1 Yohanes 3:15 - Taaz Weru Witu u Nunuwu'en Tombulu

¹⁵ Séi si mazi'zis si katuarina esa pa'émanen, ni sia é memumunu' tou. Kata'uan niou in zéi'kan siapa si memumunu' tou é makailek ung katou-touan makaz ing kauré-uré.

1 Yohanes 3:15 Iomraidhean Croise

Matius 5:28

Taan in tarékan ni Aku éng kumuama wia ni kamu: Séi uman si mahilek si wéwéné wo totozo paaz i sumamek kariana, si tou itii é mahsameko karia ni wéwéné itii witu un aténa.

Markus 6:19

Niitumo si Herodias éng gimenang léwo' wia si Yohanes wo mahwuwunu' ni sia. Taan ung ginenangna én zéi'kampé' kawangunanna,

Yohanes 4:14

taan séi uman si melep un zano iwéhé-Ku, ni sia én zéi'mo maré'o makaz ing kauré-uré. Pahpaan un zano iwéhé-Ku é maéndo tanu ung kembu'an witu un touna u mengembu-ngembu' uman wo mahwéhé ung katou-touan makaz ing kauré-uré wia ni sia.”

Yohanes 8:44

Si ama' niou é si tonaas né sétang wo ni kamu ém paaz mahwangun ang kapaaz ni ama' niou. Rengané im puuna ni sia é mahwunu' sé tou wo ni sia én zéi'kan kawisa mahwangun an ulit. Pahpaan, ni sia zéi'kan kawisa kumuala an ulit. I ni sia mahtowo, un ipahkuana ém witu un aténa a méyé, pahpaan ni sia én tantowo wo ama' péléng né tantowo.

Kisah Rasul-rasul 23:12

Masandonamé im woondo, sé tou Yahudi é nimaréwok a mahesaala wo kasii mahtiwa' in zéi'kan mahka-kanla wo mahele-elepla, sa zéi'kampé' nimunu'la si Paulus.

Kisah Rasul-rasul 23:14

Ni séra nimangé wia sé tonaas né walian wo sé pahtutu'an né tou Yahudi ang kumua, “Ni kai é nimaesaanola wo timiwa'mola in zéi'kan mahka-kanla wo mahele-elepla, sa zéi'kampé' nimunu'la si Paulus.

Yakobus 1:15

Sa u lelo léwo'na itii éng kiniitannala, niitu é mua'mé u singkéla'. Sa u singkéla' itii lekepo, niitu é mua'mé um patéan.

1 Petrus 1:23

Pahpaan niitumo, ni kamu nimakailekola ung katou-touan weru. Ung katou-touan weru itii én zéi'kan wia si tou si toro uman maté a méyé, taan witu u Nuwu' ni Opo Empung um pa'émanenta a méyé. U Nuwu' itii é menou-nou wo memia-mia makaz ing kauré-uré.

1 Yohanes 2:11

Taan séi si mazi'zis sé katuarina esa pa'émanen, ni sia é menou-nou witu ung karimbengbengan wo mahlampang witu ung karimbengbengan. Ni sia én zéi'mo mata'u wisa un angéanna, pahpaan ung karimbengbengan é limetokola ni sia.

1 Yohanes 2:9

Séi si mahkua i ni sia é menou-nou witu un ayah, taan si mazi'zis sé katuarina esa pa'émanen, ni sia é menou-nou witu ung karimbengbengan makaz in tarékan.

Wahyu 21:8

Taan sé tou talo, sé zéi'kan ma'éman, sé mahwangun a makati'tiren, sé memumunu' tou, sé tou samek, sé meriara, sé mahongkot wo mahsigi' wia sé opo-opo wo péléng sé tantowo, ni séra péléng én ukumen iwerit witu un tasik api wo walélang melaya-layas. Ung kenumo um patéan kazua.”