1 Yohanes 2:14 - Taaz Weru Witu u Nunuwu'en Tombulu

¹⁴ É kamu sé koki', ni aku é mantika ang kenu wia ni kamu, pahpaan ni kamu é mata'umo si Ama'. É kamu sé ama', ni aku é mantika ang kenu wia ni kamu, pahpaan ni kamu é mata'umo ni Sia, si wiamo rengané ing kataré-taré. É kamu sé weru tou, ni aku é mantika ang kenu wia ni kamu, pahpaan ni kamu én enté' wo u Nuwu' ni Opo Empung ém wia ni kamu wo si tonaas né sétang éng kinala niouola.

1 Yohanes 2:14 Iomraidhean Croise

Yohanes 15:7

Sa kamu nimaesa karia-Ku wo a nuwu'-Ku ém witu un até niou, mahaléila apa uman ung kapaaz niou wia si Ama' wo ni kamu é makailek niitu.

Yohanes 5:38

U Nuwu'-Na én zéi'kan méikauntep witu un até niou pahpaan ni kamu én zéi'kan ma'éman wia ni Sia si méiatumé ni Ama'.

Yohanes 8:31

A si Yesus kumuama wia sé tou Yahudi sé ma'émano wia ni Sia, “Sa ni kamu zéi'kan mazéi' i mahkiit a nuwu'-Ku, ni kamu én uli-ulit pahtuzu'eng-Ku.

Yohanes 8:37

“Kata'uang-Ku ni kamu é suzu ni Abraham, taan ni kamu é mahtututu' i munu' ni Aku, pahpaan ni kamu soo sumungkul a nuwu'-Ku.

Efesus 6:10

Ing kamurian, enté'ela un até niou karia ung kaenté'an ung kawasa méiwéhémé ni Mahpiara pahpaan nimaesa karia-Na.

Filipi 4:13

Péléng am péléng én toro pengalingku pahpaan si Yesus Kristus si mahwéhémé ung ketez wia ni aku.

Kolose 1:11

Ni kai kasii mengaléi, wo ung kawasa-Na un totoz wangko' é mangun un até niou i maenté', taka-takazan maan ing kuramokan ung kalakez an zézéha pahsarun niou, ni kamu én zéi'kan mazéi' i ma'éman wo totoz uman ezen i mengali niitu,

Kolose 3:16

U Nuwu' ni Kristus é léwo'zéi' malake-lakez ing kimawasa witu péléng ung katou-touan niou, taka-takazan karia péléng ung katulapan, ni kamu mahtuzu' wo mahsésésaan si esa wo si esa karia i mahkantar a mazmur wo ang kakantaren lolooz wo ang kakantaren né tou ma'éman, wo mahkua u makasé wia si Opo Empung witu un até niou.

2 Timutius 2:1

Timotius oki'ku, enté'ela um pa'émanennu karia ung kamang méitambér pahpaan nimaesa karia ni Kristus Yesus.

Ibrani 8:10

“Ung kenumo um pinataazan um winangun-Ku karia né tou Israel im wana an endo in tumondong. An tinotoz-Ku én iwéhé-Ku witu ung genang néra wo ipantik-Ku witu un até néra wo ni Aku maéndo Opo Empung néra wo ni séra é maéndo tou-Ku.

1 Yohanes 1:1

Um pinantik kenu én tumoro u Nuwu' ni Opo Empung u mahwéhémé ung katou-touan, um wiamo rengané ing kataré-taré, un tinalinga naimo, u niilek naimo karia um weren nai, um winéhan naimo genang wo um pinahtionan naimomé. Niitumo u méipantik nai an iwéhéma wia ni kamu.

1 Yohanes 1:10

Sa kita kumuala i ni kita én zéi'kan simingkéla', ni kita é nimangunola ni Sia in tantowo wo u Nuwu'-Na én zéi'kan witu un atéta.

1 Yohanes 2:13

É kamu sé ama', ni aku é mantika ang kenu wia ni kamu, pahpaan ni kamu é mata'umo ni Sia, si wiamo rengané ing kataré-taré. É kamu sé weru tou, ni aku é mantika ang kenu wia ni kamu, pahpaan si tonaas né sétang éng kinala niouola.

2 Yohanes 1:2

pahpaan an tutuzu' itii ém witumo un atéta wo mamenaté-natér ni kita makaz ing kauré-uré.

3 Yohanes 1:3

Ni aku én totoz mahpaa-paaz im wéwéhan sé katuari niméyé a mahkua tumoro ung katou-touannu i mahkiit ung kaulitan. Pahpaan totoz ulit, ung katou-touannu é mahkiit an tutuzu' kaulitan ni Opo Empung.

Wahyu 2:3

Ni kamu én ezen wo nimazézéha pahpaan ni Aku wo ni kamu én zéi'kan mahgenang u rawoi.

Wahyu 2:7

Séi si wéwéhan lunteng é mahtalingama lé'os an ipahkua ni Roh ni Opo Empung wia sé jamaat: Si tou nimuntung, ni sia én énéang-Ku ing kuman um wua'na ung kai u mahwéhémé ung katou-touan, um witu un Uma ni Opo Empung.’ ”