1 Yohanes 3:7 - Taaz Weru Witu u Nunuwu'en Tombulu

⁷ É kamu in oki'ku, tia' ipahwaya niou séi uman si mahlululu ni kamu. Séi si mahlé'os ang kaulitan, ni sia én tou ulit, tanu si Kristus in ulit.

1 Yohanes 3:7 Iomraidhean Croise

Matius 5:20

Niitumo ikua-Kuma wia ni kamu: Sa kamu mahwangun ung kapaaz ni Opo Empung zéi'kan lumousé sé tou tulap un Torat wo sé sana réwok tou Farisi, un ulitna ni kamu én zéi'kan ikauntep witi Kakolanoan ni Opo Empung.”

Lukas 1:75

witu ung kalenasan wo ung kaulitan witu u sinaru-Na kauré ni kita i menou-nou.

Kisah Rasul-rasul 10:35

Péléng sé tou, wisa uman un tahsasana wanua néra sé maindé' wia ni Sia wo mahwangun an ulit ém pahsungkulen-Na.

Roma 2:13

Pahpaan sé niéndo ulit im witu u sinaru ni Opo Empung én zéi'kan sé timalinga un ukum Torat, taan sé niéndo ulit é sé tou mahwangun un ukum itii.

1 Korintus 6:9

Kaapa zéi'kan kata'uan niou wé, i sé tou zéi'kan ulit én zéi'kan iwéhé ni Opo Empung i maéndo tou witi Kakolanoan-Na? Tia' kamu ikalulu! Sé tou: memua-muali a sinéro' im pahmualin né zéi'kampé' kimawéng, mahsigi' sé opo-opo, samek, sé tuama mahsamek karia né katuama néra, sé mahwangun a makaizangen wia sé kasuat néra,

Efesus 5:6

Tia' kamu towoan né tou karia a nunuwu'en zéi'kan siapa torona, pahpaan an téntu é mangun uman si Opo Empung in totoz maupi' wia sé tou zéi'kan mahtali-talinga ni Sia.

Efesus 5:9

Pahpaan si tou menou-nou witu un ayah é mahwua'mé ang kawangunan, zéi'kan mahsanaweka wo ulit.

Filipi 1:11

Ni aku kasii é mengaléi wo kamu toro memangu-mangun an ulit. Si Yesus Kristus uman si toro mangun ni kamu mangun niitu i mahsigi' wo mahlooz si Opo Empung.

Ibrani 1:8

Taan tumoro si Oki'-Na, si Opo Empung éng kimua, “U rurumezan-Nu ing Kolano, o Opo Empung, makaz ing kauré-uré. Ni Ko i mahperénta é mahperénta karia ung kaulitan.

Ibrani 7:2

Wia ni siamo kasii si Abraham niméhé u sana pahpulu' im wana péléng ang kinahatnamé i nimahkoro'mé. U ngaran Melkisedek ung kalakoana éng “Kolano si zéi'kan mahsanaweka”, wo ni sia kasii éng kolano witi wanua tua'na Salem, ung kalakoana éng kolano si paaz u mahlé'o-lé'osan.

Yakobus 1:22

Ni kamu é léwo'zéi' i mahwangunla u nuwu' ni Opo Empung, zéi'kan uman mahtalinga niitu. Pahpaan sa zéi'kan téntu, ni kamu é mahtowomo witu un tou niou in esa.

Yakobus 2:19

Pa'émanennu i si Opo Empung én esa uman? Niitu ém wangun! Taan maan sé sétang é ma'éman niitu wo mahgerger i maindé'.

1 Petrus 2:24

Ni Sia nimasaan a singkéla'ta karia un tou-Na in esa, i ni Sia nimaté witu u salip. Karia in téntu, ni kita sé nimatémo wana a singkéla'ta én toro ikapiloté im witu ung kawasa a singkéla'ta i menou-nou mahkiit ung kapaaz ni Opo Empung. Wo pahpaan am péla'-Na ni kita é nimalé'os.

1 Yohanes 2:1

Ni kamu in oki'ku, ang kenu ém pinantikkuma wo méiwéhéma wia ni kamu, wo kamu zéi'kan mahwangun a singkéla'. Taan sa wéwéhan im wia ni kamu si mahwangun a singkéla', wéwéhan si makumelung ni kita im witu u sinaru ni Ama', ni Siamo si Yesus Kristus, si zéi'kan mahsanaweka.

1 Yohanes 2:26

Péléng niana én ipantikkuma wia ni kamu, tumoro sé tou mahtututu' i mahlululu ni kamu.

1 Yohanes 2:29

Sa kata'uan niouo i si Opo Empung én ulit, ni kamu kasii é léwo'zéi' i mata'u im péléng sé tou mahwangun ang kaulitan én oki'-Na.

1 Yohanes 3:18

É kamu in oki'ku, méyémo kita mahraa-raatéan zéi'kan uman witu u sumah kaapa witu u lila', taan wana am pahlé'osen wo witu ung kaulitan.

1 Yohanes 3:3

Si tou niméré' un téntu wia ni Sia é limenas un touna tanu si Kristus i lenas.

1 Yohanes 4:17

Im wana ang kenumo u raraatéan ni Opo Empung nimalekep witu ung katou-touanta, sa kita wuaya i ma'éman im witu un endo si Opo Empung in tumotoz ulit kaapa zéi'kan am pahwangunen né tou. Pahpaan tanu si Yesus Kristus, ni kita kangkasii ém wia ung kaayahan kenu.