1 Yohanes 1:1 - Taaz Weru Witu u Nunuwu'en Tombulu

¹ Um pinantik kenu én tumoro u Nuwu' ni Opo Empung u mahwéhémé ung katou-touan, um wiamo rengané ing kataré-taré, un tinalinga naimo, u niilek naimo karia um weren nai, um winéhan naimo genang wo um pinahtionan naimomé. Niitumo u méipantik nai an iwéhéma wia ni kamu.

1 Yohanes 1:1 Iomraidhean Croise

Lukas 1:2

Am pinantik néra itii é masuat wo a méisirita wia ni kita, né tou sé rengané ing kataré-taré nimilek karia am weren néra a nimamuali itii wo mahtuzu' u Nuwu' ni Opo Empung.

Lukas 24:39

Ilekené u lengen wo un a'é-Ku. Ni Aku in esa kenu! Tionané Aku wo ilekené pahpaan ni Aku ém wéwéhan lé'ona wo zuhi tanu um pahileken nioué wia ni Aku, taan si mengingindé' én zéi'kan siapa lé'ona wo zuhi.”

Yohanes 19:35

Si tou nimilek in esa u nimamuali itii, ni sia in esa si mahkua tumoro an niilekna itii wo un ipahkuana én ulit. Wo kata'uana un ipahkuana én ulit, wo ni kamu kangkasii é ma'éman.

Yohanes 20:27

A Sia kumuala wia si Tomas, “Iteptepé un tutundu'mu wia'i wo ilekenola u lengen-Ku. Iayomé u lengenmu wo iteptepé un tutundu'mu witu u wentuhan-Ku wo tia'mo kasii ni ko zéi'kan ma'éman taan ma'émanola.”

Yohanes 5:26

Pahpaan tanu si Ama' si mahkawasa mahwéhémé ung katou-touan, téntu kangkasii si Ama' niméhé ung kawasa wia si Oki'-Na i mahwéhé ung katou-touan.

Yohanes 8:58

Kuan ni Yesus wia ni séra, “Uli-ulit ikua-Kuma wia ni kamu, puunala si Abraham im wia, ni Aku ém wiamo.”

Kisah Rasul-rasul 1:3

Wia sé aatu-Na kenu, kumawusa Sia im pinahzézéhamé makaz nimaté, ni Sia nimapailek un tou-Na un tumuzu'mé i ni Sia én uli-ulit menou-nou. Im witu un epatna pulu' endo, ni Sia é menau-naup i nimapaileka un tou-Na wo nimahnuwu'ma wia ni séra tumoro ung Kakolanoan ni Opo Empung.

Kisah Rasul-rasul 4:20

Pahpaan zéi'kan mamuali a niilek wo an tinalinga naimo, zéi'kan ikua nai wia sé tou.”

Ibrani 2:3

kura kita in ikapilot sa kita zéi'kan mahwéhé genang witu un ipilot im witu un ukuman wana a singkéla' un totoz wangko' itii? Niitu ing kataré-taré é mémoipahwoka'ma ni Yesus Mahpiara, tumondong niitu, sé tou timalinga niitu in esa im wia si Yesus éng kimua wia ni kita i niitu én ulit.

1 Yohanes 4:14

Ni kai é nimileko wo ni kai éng kumuama a niilek nai i si Ama' é nimatumomé si Oki'-Na i milot sé tou wia ung kaayahan im witu un ukuman wana a singkéla'.

1 Yohanes 5:7

Pahpaan telu sé mahkua ang kata'uan néra [im witi kasendukan: Si Ama', u Nuwu' ni Opo Empung wo si Roh Lenas wo sé telu itii én esa.

Wahyu 1:11

Un zanina én téntii, “Ipakapantikla witu ung kitap péléng an ipapailek-Ku wia ni ko wo iwéhéma wia sé pitu jamaat sé witi: Efesus, Smirna, Pergamus, Tiatira, Sardis, Filadelfia wo sé witi Laodikia.”

Wahyu 1:8

Si Opo Empung kimua, “Ni Aku én Alfa wo Omega, ung kalakoana é si Kataré-taré wo si Kamurian. Ni Aku ém wiamo rengané im puuna, in tarékan wo in tumondong. Ni Aku én Totoz Mahkawasa.”

Wahyu 19:13

Ni Sia éng kimarai ung karai tonton u mémoisousou witu un zaha' wo u ngaran-Na é “Nuwu' ni Opo Empung.”

Wahyu 2:8

Ang kuan kasii ni Oki' ni Tou, “Ipantikmula wo iwéhéma wia si malaekat si wia sé jamaat witi Smirna in téntii: ‘Kenumo a Nuwu' am wia Si Kataré-taré wo Si Kamurian a méyé, si nimatémoma taan méitoumé sumaup.