1 Yohanes 2:22 - Taaz Weru Witu u Nunuwu'en Tombulu

²² Séi wé si towo itii? Zéi'kankuaa ni sia si mahkélong sa si Yesus é Mesias? Si kenumo si kakoro' ni Kristus, si mahkélong si Ama' wo si Oki'-Na.

1 Yohanes 2:22 Iomraidhean Croise

Matius 24:24

Pahpaan sé zéi'kan uli-ulit Mesias wo sé zéi'kan uli-ulit nabi é méyé wo ni séra é mangun a makakompo'en zéi'mo kakuaan, wo sa toro, ni séra kasii é lumulu sé tou pinéléngo ni Opo Empung.

Matius 24:5

Pahpaan lakez sé tou é méyé wo maké u ngaran-Ku wo kumua in téntii, ‘Ni akumo si Mesias’, wo lakez sé tou mailulu néra.

Yohanes 8:44

Si ama' niou é si tonaas né sétang wo ni kamu ém paaz mahwangun ang kapaaz ni ama' niou. Rengané im puuna ni sia é mahwunu' sé tou wo ni sia én zéi'kan kawisa mahwangun an ulit. Pahpaan, ni sia zéi'kan kawisa kumuala an ulit. I ni sia mahtowo, un ipahkuana ém witu un aténa a méyé, pahpaan ni sia én tantowo wo ama' péléng né tantowo.

1 Yohanes 1:6

Sa kita kumua i ni kita é nimaesamo karia-Na, taan ung katou-touanta ém witupé' ung karimbengbengan, ni kita é mahtowo wo zéi'kan mahwangun ang kaulitan.

1 Yohanes 2:18

É kamu in oki'ku, in tarékan é merétémoma ung kaakazan ung kaayahan, wo tanu an tinalinga niouo i si kakoro' ni Kristus é méyé, wo in tarékan lakez sé kakoro' ni Kristus ém wiamo. Nianamo an tumuzu'mé wia ni kita sa un oras kenu én uli-ulit merétémoma ung kaakazan ung kaayahan.

1 Yohanes 2:23

Pahpaan séi si mahkélong si Oki', ni sia kangkasii én zéi'kan makaanu si Ama'. Séi si makaulitla i ma'éman wia si Oki', ni sia kangkasii é makaanu si Ama'.

1 Yohanes 2:4

Séi si mahkua, “Ni aku é mata'u ni Sia”, taan zéi'kan mahkiit am perénta-Na, ni sia én tantowo wo im wia ni sia én zéi'kan siapa ang kaulitan.

1 Yohanes 4:20

Sa si tou mahkua, “Ni aku é rumaraaté si Opo Empung,” taan ni sia é mazi'zis si katuarina esa pa'émanen, ni sia én tantowo. Pahpaan séi si mazi'zis si katuarina si pahilekennala, zéi'kan mamuali sia i rumaraaté si Opo Empung, si zéi'kan pahilekennala.

1 Yohanes 4:3

Taan péléng sé roh, sé zéi'kan makaulit si Yesus tanu niitu, ni séra én zéi'kan wia si Opo Empung a méyé. Si roh itii é roh ni kakoro' ni Kristus. Wo un tumoro ni sia én tinalinga niouo, i ni sia é méyé wo in tarékan ni sia ém wiamo ung kaayahan.

1 Yohanes 5:1

Si tou ma'éman i si Yesus éng Kristus, si tou itii én oki' ni Opo Empung. Si tou rumaraaté si ama', ni sia kangkasii é rumaraaté si oki' ni ama'.

2 Yohanes 1:7

Pahpaan im wia ung kaayahan é lakez sé tou mahlululu uman wo soo makaulit i si Yesus Kristus é niméyémo wia ung kaayahan in tou uman. Sé tou itiimo sé melulu, wo kakoro' ni Kristus.

Yudas 1:4

Pahpaan mémoikatuzu'mé im wéwéhano sé tou mahwuni-wuni kimariala ni kamu. Ni séra én urémo tinotoz in ukumen. Ni séra é sé tou zéi'kan pandung si Opo Empung wo mahséa' u raraatéan-Na, wo séra toro menou-nou mengiit u lelo léwo' un awak. Ni séra kasii é soo makaulit i si Yesus Kristus si Mahkawasa wo si Mahpiarata én esa uman.

Wahyu 3:9

Genang-genangen! Sé woopira im wia sé jamaat ni tonaas né sétang, sé tantowo, sé mahkua-kua in tou Yahudi taan un ulitna én zéi'kan, iayo-Ku wia ni kamu. Ni séra én uli-ulit wanguneng-Ku i mékumuruz witu u sinaru niou, wo ni séra mata'u i ni Aku é rumaraaté ni kamu.