1 Yohanes 3:16 - Taaz Weru Witu u Nunuwu'en Tombulu

¹⁶ Karia ang kenumo ni kita mata'u u raraatéan ni Kristus, i si Kristus é nimayomo un tou-Na wia ni kita. Niitumo ni kita kangkasii é léwo'zéi' i mayola un touta wia sé katuarita esa pa'émanen.

1 Yohanes 3:16 Iomraidhean Croise

Matius 20:28

Téntu kangkasii si Oki' ni Tou i méyé én zéi'kan i selewiren, taan i mésumelewir wo i mayo ung katou-touan-Na in tumubus a singkéla' né tou lakez.”

Yohanes 10:11

Ni Akumo si memimiara sé domba si lé'os uman. Si memimiara domba lé'os é mayo ung katou-touanna pahpaan sé dombana.

Yohanes 10:15

tanu si Ama' mata'u ni Aku wo ni Aku mata'u si Ama', wo ni Aku mahwéhé ung katou-touang-Ku, wo sé domba-Ku toro menou-nou.

Yohanes 13:34

Ni Aku é méhéma um perénta weru wia ni kamu: Mahraa-raatéanla si esa wo si esa, tanu ni Aku i rumaraaté ni kamu téntu kangkasii ni kamu é léwo'zéi' i mahraa-raatéan.

Yohanes 3:16

Pahpaan si Opo Empung totoz rumaraaté péléng sé tou wia ung kaayahan kenu, niitumo ni Sia timambéré si Oki'-Na si esa uman, wo péléng sé tou ma'éman ni Sia zéi'kan maté, taan makailek ung katou-touan makaz ing kauré-uré.

Kisah Rasul-rasul 20:28

Niitumo, mile-ilek wo pahilekela péléng sé jamaat. Pahpaan ni kamumo sé tinotoz ni Roh Lenas in tumatér sé jamaat ni Opo Empung i miara ni séra. Ni séra nimaéndo jamaat-Na pahpaan ni séra ém winaér-Namo karia un zaha' ni Oki'-Na.

Roma 16:4

Ni séra én tawi maté i mahsawang ni aku. Zéi'kan ni aku uman si kumuama u makasé wia ni séra taan karia péléng sé sanahréréwok jamaat zéi'kan tou Yahudi kangkasii éng kumuama u makasé wia ni séra.

Roma 5:8

Taan si Opo Empung é mapailek u raraatéan-Na wia ni kita karia ung kenu: I ni kita mahsingkéla'pé', si Kristus é nimaté pahpaan ni kita.

2 Korintus 4:12

Niitumo, ni kai sekezé é mahsaru un toro mahwali ni kai witu um patéan, taan ni kamu sekezé é nimasaruan karia an toro mahwali ni kamu witu ung katou-touan.

Efesus 5:2

wo menou-noula karia i mahraa-raatéan tanu si Kristus Yesus rimaraatémo ni kamu. Ni Sia nimayomo un tou-Na wia ni kita, nimaté witu u salip i maéndo tanu u raragés wo sé tatamun kineriz in ipahragés a mahwou tariis, u nimangun un até ni Opo Empung mahpaa-paaz.

Efesus 5:25

É tuama makamahayo, iraraatéla si mahayomu tanu si Kristus i rimaraatémola sé jamaat wo nimayomola un tou-Na wia sé jamaat itii.

Filipi 2:17

Zozo' ni aku ém woo ukumen i maté wo un zaha'ku én isaroi witu um wawo né tatamun kineriz niou in iragés wia si Opo Empung, taan ni aku én zéi'kan mazéi' i mahpaa-paaz tumoro niitu wo ni aku kasii é mahpaa-paaz karia niou péléng.

Filipi 2:30

Pahpaan ni sia ém woanokan a maté i mahpaayang wia si Kristus, wo ni sia én zéi'mo mahgenang un touna i mahwuwutul am pemandungengku an zéi'kan mata'u wangunen niou, pahpaan ni kamu én zou'ma im wia ni aku.

1 Tesalonika 2:8

Ni kai é rumaraaté ni kamu, niitumo ni kai én zéi'kan uman paaz i mahwoka' u Nuwu' Lé'os ni Opo Empung wia ni kamu, taan ung katou-touan nai kangkasii én iwéhé nai wia ni kamu pahpaan ni kamu én totoz ikararaaté nai.

Titus 2:13

Karegas niitu, ni kita ma'ento' un endo mawuta-wuta ung kamang, um pengéré-ngéré'enta i lekepené. Witu un endo itii ni kita é milek ung kawangko'an-Na si Totoz wangko' wo si Yesus Kristus si Milot ni kita im witu un ukuman wana a singkéla'.

1 Petrus 1:18

Kata'uan niou sa ni kamu én tinubuso im witu ung katou-touan niou uré un zéi'kan siapa torona a méitula'uma né nimaopo niou. Ni kamu én zéi'kan tinubus karia un toro maléwo' tanu u mas kaapa um péra',

1 Petrus 2:24

Ni Sia nimasaan a singkéla'ta karia un tou-Na in esa, i ni Sia nimaté witu u salip. Karia in téntu, ni kita sé nimatémo wana a singkéla'ta én toro ikapiloté im witu ung kawasa a singkéla'ta i menou-nou mahkiit ung kapaaz ni Opo Empung. Wo pahpaan am péla'-Na ni kita é nimalé'os.

1 Petrus 3:18

Pahpaan si Kristus kangkasii é nimaté makasa uman in ziméi' a singkéla'ta. Ni Sia si mahwangun an ulit é nimaté in timubus sé tou mahwangun an zéi'kan ulit, wo kita toro ipahwali-Na wia si Opo Empung. Ni Sia ém winunu' i ni Sia in tou uman, taan ni Sia é méitoumé sumaup ni Roh Lenas im wia sé nimaté.

1 Yohanes 2:6

Séi si mahkua i ni sia é menou-nou karia ni Opo Empung, ni sia é léwo'zéi' i menou-nou tanu ung katou-touan ni Kristus.

1 Yohanes 2:9

Séi si mahkua i ni sia é menou-nou witu un ayah, taan si mazi'zis sé katuarina esa pa'émanen, ni sia é menou-nou witu ung karimbengbengan makaz in tarékan.

Wahyu 1:5

wo um wia si Yesus Kristus si toro pa'émanen i mahkua ang kata'uan-Na tumoro si Opo Empung. Ni Sia si kataré-taré méitoumé sumaup im wia sé nimaté. Wo ni Sia kasii si mahkawasa im wia sé kolano wia ung kaayahan kenu. Ni Sia é rumaraaté ni kita wo nimilot ni kita im wana a singkéla'ta karia un zaha'-Na,

Wahyu 5:9

A sé epat tumou-tou wo sé zuana pulu' wo epat pahtutu'an kumantaré ung kakantaren weru. Kuan néra, “Ni Ko si wangun i makailek ung kitap ginulung itii, wo muka a segelna; pahpaan ni Ko si Anak ni Domba éng kinerizo, wo karia un zaha'-Mu sé tou wia ung kaayahan ém winaér-Mumo im wia sé tahsasana suzu, sé tahsasana nunuwu'en, sé tahsasana réwok mahtuari wo wia sé tahsasana wanua i maéndo anu ni Opo Empung.