1 Yohanes 2:17 - Taaz Weru Witu u Nunuwu'en Tombulu

¹⁷ Ung kaayahan wo péléng ang kapaaz né tou é lelezo mazéi', taan si tou mahwangun ang kapaaz ni Opo Empung é menou-nou makaz ing kauré-uré.

1 Yohanes 2:17 Iomraidhean Croise

Matius 24:35

U langit wo ung kaayahan é mazéi', taan u Nuwu'-Ku én zéi'kan mahzéi-zéi'la.”

Roma 12:2

Ni kamu én tia'mo mahkii-kiit am pahwangunen né tou wia ung kaayahan, taan iwayamola ung genang lé'os niou im werun ni Opo Empung. Karia in téntu ni kamu én toro makatulap ung kapaaz ni Opo Empung: Am wangun, a mahwangun ni Sia mahpaa-paaz wo zéi'kan siapa pahséro'an.

1 Korintus 7:31

Wo sé tou mahpaké uman am pemandungen wia ung kaayahan, tia'mo megena-genang i mahpaké niana, pahpaan ung kaayahan wo péléng am wia ung kaayahan é mazéi'.

1 Petrus 4:2

Niitumo, karegas ni kamu i menou-noupé' wia ung kaayahan, am pemangu-mangunen niou é mahkiit umanla ang kapaaz ni Opo Empung, tia' mahkiit uman a lelo léwo' un awak.

Ibrani 10:36

Ni kamu én tia' mahkana' i ma'éman zozo' im pahzézéhan, wo ni kamu makailek u méitaaz ni Opo Empung pahpaan nimakawangunola an ikapaaz-Na.

Markus 3:35

Séi uman si mahwangun ung kapaaz ni Opo Empung, ni séramo sé katuari-Ku tuama, katuari-Ku wéwéné wo ina'-Ku.”

1 Petrus 1:5

Péléng niitu én iwéhé wia ni kamu sé penaté-natéren karia ung kawasa ni Opo Empung pahpaan ma'éman wia ni Sia. Ni Sia é menaté-natér ni kamu, akaz ni kamu ipilot im witu un ukuman wana a singkéla'. Niitu é niimek-Na wia ni kamu witu ung kaakazan ung kaayahan.

1 Tesalonika 4:3

Ang kenumo ang kapaaz ni Opo Empung: Ni kamu é menou-nou karia ung kalenasan, zou'mé im wana ang kasamekan.

Yohanes 4:14

taan séi uman si melep un zano iwéhé-Ku, ni sia én zéi'mo maré'o makaz ing kauré-uré. Pahpaan un zano iwéhé-Ku é maéndo tanu ung kembu'an witu un touna u mengembu-ngembu' uman wo mahwéhé ung katou-touan makaz ing kauré-uré wia ni sia.”

Matius 7:21

Kuan kasii ni Yesus, “Zéi'kan péléng sé tou sé sekezé é mahtawah ni Aku, ‘Tuang, Tuang!’ é maéndo tou witi Kakolanoan ni Opo Empung. Taan akaz uman sé tou mahwangun ang kapaaz ni Ama'-Ku si witi kasendukan sé maéndo tou-Na.

Yakobus 4:14

taan zéi'kan kata'uan niou apa u mamuali i sando wo makura ung katou-touan niou. Ung katou-touan niou itii é masuat wo u semu, un zéi'kan uré in ilekena a mazéi'ma.

Yohanes 6:58

Ni Akumo u roti timumpamé im witi kasendukan, zéi'kan tanu u roti kinan né nimaopo niou wo ni séra é nimatémoma. Séi uman si kumana u roti un iwéhé-Kuma kenu, si tou itii é mamenou-nou makaz ing kauré-uré.”

Matius 21:31

Sa mengiit ni kamu séi si nimangun ung kapaaz ni ama' néra?” A sé tonaas né tou Yahudi itii mingkotla, “Si oki' tu'a.” Ang kuan ni Yesus wia ni séra, “Uli-ulit ikua-Kuma wia ni kamu, sé menanagi am pajak wo sé wéwéné sangayapé' sé puuna i muntep witi Kakolanoan ni Opo Empung taan ni kamu.

1 Tesalonika 5:18

Mahkuala u makasé wia si Opo Empung im wana am péléng, pahpaan niitumo ung kapaaz-Na wia ni kamu in tou sé menou-nou nimaesa karia ni Kristus Yesus.

Kolose 4:12

U sigi' ni Epafras wia ni kamu; ni sia én tou esaané wia ni kamu, ata ni Kristus Yesus, ni sia én zéi'kan mazéi' i mahpengaléi ni kamu, wo ni kamu enté' im wana am pa'émanen, in tanu tou lutu'mo wo uli-ulit ma'éman wo mata'u péléng ang kapaaz ni Opo Empung.

Kolose 1:9

Niitumo, rengan ni kai in timalingamé tumoro ni kamu, ni kai én zéi'kan kumana' i mengaléi tumoro ni kamu. Ni kai mengaléi wia si Opo Empung i méhémé wia ni kamu ang katulapan wo ang kata'uan ni Roh Lenas, taka-takazan ni kamu uli-ulit mata'u péléng ang kapaaz ni Opo Empung.

Yohanes 7:17

Si tou paaz mahwangun um paaz ni Opo Empung, ni sia é mata'u an tutuzu' itii ém wia si Opo Empung a méyé kaapa nuwu'-Ku uman in esa.