1 Timutius 4:12 - Taaz Weru Witu u Nunuwu'en Tombulu

¹² Tia' wo wéwéhan sé tou mahgenangla i ni ko én tou roros pahpaan ni ko ém weru tou. Mahtututu'la i maéndo kékéréan wangun né tou ma'éman wia si Opo Empung, wana an ipahkuamu, wana am pemangu-mangunennu, wana a raraatéannu, witu um pa'émanennu wo witu ung katou-touannu un zéi'kan penéro-néro'an né tou.

1 Timutius 4:12 Iomraidhean Croise

Matius 18:10

“Gena-genangen! Tia' meroros si esaané im wia sé koki' kenu. Pahpaan ikua-Kuma wia ni kamu, wéwéhan sé malaekat mahtéiz ni séra sé witi kasendukan, sé mengile-ngilek uman ung gio ni Ama'-Ku. [

1 Korintus 11:1

Wangunela um pahwangunengku tanu ni aku i mahwangun um pahwangunen ni Kristus.

Filipi 4:8

Ung kamurian katuari-katuari, péléng an ulit, péléng am wangun im pahloozen, péléng an zéi'kan mahsanaweka, péléng am weresi, péléng an tombal, péléng an tariis im pahtalingan, péléng am wéwéhan torona wo an toro pahloozen, niana péléng é léwo'zéi' ing genangen nioula.

1 Tesalonika 1:6

Ni kamu é nimahkérémola wia ni kai wo nimahkérémola wia si Yesus Mahpiara. Zozo' ni kamu én totoz zézéha, ni kamu é simungkul u Nuwu' ni Opo Empung un ipahtuzu' nai wia ni kamu karia u mahpaa-paaz u méiwéhémé ni Roh Lenas.

1 Tesalonika 2:10

Ni kamu, téntu kangkasii si Opo Empung é mata'u i ni kai é menou-nou karia un até weresi, zéi'kan mahsanaweka wo zéi'kan penuwu-nuwu'en né tou i menou-nou mahwali-wali karia niou, sé ma'émano.

1 Timutius 1:14

Taan lumouspé'mé niitu, ung kamang méitambéré ni Mahpiarata wia ni aku én totozo lakez, makaz ni aku ma'éman wia ni Sia wo rumaraaté sé kasuat tou pahpaan nimaesamo karia ni Kristus Yesus.

2 Timutius 2:15

Mahtututu'la, wo ko wangun witu u sinaru ni Opo Empung in tou si zéi'kan maizang i mahpaayang wia ni Sia, si zéi'kan mahwuni-wuni i mahwoka' u nuwu' tumoro ung kaulitan itii.

2 Timutius 2:22

Pahpaano niitu, ma'katla im wana a lelo léwo' un awak né weru tou. Mahtututu'la i mahkiit um paaz ni Opo Empung, ma'éman an tutuzu'-Na, rumaraaté si kasuat tou wo mahlé'o-lé'osan karia néra sé mengaléi wia si Opo Empung i mekitulung karia un até weresi.

2 Timutius 2:7

Wéhanla genang a méikuaku kenu, si Mahpiara é mangun ni ko makawawa i makatulap péléng am péléng.

Titus 2:15

Titus, ipakawoka'la niana péléng, pahsésaala wo pahséro'ela séra karia ung kawasa in aatu ni Opo Empung. Tia' ipahwaya séi uman si meroros ni ko.

Titus 2:7

wo wangunela ung katou-touannu i maéndo kékéréan wangun wia ni séra. I mahtuzu' wia sé tou, ni ko é léwo'zéi' in uli-ulit mahtuzu' wo tia' mahtowo,

Yakobus 3:13

Sa wéwéhan si tou tulap wo lakez ang kata'uan im wia ni kamu, ni sia é léwo'zéi' i mapailekla ang katou-touan wangun wo am pahlé'osen wangun karia i roros até wo ung katulapan.

Yakobus 3:17

Taan ang katulapan am wia si Opo Empung a méyé, ung kataré-taré un até ém weresi, tumondongla niitu ém paaz i mahlé'o-lé'osan, roros até wo mahkii-kiit uman, mawuta-wuta raraaté wo mahwua'mé am wangun, zéi'kan mahsanaweka wo zéi'kan mahgau-gau lé'os.

1 Petrus 5:3

Tia' wo ni kamu mahpeperénta uman wia sé tou ma'éman sé méitarawésama ni Opo Empung wia ni kamu, taan ni kamu é maéndola kékéréan wangun wia ni séra.