1 Yohanes 4:18 - Taaz Weru Witu u Nunuwu'en Tombulu

¹⁸ Im witu u raraaté én zéi'kan siapa an ikaindé'. Pahpaan u raraaté nimalekep é moho an ikaindé'. Witu u maindé' ém wéwéhan un ukuman, wo séi si wéwéhan un ikaindé', u raraatéanna én zéi'kan lekep.

1 Yohanes 4:18 Iomraidhean Croise

Matius 9:34

Taan sé tou wia sé sana réwok tou Farisi é mahkua, “Ni Sia é mahwoho sé sétang karia ung kawasa ni tonaas né sétang.”

Roma 8:15

Pahpaan si Roh ni Opo Empung si kinailekan niou én zéi'kan nimangun ni kamu nimaéndo ata makaz nimangun ni kamu kinaindé'ampé', taan si Roh ni Opo Empung si kinailekan niou é nimangun ni kamu maéndo oki' ni Opo Empung. Karia ni Roh ni Opo Empung itii ni kita én toro tumawah si Opo Empung, “O Abba, o Ama'ku!”

2 Timutius 1:7

Pahpaan si Opo Empung én zéi'kan niméhémé wia ni kita si roh iindé'en, taan si roh si mahwangun ni kita in enté', rumaraaté si kasuat tou wo toro mahime-imek un tou.

Ibrani 12:28

Niitumo, pahpaan ni kita é nimaéndomo tou ni Opo Empung witi Kakolanoan-Na un zéi'kan mamuali in iéhzo', méyémo kita mapaayo u makasé wo rumagés wia si Opo Empung u mahwangun ni Sia mahpaa-paaz. Ni kita i mahragés wia ni Sia éng karia i mahsigi' wo maindé' ni Sia.

Yakobus 2:19

Pa'émanennu i si Opo Empung én esa uman? Niitu ém wangun! Taan maan sé sétang é ma'éman niitu wo mahgerger i maindé'.

1 Yohanes 4:12

Zéi'kampé' siapa zozo' in esa si tou nimileko si Opo Empung. Sa kita mahraa-raatéan, Si Opo Empung é nimaesa kariata wo u raraatéan-Na é lekep im wia ni kita.