1 Timutius 6:1 - Taaz Weru Witu u Nunuwu'en Tombulu

¹ Péléng sé ata ma'éman si Kristus é léwo'zéi' i mahgenangla sa si tuangna ém wangun im pahsigi-sigi'en. Karia in téntu u ngaran ni Opo Empung wo an tutuzu' ulit am pahkiitenta én zéi'kan séro'an né tou zéi'kan ma'éman.

1 Timutius 6:1 Iomraidhean Croise

Matius 11:30

Pahpaan am perénta-Ku é makapaazen wo um pengalin méipasaan-Ku é rorak uman.”

Matius 11:9

Ni- itumo, makumura kamu i mangé wana? Mamilek si nabi? Ulit, wo ikua-Kuma wia ni kamu, si Yohanes é lumouspé'mé si nabi.

Lukas 17:1

Si Yesus kumua wia sé pahtuzu'en-Na, “Zéi'kan mamuali in zéi'kan siapa a mangun si tou i mahsingkéla', taan ikaléwo'la si tou mahmuali niitu.

Kisah Rasul-rasul 10:22

A séra mingkotla, “Si Kornelius si tonaas né sana atus suraro Romawi, si ulit wo maindé' si Opo Empung wo kata'uan né tou i lé'os uman wia péléng sé tou Yahudi én tinuzu'anomé ni malaekat lenas in tumawah ni ko i mangé witi waléna, wo tumalinga an ikuamu wia ni sia.”

Kisah Rasul-rasul 10:7

I si malaekat si nimuwu'ma wia si Kornelius timula'umoma ni sia, an tawahenamé sé zua pahayoanna wo si suraro si mahtali-talinga wia si Opo Empung si sekezé memali-mali kariana.

Kisah Rasul-rasul 15:10

Sa téntu, kaa ni kamu mema'wa' si Opo Empung karia i niméhéla um pengalin wia sé tou ma'éman itii, un zéi'kan kawawaanta wo né nimaopota?

Roma 2:24

Tanu u méipantik witu un ukum Torat in téntii: “Pahpaano ni kamu in tou Yahudi, u ngaran ni Opo Empung ém pahséro'an im wia sé tahsasana wanua walina.”

1 Korintus 10:32

Tia' ung katou-touan niou é nimaéndo watu pahkasangkilan né tou Yahudi kaapa né tou Yunani kaapa né jamaat ni Opo Empung.

Galatia 5:1

Pahpaan si Kristus si nimanguno ni kita in zéi'mo ata, ni kita én uli-ulit zéi'mo ata. Niitumo, enté-enté'en um pa'émanenta wia ni Sia, wo tia' iwaya niou un tou niou im pahata-atan sumaup un ukum Torat.

1 Timutius 5:14

Niitumo sé wéwéné mahesa-esamokan sé zéi'kampé' tahlous tu'a, kapaazku ni séra éng kumawéngla sumaup. Sa séra kumawéngla sumaup, ni séra én toro makaileké koki' wo mahtu'tul sé sana awuna. Karia in téntu, sé kakoro'ta én zéi'kan mata'u mahtawuruk u ngaranta.

Titus 2:5

menou-nou karia in tulap wo zéi'kan siapa pahséro'an, tulap i mahimek sé sana awu néra, lé'os uman wo mahtali-talinga wia si mahayona. Karia in téntu, u Nuwu' ni Opo Empung én zéi'kan pahséro'an né tou.

1 Petrus 2:12

Wangu-wangunen ung katou-touan niou im witu u saru-sarun né tou zéi'kan mata'u si Opo Empung, wo zozo' ni kamu ém pahkuan né tou itii in tou léwo', taan witu un endo si Opo Empung i méyé, ni séra é malumooz wo sumigi' ni Sia, pahpaan ni séra é mahilek am pahwangunen niou an totoz wangun.

1 Petrus 3:16

wo karia ung genang lé'os. Sa um pakahwingkot niou én téntu, niitu é mangun sé tou menuwu-nuwu' a léwo'an tumoro ni kamu sé mahwangun a lé'os pahpaan i mahkiit si Kristus é maizang, pahpaan a léwo'an penuwu-nuwu'en néra itii.