1 Yohanes 1:2 - Taaz Weru Witu u Nunuwu'en Tombulu

² Ung katou-touan itii é méipapaileko wo niitu é niilek naimo wo in tarékan, ni kai é mahwoka' wia ni kamu a niilek wo tinalinga nai tumoro ung katou-touan makaz ing kauré-uré, u memali-mali karia ni Ama' wo u méipapaileko wia ni kai.

1 Yohanes 1:2 Iomraidhean Croise

Yohanes 1:18

Zéi'kan siapa si tou nimahile-ilekola si Opo Empung, akaz uman si Oki'-Na si esa uman si nimileko si Opo Empung. Si Oki'-Na sekezé é mengari-ngaria si Ama' wo ni Siamo si mahtuzu'mé wia ni kita séi si Opo Empung.

Yohanes 1:4

U Nuwu' ni Opo Empung itii é mahwéhémé ung katou-touan wo ung katou-touan itii é sena' im wia sé tou.

Yohanes 10:28

Ni Aku é mahwéhé ung katou-touan makaz ing kauré-uré wia ni séra wo ni séra uli-ulit zéi'kan maléwo' makaz ing kauré-uré wo zéi'kan siapa zozo' in esa si kumahat ni séra im witu u lengen-Ku.

Yohanes 14:6

Kuan ni Yesus wia ni sia, “Ni Akumo si lalan i mangé wia si Opo Empung wo mapata'u ung kaulitan tumoro si Opo Empung wo si mahwéhé ung katou-touan makaz ing kauré-uré. Zéi'kan siapa zozo' in esa si mangé wia si Ama' sa zéi'kan mengiité ni Aku.

Yohanes 15:27

Taan ni kamu kangkasii é léwo'zéi' ing kumua a niilek niou tumoro ni Aku, pahpaan ni kamu é nimemali-malimola karia-Ku rengané ing kataré-taré.”

Yohanes 16:28

Ni Aku ém wia si Ama' a méyé wo ni Aku é niméyé wia ung kaayahan kenu. Ni Aku kangkasii én tumula'uma ung kaayahan kenu wo mangé wia si Ama'.”

Yohanes 17:3

Ung kenumo ung katou-touan makaz ing kauré-uré, i sé tou mata'u si Ama', si Ama' é si Opo Empung si esa uman si ulit wo mata'u ni Aku, si Yesus Kristus si méiatumé ni Ama'.

Yohanes 17:5

Wo in tarékan, o Ama', ipapaileka ung kawangko'an-Ku in Oki'-Mu, karia ung kawangko'an un anu-Ku karia ni Ama' rengan im puuna, puunala ung kaayahan kenu im winangun.

Yohanes 19:35

Si tou nimilek in esa u nimamuali itii, ni sia in esa si mahkua tumoro an niilekna itii wo un ipahkuana én ulit. Wo kata'uana un ipahkuana én ulit, wo ni kamu kangkasii é ma'éman.

Yohanes 21:14

Niitu péléng éng katelumo si Yesus nimapailek un tou-Na wia sé pahtuzu'en-Na kumawusa ni Sia i méitoumé sumaup ni Opo Empung im wia sé nimaté.

Yohanes 3:13

Zéi'kan siapa zozo' in esa si tou si nimahpené-penékoma witi kasendukan, akaz uman ni Sia si timumpamé im witi kasendukan, ni Siamo si Oki' ni Tou.

Yohanes 7:29

Ni Aku é mata'u ni Sia pahpaan ni Aku ém wia ni Sia a méyé wo ni Siamo si nimatumé ni Aku.”

Yohanes 8:38

Apa a niilek-Ku wia si Ama', niitu an ipahkua-Ku. Téntu kangkasii ni kamu, ni kamu mahwangun an tinalinga niou im wia si ama' niou.”

Kisah Rasul-rasul 1:22

rengané ni Sia i sinarani ni Yohanes Menanarani makaz ni Sia i nimawénéta nimangé witi kasendukan timula'uma ni kita. Si tou itii é maéndo kakariata i makumua am pina'ilekta i si Yesus é mémoitoumé sumaup ni Opo Empung.”

Kisah Rasul-rasul 10:41

Taan zéi'kan péléng sé tou Yahudi toro nimilek ni Sia. Akaz uman sé pinéléngo ni Opo Empung rengan ing kataré-taré sé toro nimilek wo makumua am pina'ilek néra. Ni kaimo sé tou itii sé kimano wo nimelepo karia-Na, kumawusa Sia i méitoumé sumaup ni Opo Empung im wia sé nimaté.

Kisah Rasul-rasul 2:32

Si Yesus kenumo si méitoumomé sumaup ni Opo Empung. Wo tumoro niitu, ni kai péléng sé nimilek u nimamuali itii.

Kisah Rasul-rasul 3:15

Ni Sia si mahwéhémé un uli-ulit katou-touan wia péléng sé tou ém winunu' niouola. Taan ni Sia é méitoumomé sumaup ni Opo Empung im wia sé nimatémo. Ni kaimo sé nimilek a nimamuali itii.

Kisah Rasul-rasul 5:32

Ni kaimo sé mapata'u um pina'ilek nai tumoro a nimamuali itii, ni kai wo si Roh Lenas si méitambéré ni Opo Empung wia péléng sé tou sé mahtali-talinga ni Sia.”

Roma 8:3

An zéi'kan kawawaan im wangunen witu un ukum Torat pahpaan ni kita én tou zéi'kan enté' ém winanguno ni Opo Empung. Ni Sia é nimatumé si Oki'-Na in esa in tou uman tanumokan si tou simingkéla', in zuméi' a singkéla' wo méhé ukuman wana a singkéla' witu un awakta.

Galatia 4:4

Taan sa méikaayomola witu un orasna, si Opo Empung matumé si Oki'-Na si méitoumé ni raraha wo si Koki' itii é menou-nou mahkiit un ukum Torat.

1 Timutius 3:16

Totoz ulit an tutuzu' ulit ni Opo Empung é mémoipapailek-Na witu um pa'émanenta karia ung kawangko'an-Na: “Ni Sia é nimapailek un tou-Na tanu in tou uman, kinua in ulit ni Roh ni Opo Empung wo nimapailek un tou-Na wia sé malaekat. Tumoro ni Sia é méiwoka' wia péléng sé tahsasana wanua. Ni Sia ém pa'émanen im wia ung kaayahan wo winénéta mangé witi kasendukan karia u sigi' wo looz.”

2 Timutius 1:10

In tarékan si Opo Empung nimapailekomé niitu karia i niméhémé si Kristus Yesus si nimilot sé tou im witu un ukuman wana a singkéla'. Ni Sia éng kimalamoma ung kawasa um patéan wo niméhémé ung katou-touan makaz ing kauré-uré wia ni kita mengiité u Nuwu' Lé'os itii.

Titus 1:2

An tutuzu' ulit itii én ipahtuzu' nai pahpaan ni kita mahéré'la i makailek ung katou-touan makaz ing kauré-uré. Ung katou-touan makaz ing kauré-uré itii é mémoitaaza ni Opo Empung si zéi'kan mahtowo, rengan ung kaayahan im winangun.

1 Petrus 5:1

Ni aku ém penatua tanu ni kamu wo ni aku éng kumuama a niilekku wo an tinalingaku tumoro an zézéha pinahpendané ni Kristus im puuna. Ni aku kangkasii é lamakailek wéténg im witu ung kawangko'an-Na i si Kristus mémapailek ung kawangko'an-Na. Niitumo ni aku é sumésama wia ni kamu:

1 Yohanes 1:1

Um pinantik kenu én tumoro u Nuwu' ni Opo Empung u mahwéhémé ung katou-touan, um wiamo rengané ing kataré-taré, un tinalinga naimo, u niilek naimo karia um weren nai, um winéhan naimo genang wo um pinahtionan naimomé. Niitumo u méipantik nai an iwéhéma wia ni kamu.

1 Yohanes 2:25

Ang kenumo a mémoitaaz-Na in esa wia ni kita, niitu éng katou-touan makaz ing kauré-uré.

1 Yohanes 3:5

Kata'uan niou, si Kristus i nimapailek un tou-Na i mézuméi' péléng a singkéla', wo im wia ni Sia én zéi'kan siapa a singkéla'.

1 Yohanes 3:8

Séi si memua-mualipé' a singkéla', ni sia ém wia si tonaas né sétang a méyé, pahpaan rengané im puuna si tonaas né sétang én zéi'kan kumana' i memua-muali a singkéla'. Pahpaano niia, si Kristus, si Oki' ni Opo Empung é mapailek un tou-Na, wo am pinaayang ni tonaas né sétang ém pakaléwo'en-Na.

1 Yohanes 4:14

Ni kai é nimileko wo ni kai éng kumuama a niilek nai i si Ama' é nimatumomé si Oki'-Na i milot sé tou wia ung kaayahan im witu un ukuman wana a singkéla'.

1 Yohanes 4:2

Téntii wo kita toro mata'u si Roh ni Opo Empung: Péléng sé roh sé makaulit i si Yesus Kristus é niméyémoma wia ung kaayahan in tou uman, ni séra ém wia si Opo Empung a méyé.

1 Yohanes 5:11

Ung kenumo un ipahkua ni Opo Empung tumoro si Oki'-Na: Ni Sia é niméhémomé wia ni kita ung katou-touan makaz ing kauré-uré. Ung katou-touan itii ém wia si Oki'-Na.

1 Yohanes 5:13

Péléng niana én ipantikkuma an iwéhéma wia ni kamu, wo kamu sé ma'éman witu u ngaran ni Oki' ni Opo Empung é mata'ula i ni kamu é makailek ung katou-touan makaz ing kauré-uré.

1 Yohanes 5:20

Kata'uanta kasii i si Oki' ni Opo Empung é niméyémo wo niméhémo ung katulapan wia ni kita. Karia in téntu, ni kita mata'u Si Ulit wo maesa karia Si Ulit pahpaan nimaesa karia si Oki'-Na, si Yesus Kristus. Ni Siamo si Opo Empung, si ulit wo si mahwéhémé ung katou-touan makaz ing kauré-uré.