1 Yohanes 2:16 - Taaz Weru Witu u Nunuwu'en Tombulu

¹⁶ Pahpaan péléng am wia ung kaayahan, tanu a: lelo léwo' un awak, péléng an ilekena éng kapaaz wo ang kaweraan, péléng niana zéi'kan wia si Ama' a méyé taan wia ung kaayahan kenu a méyé.

1 Yohanes 2:16 Iomraidhean Croise

Matius 4:8

A si Yesus ipahwali kasiima ni tonaas né sétang witi wawona ung kentur totoz rakék, an ipapaileknala wia ni Sia péléng ang kakolanoan wia ung kaayahan karia ang kawa'ilanan néra.

Matius 5:28

Taan in tarékan ni Aku éng kumuama wia ni kamu: Séi uman si mahilek si wéwéné wo totozo paaz i sumamek kariana, si tou itii é mahsameko karia ni wéwéné itii witu un aténa.

Lukas 4:5

A si tonaas né sétang mahwalima si Yesus witi tampa rakék, pinitpitan umana sia i nimapaileka wia si Yesus péléng ang kakolanoan wia ung kaayahan.

Roma 13:14

Taan méyémo kita maéndo tanu si Yesus Kristus Mahpiara, wo pahilekené né tou am pahwangunenta. Karia in téntu, ni séra én tanu nimilek ni Sia witu un touta. Wo tia'mo megena-genang uman ing kumiit a lelo léwo' un awakmu in esa.

1 Korintus 10:6

A nimamuali itii én tanu ang kékéréan i mapagenang wia ni kita, wo kita zéi'kan mapaaz a léwo'an tanu am pinahwanguné né nimaopota,

Galatia 5:17

Pahpaan u lelo un awak i mahwangun a léwo' é nimatamburian karia um paaz ni Roh Lenas wo um paaz ni Roh Lenas é nimatamburian karia u lelo un awak i mahwangun a léwo'. Un zua kenu é nimatamburian taka-takazan ni kamu sekezé én zéi'kan mahwangun ang kapaaz niou.

Galatia 5:24

Séi uman sé toumo ni Kristus Yesus, ni sia én zéi'mo mahkiit u lelo un awak i mahwangun a léwo' wo ung genang i mangun a léwo'an. Ni sia é simalipo péléng a lelo un awak i mahwangun a léwo' wo um paaz i mangun a léwo'an.

Efesus 2:3

Im puuna ni kita péléng é masuat karia néra, ni kita menou-nou mahkiit u lelo léwo' un awakta, mahwangun um paaz un awakta wo ang genang léwo'ta. In toro niitu, ni kita kangkasii én tou sé léwo'zéi' i makailek un upi' makaindé'en ni Opo Empung tanu sé tou walina.

Titus 2:12

Ni Sia é mahtuzu' ni kita wo kita zéi'mo menou-nou i mahsaru ni Sia wo zéi'mo mahkiit a lelo léwo' né tou wia ung kaayahan wo menou-nou karia in tulap, zéi'kan mahsanaweka wo mahkiit uman um paaz-Na im wia ung kaayahan in tarékan.

Titus 3:3

Pahpaan im puuna ni kita kangkasii é menou-nou witu ung kalemouan: zéi'kan mahtali-talinga, méikalulu, nimaéndo ata wana a lelo léwo' un awak wo a makapaazen meléwo' un tou, menou-nou mahwangun a léwo'an wo téutéu, ikazi'zis né tou wo mahzizi'zisan.

Yakobus 3:15

Ung katulapan tanu niitu én zéi'kan witi kasendukan a méyé taan wia ung kaayahan a méyé, witu u lelo ni tou wo wia sé sétang a méyé.

Yakobus 4:16

Taan in tarékan ni kamu é mahloo-looz un tou niou witu ung kawera'an niou. Péléng ang kaloozan niou itii é simala'.

1 Petrus 1:14

Menou-noula i mahtali-talinga wia si Opo Empung tanu sé koki' i mahtali-talinga wia sé tu'ana. Tia' mahkiit uman u lelo léwo' un awak niou tanu im puuna in zéi'kampé' mata'u si Opo Empung.

1 Petrus 2:11

Katuari-katuari ikararaatéku, ni kamu én tou sé siméngkot wana am wanua né tou walina wo sé limepuh umané wia ung kaayahan. Niitumo, isésakuma wia ni kamu i zumou'la im wana a lelo léwo' un awak, u makahkoro' wo a lelo un até niou wana am wangun.

2 Petrus 2:10

sé ipahpuu-puuna é sé tou sé mahkiit uman a lelo léwo' un awak néra a mahwangun ni séra in zéi'kan wangun wo mahséro' ung kawasa ni Opo Empung. Sé méster towo itii én totoz wuaya wo wera', makaz ni séra én zéi'mo maindé' i mahséro' sé pahloozen wo pahsigi'en witi kasendukan.

2 Petrus 2:18

Pahpaan ni séra é menuwu-nuwu' am wera' wo an zéi'kan siapa torona. U lelo léwo' un awak ém pahpakén néra i mahenou sé tou taré ikapiloté im witu ung katou-touan né tou méikalulu.