1 Yohanes 1:4 - Taaz Weru Witu u Nunuwu'en Tombulu

⁴ Péléng niia én ipantik naima wo iwéhéma wia ni kamu, wo u mahpaa-paaz nai én toro malekep.

1 Yohanes 1:4 Iomraidhean Croise

Yohanes 15:11

Péléng niitu é méikua-Kuma wia ni kamu, wo un até niou toro mahpaa-paaz tanu un até-Ku i mahpaa-paaz wo u mahpaa-paaz niou malekep.

Yohanes 16:24

Makazla in tarékan zéi'kampé' siapa um pinahaléi niou witu u ngaran-Ku. Mahaléiola ni kamu é makailek, wo ni kamu mawuta-wuta u mahpaa-paaz.

Yohanes 3:29

Si makaanu si broit é si brédégom, taan si kakaria ni brédégom si rimendai witu u réténa wo mahtalinga ni sia én totoz mahpaa-paaz in timalingamé u nuwu' ni brédégom itii. Téntu kangkasii ni aku, in tarékan u mahpaa-paazku ém wutulo.

2 Korintus 1:24

Ni kai é mahkua an téntu wia ni kamu, zéi'kan i merénta ni kamu tumoro u léwo'zéi' im pa'émanen niou, pahpaan um pa'émanen niou wia si Kristus én enté'mo. Taan kapaaz nai, ni kita én toro maayang mahwali-wali, wo ni kamu toro mahpaa-paaz.

Efesus 3:19

Wo ni kamu kasii toro mendan u raraatéan itii u limangkoi péléng ang kata'uan né tou. Ni aku mengaléi, wo ni kamu malekep wana péléng am péléng tanu si Opo Empung.

1 Yohanes 2:1

Ni kamu in oki'ku, ang kenu ém pinantikkuma wo méiwéhéma wia ni kamu, wo kamu zéi'kan mahwangun a singkéla'. Taan sa wéwéhan im wia ni kamu si mahwangun a singkéla', wéwéhan si makumelung ni kita im witu u sinaru ni Ama', ni Siamo si Yesus Kristus, si zéi'kan mahsanaweka.

2 Yohanes 1:12

Zozo' i lakezpé' a léwo'zéi' in ikuakuma wia ni kamu, taan ni aku é soo sa niitu ipantik umana. Taan ni aku é mahéré'la i ni aku in esa si mémahilekan mahilekan karia niou i sumirita nimasaruan wo u mahpaa-paazta é malekep.