1 Yohanes 4:4 - Taaz Weru Witu u Nunuwu'en Tombulu

⁴ É oki'ku! Ni kamu ém wia si Opo Empung a méyé wo ni kamu éng kimalamola sé nabi towo itii. Pahpaan si Roh si wiamo ni kamupé' si wangko', taan sé roh wia ung kaayahan.

1 Yohanes 4:4 Iomraidhean Croise

Yohanes 12:31

In tarékan én orasnamo si Opo Empung in tumotoz ulit kaapa zéi'kan am pahwangunen né tou wia ung kaayahan kenu, in tarékan kasii si Tonaas né sétang si mahkawasa wia ung kaayahan kenu éng kalan.

Yohanes 14:30

Zéi'mo lakez un ikua-Kuma wia ni kamu pahpaan si tonaas né sétang si mahkawasa wia ung kaayahan kenu é mahéyémo. Taan ni sia én zéi'kan siapa kawasa i merénta ni Aku.

Yohanes 16:11

Wo ni Sia kasii mapata'u i si Opo Empung én timotozo ulit kaapa zéi'kan am pahwangunen né tou, pahpaan si tonaas né sétang si mahkawasa wia ung kaayahan kenu é niukumo.

Yohanes 17:23

Ni Aku nimaesa karia néra wo si Ama' nimaesa karia-Ku wo ni séra uli-ulit nimaesa. Wo sé tou walina wia ung kaayahan kenu mata'u i si Ama' si nimatumé ni Aku wo si Ama' rumaraaté ni séra, tanu si Ama' rumaraaté ni Aku.

Roma 8:31

Niitumo, apa un ikuatama tumoro niana péléng? Sa si Opo Empung kimaria ni kita, séi si sumaru ni kita?

Roma 8:37

Taan wana péléng am péléng, ni kita é lumouspé'mé sé tou nimuntung, pahpaan si Kristus é rumaraaté ni kita.

1 Korintus 2:12

Si roh wia ni kita é si roh méiwéhémé ni Opo Empung, si zéi'kan wia ung kaayahan kenu a méyé. Niitumo, ni kita én toro mata'u a méitambér ni Opo Empung wia ni kita.

1 Korintus 6:13

Wéwéhan sé mahkua kasii, “Ung kakanen wéwéhan torona witu um poot wo um poot wéwéhan torona pahpaan ung kakanen.” Taan si Opo Empung é luméwo' ung kakanen wo um poot. Ni kamu én tia' mahwangun un tou niou i mahsamek, taan wangunela un tou niou i mahwangun uman ang kapaaz ni Opo Empung, pahpaan si Opo Empung si makaanu un toumu.

2 Korintus 4:4

Sé tou itii zéi'kan ma'éman pahpaan ung genang néra éng kinawasapé' ni tonaas né sétang si kimawasa wia ung kaayahan kenu. Niitumo, zéi'kan kailekan néra u sena' u Nuwu' Lé'os tumoro ung kawangko'an ni Kristus si totoz masuat wo si Opo Empung.

2 Korintus 6:16

Apa u masuat um witu um Walé ni Opo Empung wo um witu um walé né opo-opo? Ni kita i ma'éman ém Walé ni Opo Empung. Niitu én tanu u méipantik witu um Pinantik Lenas, in téntii, “Ni Aku é mamento' karia néra, wo menou-nou karia néra, wo ni Aku é maéndo Opo Empung néra, wo ni séra é maéndo tou-Ku.

Efesus 2:2

In toro niitu ni kamu é menou-nou mengiit ang kinanaram né tou wia ung kaayahan, ni kamu mahtali-talinga sé roh léwo' mahkawasa witi langit, ni séramo sé roh mahkawasa witu un até né tou zéi'kan mahtali-talinga si Opo Empung.

Efesus 3:17

Pahpaan ni kamu ma'éman wia si Kristus, si Kristus é mento' witu un até niou wo u mahraa-raatéan é maéndo to'tolan wo kimawasa ung katou-touan niou.

Efesus 6:10

Ing kamurian, enté'ela un até niou karia ung kaenté'an ung kawasa méiwéhémé ni Mahpiara pahpaan nimaesa karia-Na.

1 Yohanes 2:1

Ni kamu in oki'ku, ang kenu ém pinantikkuma wo méiwéhéma wia ni kamu, wo kamu zéi'kan mahwangun a singkéla'. Taan sa wéwéhan im wia ni kamu si mahwangun a singkéla', wéwéhan si makumelung ni kita im witu u sinaru ni Ama', ni Siamo si Yesus Kristus, si zéi'kan mahsanaweka.

1 Yohanes 2:13

É kamu sé ama', ni aku é mantika ang kenu wia ni kamu, pahpaan ni kamu é mata'umo ni Sia, si wiamo rengané ing kataré-taré. É kamu sé weru tou, ni aku é mantika ang kenu wia ni kamu, pahpaan si tonaas né sétang éng kinala niouola.

1 Yohanes 3:20

sa un atéta mapahsasala' ni kita. Pahpaan si Opo Empungpé' si wangko' taan ang kata'uan un atéta wo ni Sia é mata'u péléng am péléng.

1 Yohanes 3:24

Séi si mahkiit peléng a méiperénta-Na, ni sia é nimaesa karia ni Opo Empung wo si Opo Empung é nimaesa kariana. Karia in téntu, ni kita én toro mata'ula i si Opo Empung é nimaesa kariata, pahpaan ni Sia én timambéromé si Roh-Na wia ni kita.

1 Yohanes 4:13

Pahpaan si Opo Empung é niméhémomé wia ni kita si Roh-Na, niitumo kata'uanta i ni kita é nimaesa karia ni Opo Empung wo ni Sia é nimaesa kariata.

1 Yohanes 4:16

Ni kita é mata'umo wo ma'émano u raraatéan ni Opo Empung wia ni kita. Si Opo Empung é rumaraaté, wo séi si rumaraaté, ni sia é nimaesa karia ni Opo Empung wo si Opo Empung é nimaesa kariana.

1 Yohanes 4:6

Ni kita ém wia si Opo Empung a méyé: Séi si mata'u si Opo Empung, ni sia é mahtalinga ni kita. Séi si zéi'kan wia si Opo Empung a méyé, ni sia én zéi'kan mahtalinga ni kita. Niitu un tumuzu'mé wisa si Roh kaulitan wo wisa si roh mahlululu uman si tou.

1 Yohanes 5:19

Kata'uanta i ni kita ém wia si Opo Empung a méyé wo ung kaayahan kenu éng kinawasa ni tonaas né sétang.

1 Yohanes 5:4

pahpaan péléng sé oki' ni Opo Empung éng kumala a léwo' wia ung kaayahan kenu. Ung kenumo ung kimala a léwo'an wia ung kaayahan kenu: Um pa'émanenta wia si Yesus.

Wahyu 12:11

Sé katuari esa pa'émanen itii kasii éng kimalamoma si tonaas né sétang karia un zaha' ni Anak ni Domba, wo karia un tinalinga wo niilek néra tumoro si Anak ni Domba, un ipahkua néra wia sé tou. Ni séra én zéi'mo pandung ung katou-touan néra in esa makaz séra i maté.