1 Timutius 4:2 - Taaz Weru Witu u Nunuwu'en Tombulu

² an ipahkuamé mengiité sé tou léwo' sé mahtowo i lé'os karia an towo néra. Ung genang lé'os néra én zéi'mo mata'u wisa un ulit wo wisa u simala'.

1 Timutius 4:2 Iomraidhean Croise

Matius 24:24

Pahpaan sé zéi'kan uli-ulit Mesias wo sé zéi'kan uli-ulit nabi é méyé wo ni séra é mangun a makakompo'en zéi'mo kakuaan, wo sa toro, ni séra kasii é lumulu sé tou pinéléngo ni Opo Empung.

Matius 7:15

Ang kuan kasii ni Yesus, “Mile-ilek im wia sé nabi towo! Ni séra méyé wia ni kamu é mahwangu-wangun lé'os tanu sé domba, taan ndéén ni séra é masuat wo si serigala meneza' tou.

Kisah Rasul-rasul 20:30

Lumousé niitu, im wia ni kamu ém wéwéhan sé woopira tou sé mahtuzu' an tutuzu' zéi'kan ulit. Ni séra é mahtututu' i mahlululu sé tou ma'émano ing kumiit ni séra.

Roma 1:28

Pahpaan ni séra én zéi'mo pandung wia si Opo Empung, ni séra é méiwaya-Na i megena-genang uman an zéi'kan toro wangunen. Niitumo ni séra éng kalousna i mahwangun an zéi'kan toro wangunen.

Roma 16:18

Pahpaan sé tou téntu én zéi'kan mahpaayang wia si Kristus, si Mahpiarata, taan ni séra é mahpaayang i mahwuwutul uman am pemandungen néra. Karia an eenou wo a nunuwu'en tariis im pahtalingan, ni séra é mahtowo wia sé tou sé zéi'kan siapa kata'uan.

Efesus 4:14

Karia in téntu ni kita én zéi'mo tanu sé koki' sé mahkii-kiit uman an tutuzu' nimahwali-walinaan né menunuzu' towo. Niitu én tanumokan u sempa' pemolé-moléi u reges. Ni séra mahlululu uman karia an towo néra.

Efesus 4:19

Ni séra én zéi'mo siapa izangna, taka-takazan séra mahkiit uman u lelo un awak néra wo mahsamek mahkiit um paaz néra.

2 Timutius 3:5

Ni séra ém pahileken i mahragés wia si Opo Empung taan un ulitna ni séra é mahkélong ung kawasa ni Opo Empung itii. Ma'katla im wia sé tou itii!

Wahyu 16:14

Sé roh né sétang itiimo sé nimahwanguné a makakompo'en wo ni séra kasii sé manimenéro sé kolano wia péléng ung kaayahan i maesaan ing kumoro' witu un endo wangko' ni Opo Empung Si Totoz Mahkawasa si kumala sé kakoro'-Na.