1 Yohanes 3:19 - Taaz Weru Witu u Nunuwu'en Tombulu

¹⁹ Sa kita mahraa-raatéan tanu niitu, kata'uanta i ni kita ém witu ung kaulitan a méyé wo un atéta én zéi'kan siapa ikaarét im witu u sinaru ni Opo Empung,

1 Yohanes 3:19 Iomraidhean Croise

Yohanes 13:35

Sa ni kamu mahraa-raatéan, péléng sé tou é mata'u i ni kamu ém pahtuzu'eng-Ku.”

Yohanes 18:37

Ang kuan ni Pilatus wia ni Sia, “Sa téntu, ni Ko ndéén éng Kolano?” A si Yesus mingkotla, “Ni ko si kimua i ni Aku éng Kolano. Pahpaano niitu a ni Aku itoumé wo niméyé wia ung kaayahan kenu, wo ni Aku toro kumua a niilek wo tinalinga-Ku tumoro ung kaulitan. Sé tou paaz ung kaulitan itii é mahtalinga ni Aku.”

Roma 4:21

Totoz pa'émanen ni Abraham i si Opo Empung én toro mangun u mémoitaaz-Na.

Roma 8:38

Pahpaan totoz kata'uangku zozo' i nimaté kaapa i menou-nou, sé malaekat kaapa sé mahkawasa wana ang karimbengbengan, u mahmuali in tarékan kaapa u mamuali im woo sawisa,

2 Timutius 1:12

Pahpaano niitu, ni aku mengali péléng an zézéha kenu. Taan ni aku én zéi'kan maizang, pahpaan kata'uangku séi si pa'émanengku wo totoz ing kata'uangku, ni Sia é mahkawasa i mahtéiz am pahpaayangengku u mémoitarawésa-Na wia ni aku, makaz witu un endo kaakazan ung kaayahan.

Ibrani 10:22

Niitumo, méyémo kita rumété si Opo Empung karia ung genang lé'os wo uli-ulit ma'éman uman wia ni Sia. Pahpaan tanumokan im pinikpikana un zaha' in zuméi' a singkéla', a léwo'an witu un atéta ém wineresimoma ni Yesus wo un awakta én tanu wino'asano karia un zano totoz weresi wo kita toro rumété wia si Opo Empung.

Ibrani 11:13

Péléng sé tou sé taré isiritakuma itii én totoz ma'éman makaz i nimaté. A méitaaz ni Opo Empung itii én zéi'kampé' lekep ing kinailekan néra i menou-nou, taan niitu ém pahileken wo pahkapéien nérama, wo ni séra kangkasii é mahkua i ni séra é limepuh umané wo zéi'kan mauréma i mento' wia ung kaayahan kenu.

1 Yohanes 1:8

Sa kita kumuala i ni kita én zéi'kan simingkéla', ni kita é mahtowomo im witu un touta in esa, wo ung kaulitan én zéi'kan siapa im wia ni kita.

1 Yohanes 2:21

Ni aku é mantika an iwéhé wia ni kamu, zéi'kan pahpaan ni kamu én zéi'kan mata'u ang kaulitan, taan pahpaan niitu éng kata'uan niouo wo kasii pahpaan kata'uan niouo in zéi'kan siapa an towo a mahondolé wana an tutuzu' kaulitan.

1 Yohanes 3:14

Kata'uanta, i ni kita é niméramomé im witu um patéan a mangé witu ung katou-touan, pahpaan ni kita é rumaraaté sé katuarita esa pa'émanen. Séi si zéi'kan rumaraaté, ni sia éng kinawasapé' um patéan.

1 Yohanes 3:20

sa un atéta mapahsasala' ni kita. Pahpaan si Opo Empungpé' si wangko' taan ang kata'uan un atéta wo ni Sia é mata'u péléng am péléng.

1 Yohanes 3:21

Katuari-katuari ikararaatéku, sa un atéta zéi'kan mapahsasala' ni kita, niitu é mangun ni kita zéi'kan maindé' i rumété wia si Opo Empung