1 Timutius 5:4 - Taaz Weru Witu u Nunuwu'en Tombulu

⁴ Taan sa si wéwéné mahesa-esamokan itii ém wéwéhan koki' kaapa puyun, ni séra itiimo sé kataré-taré mahwéhé genang wia sé kaawu néra in tou ma'éman. Ni séra én totoz mahtata'ula kura i maér u raraatéan né tu'a wo ni néné néra. Karia in téntu, ni séra éng kapaaz ni Opo Empung.

1 Timutius 5:4 Iomraidhean Croise

Lukas 2:51

A Sia mawuri witi Nazaret mahwali karia ni ama' wo ni ina'-Na. Ni Sia én totoz mahtali-talinga uman wia sé tu'a-Na. Péléng a nimamuali itii ém pegena-genangen uman ni ina'-Na.

1 Timutius 2:3

Niitumo um wangun wo kapaaz ni Opo Empung, si milot ni kita im witu un ukuman wana a singkéla'ta.

1 Timutius 5:16

Sa wéwéhan si wéwéné ma'éman makakatuari sé wéwéné mahesa-esamokan, si wéwéné itii é léwo'zéi' i sumawang ni séra, wo ni séra zéi'kan maéndo pengalin wia sé jamaat. Karia in téntu sé jamaat én toro sumawang sé wéwéné mahesa-esamokan sé zéi'kan siapa koki' kaapa puyun.

Titus 1:11

A sumah né tou tanu ni séra é léwo'zéi' im pekipenes, pahpaan lakez sé sana awu pahkayo'en néra karia an tutuzu' towo, makaz am pahkailekan néramé é lakez taan karia in zéi'kan wangun.