1 Yohanes 4:15 - Taaz Weru Witu u Nunuwu'en Tombulu

¹⁵ Séi si makaulitla i si Yesus én Oki' ni Opo Empung, si Opo Empung é nimaesa kariana wo ni sia é nimaesa karia ni Opo Empung.

1 Yohanes 4:15 Iomraidhean Croise

Matius 10:32

Ang kuan kasii ni Yesus, “Séi uman si makaulitla wia sé tou i ni sia é ma'éman wia ni Aku, ni Aku kangkasii é makaulit witu u sinaru ni Ama'-Ku witi kasendukan i ni sia én tou-Ku.

Lukas 12:8

Ang kuan ni Yesus, “Séi uman si makaulitla wia sé tou i ni sia é ma'éman ni Aku, si Oki' ni Tou kangkasii é makaulit i ni sia én tou-Ku im witu u sinaru né malaekat ni Opo Empung.

Yohanes 6:56

Séi uman si kuman un awak-Ku wo melep un zaha'-Ku, si tou itii é nimaesamo karia-Ku wo ni Aku é nimaesamo kariana.

Kisah Rasul-rasul 8:37

A mingkotla si Filipus, “Sa si Tuang uli-ulit ma'éman, toro.” A mingkotla si tonaas itii, “Ni aku én uli-ulit ma'éman i si Yesus Kristus itii én Oki' ni Opo Empung.”]

Roma 10:9

Pahpaan sa ko makaulit karia u sumahmu in esa i si Yesus é Mahpiara, wo ma'éman witu un atému i si Opo Empung én timou sumaup ni Sia im wia sé nimaté, ni ko én ipilot im witu un ukuman wana a singkéla'.

Filipi 2:11

wo péléng sé tou é makaulit wo kumua, “Si Yesus Kristus é Mahpiara,” karia in téntu si Opo Empung si Ama' é maloozen wo masigi'en.

1 Yohanes 2:23

Pahpaan séi si mahkélong si Oki', ni sia kangkasii én zéi'kan makaanu si Ama'. Séi si makaulitla i ma'éman wia si Oki', ni sia kangkasii é makaanu si Ama'.

1 Yohanes 2:24

Wo ni kamu, an tinalinga niouo rengan ing kataré-taré, niana é léwo'zéi' i memitu-mitu un até niou. Sa un tinalinga niouo rengané ing kataré-taré é memitu-mitumo un até niou, ni kamu é menou-nou nimaesa karia ni Oki' wo ni Ama'.

1 Yohanes 3:23

Kenumo am perénta-Na: Ni kita é léwo'zéi' i ma'éman u ngaran ni Yesus Kristus, si Oki'-Na, wo ni kita léwo'zéi' i mahraa-raatéan mengiit um perénta méiwéhé ni Kristus wia ni kita.

1 Yohanes 3:24

Séi si mahkiit peléng a méiperénta-Na, ni sia é nimaesa karia ni Opo Empung wo si Opo Empung é nimaesa kariana. Karia in téntu, ni kita én toro mata'ula i si Opo Empung é nimaesa kariata, pahpaan ni Sia én timambéromé si Roh-Na wia ni kita.

1 Yohanes 4:12

Zéi'kampé' siapa zozo' in esa si tou nimileko si Opo Empung. Sa kita mahraa-raatéan, Si Opo Empung é nimaesa kariata wo u raraatéan-Na é lekep im wia ni kita.

1 Yohanes 4:2

Téntii wo kita toro mata'u si Roh ni Opo Empung: Péléng sé roh sé makaulit i si Yesus Kristus é niméyémoma wia ung kaayahan in tou uman, ni séra ém wia si Opo Empung a méyé.

1 Yohanes 5:1

Si tou ma'éman i si Yesus éng Kristus, si tou itii én oki' ni Opo Empung. Si tou rumaraaté si ama', ni sia kangkasii é rumaraaté si oki' ni ama'.

1 Yohanes 5:5

Séi si kumala a léwo' wia ung kaayahan kenu, sa zéi'kan ni sia si ma'éman i si Yesus én Oki' ni Opo Empung?

2 Yohanes 1:7

Pahpaan im wia ung kaayahan é lakez sé tou mahlululu uman wo soo makaulit i si Yesus Kristus é niméyémo wia ung kaayahan in tou uman. Sé tou itiimo sé melulu, wo kakoro' ni Kristus.