1 Yohanes 3:23 - Taaz Weru Witu u Nunuwu'en Tombulu

²³ Kenumo am perénta-Na: Ni kita é léwo'zéi' i ma'éman u ngaran ni Yesus Kristus, si Oki'-Na, wo ni kita léwo'zéi' i mahraa-raatéan mengiit um perénta méiwéhé ni Kristus wia ni kita.

1 Yohanes 3:23 Iomraidhean Croise

Matius 22:39

Wo um perénta kazua u masuat wo niitu é: Iraraatéla si kasuatmu in tou tanu ni ko i rumaraaté un toumu in esa.

Markus 9:7

Tumondong niitu an tumumpamé u ninahak ang kumungkungé wia ni séra. Wo witu un untep u ninahak itii talingané u nuwu' kimuamé in téntii, “Si kenumo si Oki'-Ku, si ikararaaté-Ku, pahtalingala Sia!”

Yohanes 1:12

Taan péléng sé tou simungkul ni Sia wo ma'éman ni Sia ém winéhan-Na kawasa i maéndo oki' ni Opo Empung.

Yohanes 13:34

Ni Aku é méhéma um perénta weru wia ni kamu: Mahraa-raatéanla si esa wo si esa, tanu ni Aku i rumaraaté ni kamu téntu kangkasii ni kamu é léwo'zéi' i mahraa-raatéan.

Yohanes 14:1

Kuan ni Yesus wia sé pahtuzu'en-Na, “Tia'mo un até niou nimasusa, ma'émanola wia si Opo Empung wo ma'éman kasiila wia ni Aku.

Yohanes 15:12

Ung kenumo um perénta-Ku: mahraa-raatéanla ni kamu tanu ni Aku i rumaraaté ni kamu.

Yohanes 17:3

Ung kenumo ung katou-touan makaz ing kauré-uré, i sé tou mata'u si Ama', si Ama' é si Opo Empung si esa uman si ulit wo mata'u ni Aku, si Yesus Kristus si méiatumé ni Ama'.

Yohanes 2:23

I si Yesus witi Yerusalem i lumé'os un endo mahpésta né tou Yahudi um pahkuan Paskah, lakez sé tou ma'éman ni Sia pahpaan ni séra é nimileko a makakompo'en am winangun-Na.

Yohanes 3:18

Séi uman si ma'éman ni Sia én zéi'kan ukumen. Taan si zéi'kan ma'éman ni Sia é nimakaileko un ukuman, pahpaan ni sia én zéi'kan ma'éman witu u ngaran ni Oki' ni Opo Empung si esa uman.

Yohanes 6:29

Kuan ni Yesus wia ni séra, “Ung kenumo um paayangen kapaaz ni Opo Empung: Pa'émanela Sia si méiatumé ni Opo Empung.”

Kisah Rasul-rasul 16:31

A séra mingkotla, “Ma'émanola wia si Yesus Kristus Mahpiara wo ni ko karia péléng sé mahento' witi walému, ipilot im witu un ukuman wana a singkéla'.”

Efesus 5:2

wo menou-noula karia i mahraa-raatéan tanu si Kristus Yesus rimaraatémo ni kamu. Ni Sia nimayomo un tou-Na wia ni kita, nimaté witu u salip i maéndo tanu u raragés wo sé tatamun kineriz in ipahragés a mahwou tariis, u nimangun un até ni Opo Empung mahpaa-paaz.

1 Tesalonika 4:9

Tumoro kura i mahraa-raatéan karia né katuari esa pa'émanen én zéi'mo totoz ipantikkuma wia ni kamu, pahpaan ni kamu én tinuzu'mo ni Opo Empung kura i mahraa-raatéan.

1 Timutius 1:15

A nuwu' kenu én ulit wo uli-ulit toro pa'émanen: “Si Kristus Yesus i niméyé wia ung kaayahan kenu é mémilot sé tou im witu un ukuman wana a singkéla'.” Wo im wia sé tou nimangun a singkéla', ni akumo si totoz lakez a singkéla'.

1 Petrus 1:22

Pahpaan ung katou-touan niou é linenas nioula wia si Opo Empung karia i mahtali-talinga an tutuzu' ulit, taka-takazan ni kamu én uli-ulit rimaraatémola sé katuari niou. Niitumo pahaléiengku wia ni kamu in totoz uli-ulit i mahraa-raatéan.

1 Petrus 4:8

Taan un totoz ipahpuu-puuna én uli-ulit i mahraa-raatéan, pahpaan sa kita mahraa-raatéan, ni kita én zéi'mo megenang-genang a siningkéla' né tou.

1 Yohanes 2:7

Katuari-katuari ikararaatéku, um pinantikku kenu én zéi'kan perénta weru im wia ni kamu taan perénta uré um wiamo ni kamu rengané ing kataré-taré. Um perénta uré kenu é Nuwu' tinalinga niouo.

1 Yohanes 3:11

Ang kenumo a nuwu' tinalinga niouo rengané im puuna: Ni kita é léwo'zéi' i mahraa-raatéan.

1 Yohanes 4:15

Séi si makaulitla i si Yesus én Oki' ni Opo Empung, si Opo Empung é nimaesa kariana wo ni sia é nimaesa karia ni Opo Empung.

1 Yohanes 4:21

Ung kenumo um perénta méiwéhé-Na wia ni kita: Séi si rumaraaté si Opo Empung, ni sia kangkasii é léwo'zéi' i rumaraatéla si katuarina esa pa'émanen.

1 Yohanes 5:13

Péléng niana én ipantikkuma an iwéhéma wia ni kamu, wo kamu sé ma'éman witu u ngaran ni Oki' ni Opo Empung é mata'ula i ni kamu é makailek ung katou-touan makaz ing kauré-uré.