menaté-natér ni kamu wo maesa karia niou.

Yohanes 15:26

Ni Aku é matumé wia ni kamu si Menunulung si wia si Ama' a méyé. Ni Siamo si Roh Kaulitan, si mémapailek ung kaulitan tumoro si Opo Empung. Sa ni Sia méyé, ni Sia é mékumua ang kata'uan-Na tumoro ni Aku.

Yohanes 16:13

Taan sa si Roh Kaulitan itii méyé, ni Sia é mahkit ni kamu i mata'u péléng ang kaulitan. Pahpaan ni Sia zéi'kan mahkua mengiit ung ginenang-Na in esa taan ni Sia é mahkua péléng an tinalinga-Na wia si Opo Empung, wo ni Sia éng kumua wia ni kamu a mamuali witu un endo tumondong.

Yohanes 18:37

Ang kuan ni Pilatus wia ni Sia, “Sa téntu, ni Ko ndéén éng Kolano?” A si Yesus mingkotla, “Ni ko si kimua i ni Aku éng Kolano. Pahpaano niitu a ni Aku itoumé wo niméyé wia ung kaayahan kenu, wo ni Aku toro kumua a niilek wo tinalinga-Ku tumoro ung kaulitan. Sé tou paaz ung kaulitan itii é mahtalinga ni Aku.”

Yohanes 20:21

A si Yesus makasapé' kasii ing kimuama, “Ung kaluasan witu un até é menaté-natér ni kamu! Tanu si Ama' nimatumé ni Aku, téntu kangkasii in tarékan ni Aku matuma ni kamu.”

Yohanes 8:19

Ang kuan néra wia ni Sia, “Wisa wé si Ama'-Mu?” Si Yesus mingkotla, “Ni kamu én zéi'kan mata'u ni Aku wo si Ama'-Ku. Sa kamu mata'u ni Aku, ni kamu kangkasii é mata'u si Ama'-Ku.”

Yohanes 8:23

A Sia kumua wia ni séra, “Ni kamu ém wia um wawa' kenu a méyé, ni Aku ém witi atas a méyé. Ni kamu ém wia ung kaayahan kenu a méyé, taan ni Aku én zéi'kan wia ung kaayahan kenu a méyé.

Roma 1:1

Um pinantik kenu ém wia ni aku Paulus, ata ni Kristus Yesus, si tinawah ni Opo Empung i maéndo aatu ni Yesus Kristus wo tinotoz i mahwoka' u Nuwu' Lé'os ni Opo Empung.

Roma 11:8

Tanu u méipantik witu um Pinantik Lenas, “Si Opo Empung é mangun ni séra tanu nimatekel, winéhan weren taan zéi'kan makailek wo winéhan lunteng taan zéi'kan makatalinga, makaz in tarékan.”

1 Korintus 14:37

Sa wéwéhan tou mahkua i ni sia é nabi, kaapa tinambéran ni Roh Lenas, ni sia é léwo'zéi' mata'u sa péléng am pinantikku kenu ém perénta ni Mahpiara.

2 Korintus 10:7

Ilekela wo kata'uan nioula am witu u sinaru niou! Sa si tou uli-ulit ma'éman i ni sia én anu ni Kristus, ni sia kangkasii én totoz i mahgenangla witu un touna in esa i ni kai én anu ni Kristus tanu ni sia.

2 Tesalonika 1:8

Ni Sia kasii in timumpamé é mémukum sé tou soo mata'u si Opo Empung wo soo mahkiit u Nuwu' Lé'os tumoro si Yesus, si Mahpiarata.

1 Timutius 4:1

Si Roh Lenas én uli-ulit kimua, im wana an endo in tumondong ém wéwéhan sé tou matumamburi witu um pa'émanen wo kumua in zéi'kan mata'u si Yesus. Ni séra é mahtali-talinga sé roh mahlululu uman ni séra wo mahkiit uman an tutuzu' né sétang,

2 Petrus 3:2

Kapaazku ni kamu gumenang a méikua né nabi lenas im puuna wo am perénta ni Mahpiara wo si nimilot ni kita im witu un ukuman wana a singkéla', wia sé aatu-Na, an ikua néra wia ni kamu.

1 Yohanes 4:1

Katuari-katuari ikararaatéku, péléng sé roh én tia' pa'émanen niou, taan pahtata'ula lumé'o-lé'os sé roh itii, sa sé roh itii ém wia si Opo Empung a méyé kaapa zéi'kan. Pahpaan lakez sé nabi towo sé nimapaileko un tou néra wo mahliklik ung kaayahan.

1 Yohanes 4:4

É oki'ku! Ni kamu ém wia si Opo Empung a méyé wo ni kamu éng kimalamola sé nabi towo itii. Pahpaan si Roh si wiamo ni kamupé' si wangko', taan sé roh wia ung kaayahan.

1 Yohanes 4:8

Séi si zéi'kan rumaraaté, ni sia én zéi'kan mata'u si Opo Empung, pahpaan si Opo Empung é rumaraaté.

1 Yohanes 5:19

Kata'uanta i ni kita ém wia si Opo Empung a méyé wo ung kaayahan kenu éng kinawasa ni tonaas né sétang.

Yudas 1:17

Taan ni kamu katuari-katuari ikararaatéku, gena-genangen a mémoipahkuama né aatu ni Yesus Kristus, Mahpiarata, im puuna.