1 Yohanes 2:1 - Taaz Weru Witu u Nunuwu'en Tombulu

¹ Ni kamu in oki'ku, ang kenu ém pinantikkuma wo méiwéhéma wia ni kamu, wo kamu zéi'kan mahwangun a singkéla'. Taan sa wéwéhan im wia ni kamu si mahwangun a singkéla', wéwéhan si makumelung ni kita im witu u sinaru ni Ama', ni Siamo si Yesus Kristus, si zéi'kan mahsanaweka.

1 Yohanes 2:1 Iomraidhean Croise

Lukas 10:22

Péléng am péléng é mémoiayo ni Ama'-Ku wia ni Aku. Zéi'kan siapa zozo' in esa si mata'u si Oki', akaz uman si Ama'. Zéi'kan siapa zozo' in esa si mata'u si Ama', akaz uman si Oki' wo sé tou sé kapaaz ni Oki' sé makuaan-Na tumoro si Ama'.”

Yohanes 10:15

tanu si Ama' mata'u ni Aku wo ni Aku mata'u si Ama', wo ni Aku mahwéhé ung katou-touang-Ku, wo sé domba-Ku toro menou-nou.

Yohanes 13:33

É kamu sé oki'-Ku, zéi'mo mauréma ni Aku i mahwali-wali karia niou. Ni kamu é mamenéro ni Aku, wo tanu u mémoikua-Kula wia sé tonaas né tou Yahudi: ‘Ni kamu én zéi'kan mamuali i méyé witi tampa angéang-Ku’, téntu kangkasii un ikua-Ku wia ni kamu.

Yohanes 14:16

Ni Aku é mahaléi wia si Ama', wo ni Sia é méhé wia ni kamu si Menunulung walina, wo ni Sia mengari-ngaria ni kamu makaz ing kauré-uré.

Yohanes 14:6

Kuan ni Yesus wia ni sia, “Ni Akumo si lalan i mangé wia si Opo Empung wo mapata'u ung kaulitan tumoro si Opo Empung wo si mahwéhé ung katou-touan makaz ing kauré-uré. Zéi'kan siapa zozo' in esa si mangé wia si Ama' sa zéi'kan mengiité ni Aku.

Yohanes 21:5

Kuan ni Yesus wia ni séra, “É kamu oki'-Ku, wéwéhan seza' kamu?” Wingkoten nérala, “Zéi'kan siapa.”

Yohanes 5:14

Tumondongé, si Yesus nimahilekan karia ni tou itii witi Walé ni Opo Empung ang kumua wia ni sia, “Gena-genangen, ni ko é lé'oso, tia'mo ko memangu-mangunpé' kasii a singkéla', wo ni ko zéi'kan makailek an zézéha lumouspé'mé ung kawutez u nimamuali wia ni ko.”

Yohanes 5:36

Taan un tinalinga wo u niilek-Ku é lumouspé'mé u méikua ni Yohanes Menanarani un tinalingana wo u niilekna tumoro ni Aku. An tumuzu'mé itii ém péléng am paayangen méiwéhémé ni Ama' wia ni Aku im paayangeng-Ku. Am paayangen itii kangkasii ém pahpaayangeng-Ku in tarékan, niitumo an tumuzu'mé i ni Aku é méiatumé ni Ama'.

Yohanes 6:27

Ni kamu én tia'mo mahpaayang i menéro an tikohon rewek maapu wo toro uman mawuul, taan maayangla i menéro an tikohon zéi'kan mawuul, a mahwéhémé ung katou-touan makaz ing kauré-uré un iwéhé ni Oki' ni Tou wia ni kamu. Pahpaan ni Siamo si winéhan kawasa ni Opo Empung, si Ama'.”

Yohanes 8:11

Kuana, “Zéi'kan siapa, Tuang.” Ang kuan ni Yesus, “Ni Aku kangkasii én zéi'kan mukum ni ko. Mangémo wo rengan in tarékan, tia'mo memangu-mangun a singkéla'.”]

Kisah Rasul-rasul 7:52

Amoké ikua nioué, im wia sé nabi, séi si zéi'kan zinézéhamé né nimaopo niou? Lumousé niitu, ni séra é nimunu' sé tou sé méiatumé ni Opo Empung sé mahwoka' tumoro si Tou Ulit i méyé. Si Tou Ulit itii é si tinowoan wo winunu' niou.

Roma 5:10

I ni kita makahkoro'pé' karia ni Opo Empung, a si Oki'-Na nimaté pahpaan ni kita akaz ni kita nimawurian sumaup karia ni Opo Empung. Woopé' kasii in tarékan. Sa kita nimawuriano sumaup karia ni Opo Empung, tantumo ni kita én ipiloté im witu un ukuman wana a singkéla', pahpaan ni Sia é mémoitoumé sumaup ni Opo Empung.

Roma 6:15

Kura in tarékan? Toro wé kita mahsingkéla' pahpaan in zéi'mo pahata-atan un ukum Torat taan ung katou-touanta ém witumo ung kamang tatambér ni Opo Empung? Zéi'kan téntu!

Roma 8:34

Si Kristus Yesus si nimaté wo méitou sumaup im wia sé nimaté an irumez witu ung kakan ni Opo Empung, si Kristus itiimo si masumawang ni kita i mamengaléi wia si Opo Empung.

1 Korintus 15:34

Niitumo in tarékan, pakagena-genangela lé'os wo tia' kamu memangu-mangunpé' a singkéla'. Pahpaan im wia ni kamu ém wéwéhampé' sé zéi'kan mata'u si Opo Empung. Niitu én ikuakuma wia ni kamu wo kamu maizang.

2 Korintus 5:21

Si Kristus én zéi'kan nimahwangu-wangunla a singkéla', taan winangun ni Opo Empung, si Kristus masaan a singkéla' winangunta. Téntu um winangun ni Opo Empung wia si Kristus, wo séi uman si ma'éman wia si Kristus, si tou itii én éndon ulit ni Opo Empung witu u sinaru-Na.

Galatia 4:19

É ni kamu sé oki'ku ikararaatéku. Pahpaan ni kamu, ni aku mahpendan kasii u rumara tanumokan si wéwéné in tumou si oki'na. Ni aku kasii én zéi'kampé' kumana' i mendan u rumara makaz ung katou-touan ni Kristus toro kaile-ilekan witu ung katou-touan niou.

Efesus 2:18

Pahpaan mengiité si Kristus, kita in tou Yahudi karia né tou zéi'kan Yahudi, winukaan lalan i rumété wia si Opo Empung si Ama' karia in tinulung ni Roh Lenas si esa uman.

Efesus 4:26

Sa kamu maupi', tia'mo pahpaan un upi' niou itii mangun ni kamu sumingkéla'. Tia'mo mengupi-ngupi' makaz si endo i muntep,

1 Timutius 2:5

Pahpaan si Opo Empung én esa uman. Wo esa uman si nimangun sé tou mawurian sumaup karia ni Opo Empung, ni Siamo si Kristus Yesus si tou uman.

1 Timutius 3:14

Ni aku mahéré'la in zéi'mo uré é mahilekano kariamu. Zozo' in téntu, ni aku é méhépé'ma um pinantikku kenu wia ni ko,

Ibrani 9:24

Pahpaan si Kristus zéi'kan muntep witi tampa Totoz Lenas um winangun né tou un tanu uman un uli-ulit tampa Totoz Lenas um witi kasendukan, taan si Kristus é nimuntepoma witi kasendukan wo in tarékan ni Sia ém witumo u sinaru ni Opo Empung in tumulung ni kita.

Yakobus 1:27

Un uli-ulit mahragés wo zéi'kan siapa um pahséro'an witu u sinaru ni Opo Empung, Ama'ta é mahileké sé zéi'mo siapa tu'a wo sé wéwéné mahesa-esamokan im wana ang kasusaan néra. Téntu kangkasii ni kamu, mile-ilekla én taa kamu ikakiitla i mahwangun a léwo'an wia ung kaayahan.

Yakobus 3:9

Karia u lila' kita mahlooz si Opo Empung Ama'ta wo karia u lila' itii kangkasii, kita mahwéhé un epa' wia si kasuat tou si winangun ni Opo Empung mahsua-suatan wo ni Sia.

1 Petrus 2:22

Witu um pinantik lenas é méipantik in téntii: Ni Sia én zéi'kan nimahwangu-wangunla a singkéla' wo zéi'kan nimahnuwu-nuwu'la an towo.

1 Petrus 3:18

Pahpaan si Kristus kangkasii é nimaté makasa uman in ziméi' a singkéla'ta. Ni Sia si mahwangun an ulit é nimaté in timubus sé tou mahwangun an zéi'kan ulit, wo kita toro ipahwali-Na wia si Opo Empung. Ni Sia ém winunu' i ni Sia in tou uman, taan ni Sia é méitoumé sumaup ni Roh Lenas im wia sé nimaté.

1 Yohanes 3:18

É kamu in oki'ku, méyémo kita mahraa-raatéan zéi'kan uman witu u sumah kaapa witu u lila', taan wana am pahlé'osen wo witu ung kaulitan.

1 Yohanes 3:5

Kata'uan niou, si Kristus i nimapailek un tou-Na i mézuméi' péléng a singkéla', wo im wia ni Sia én zéi'kan siapa a singkéla'.

1 Yohanes 3:7

É kamu in oki'ku, tia' ipahwaya niou séi uman si mahlululu ni kamu. Séi si mahlé'os ang kaulitan, ni sia én tou ulit, tanu si Kristus in ulit.

1 Yohanes 4:4

É oki'ku! Ni kamu ém wia si Opo Empung a méyé wo ni kamu éng kimalamola sé nabi towo itii. Pahpaan si Roh si wiamo ni kamupé' si wangko', taan sé roh wia ung kaayahan.

1 Yohanes 5:17

Péléng a léwo'an é singkéla', taan wéwéhan a singkéla' an zéi'kan mangun si tou i makailek um patéan.

1 Yohanes 5:21

É kamu in oki'ku, zumou'la im wia péléng sé opo-opo.

3 Yohanes 1:4

Zéi'kan siapa u mahpaa-paaz lumousé u mahpaa-paazku, in timalingala i sé oki'ku é menou-nou mahkiit an tutuzu' kaulitan.