1 Yohanes 2:11 - Taaz Weru Witu u Nunuwu'en Tombulu

¹¹ Taan séi si mazi'zis sé katuarina esa pa'émanen, ni sia é menou-nou witu ung karimbengbengan wo mahlampang witu ung karimbengbengan. Ni sia én zéi'mo mata'u wisa un angéanna, pahpaan ung karimbengbengan é limetokola ni sia.

1 Yohanes 2:11 Iomraidhean Croise

Yohanes 12:35

Kuan ni Yesus wia ni séra, “U sena' én zéi'mo mauréma i mengari-ngaria ni kamu. Lumampangola karegas u sena itii im wiapé' ni kamu, wo ung karimbengbengan tia' kumawasa wia ni kamu. Séi uman si mahlampang witu ung karimbengbengan, ni sia én zéi'kan mata'u wisa um pahsaruanna.

Yohanes 12:40

“Ni Sia é nimanguno um weren néra nimaletok wo un até néra nimaketéh, wo zozo' ni séra wéwéhan weren taan ni séra én zéi'kan makailek wo ung genang néra én zéi'kan makatulap, a séra méyé wia ni Aku wo séra lé'oseng-Ku.”

2 Korintus 3:14

Taan sé tou Israel im puuna, um pakahgena-genang néra éng kinaapé'ampé', niitu é masuat wo un ulu néra én tanu niapé'ampé' karia u roko'. Makaz in tarékan sa séra maca am witu ung kitap Torat, niitu én zéi'kan katulapan néra, un téntu masuat wo ung genang néra éng kinaapé'ampé'. Wo sa séra ma'émano wia si Kristus, niitu taré uli-ulit katulapan néra.

2 Korintus 4:4

Sé tou itii zéi'kan ma'éman pahpaan ung genang néra éng kinawasapé' ni tonaas né sétang si kimawasa wia ung kaayahan kenu. Niitumo, zéi'kan kailekan néra u sena' u Nuwu' Lé'os tumoro ung kawangko'an ni Kristus si totoz masuat wo si Opo Empung.

Titus 3:3

Pahpaan im puuna ni kita kangkasii é menou-nou witu ung kalemouan: zéi'kan mahtali-talinga, méikalulu, nimaéndo ata wana a lelo léwo' un awak wo a makapaazen meléwo' un tou, menou-nou mahwangun a léwo'an wo téutéu, ikazi'zis né tou wo mahzizi'zisan.

2 Petrus 1:9

Taan séi si zéi'kan mahwangun niana péléng, ni sia é nimaletok wo zéi'kan totoz tulap. Pahpaan kinaliuzannamola sa a singkéla'na im puuna é zinéi'mola ni Opo Empung.

1 Yohanes 1:6

Sa kita kumua i ni kita é nimaesamo karia-Na, taan ung katou-touanta ém witupé' ung karimbengbengan, ni kita é mahtowo wo zéi'kan mahwangun ang kaulitan.

1 Yohanes 2:10

Séi si rumaraaté si katuarina esa pa'émanen, ni sia é menou-nou witu un ayah, wo zéi'kan siapa u mangun ni sia ikalulu.

1 Yohanes 2:9

Séi si mahkua i ni sia é menou-nou witu un ayah, taan si mazi'zis sé katuarina esa pa'émanen, ni sia é menou-nou witu ung karimbengbengan makaz in tarékan.

1 Yohanes 3:15

Séi si mazi'zis si katuarina esa pa'émanen, ni sia é memumunu' tou. Kata'uan niou in zéi'kan siapa si memumunu' tou é makailek ung katou-touan makaz ing kauré-uré.

1 Yohanes 4:20

Sa si tou mahkua, “Ni aku é rumaraaté si Opo Empung,” taan ni sia é mazi'zis si katuarina esa pa'émanen, ni sia én tantowo. Pahpaan séi si mazi'zis si katuarina si pahilekennala, zéi'kan mamuali sia i rumaraaté si Opo Empung, si zéi'kan pahilekennala.

Wahyu 3:17

Pahpaan ni kamu é mahkua in téntii: Ni kai ém wa'ilan wo nimawa'ilano, niitumo péléng am pemandungen nai ém wutulo. Taan zéi'kan kata'uan niou i ni kamu én tou totoz zézéha, totoz makararaatén, zéi'kan siapa apa, letok wo timangkol.