1 Timutius 4:1 - Taaz Weru Witu u Nunuwu'en Tombulu

¹ Si Roh Lenas én uli-ulit kimua, im wana an endo in tumondong ém wéwéhan sé tou matumamburi witu um pa'émanen wo kumua in zéi'kan mata'u si Yesus. Ni séra é mahtali-talinga sé roh mahlululu uman ni séra wo mahkiit uman an tutuzu' né sétang,

1 Timutius 4:1 Iomraidhean Croise

Matius 18:7

Ikaléwo'la ung kaayahan kenu pahpaan lakez an toro mangun sé tou i mahsingkéla'. Ulit sa niana é léwo'zéi' mamuali wia ung kaayahan, taan ikaléwo'la si tou mahmuali niitu!

Lukas 17:1

Si Yesus kumua wia sé pahtuzu'en-Na, “Zéi'kan mamuali in zéi'kan siapa a mangun si tou i mahsingkéla', taan ikaléwo'la si tou mahmuali niitu.

Yohanes 16:13

Taan sa si Roh Kaulitan itii méyé, ni Sia é mahkit ni kamu i mata'u péléng ang kaulitan. Pahpaan ni Sia zéi'kan mahkua mengiit ung ginenang-Na in esa taan ni Sia é mahkua péléng an tinalinga-Na wia si Opo Empung, wo ni Sia éng kumua wia ni kamu a mamuali witu un endo tumondong.

Kisah Rasul-rasul 13:2

I sana endo, i ni séra mahpuasa wo mahragés wia si Mahpiara, a si Roh Lenas numuwu'mé, “I sanapa'mé wia ni Aku si Barnabas wo si Saulus i maayang um papaayangen un tinotoz-Kumo in iwéhé wia ni séra zua.”

Kisah Rasul-rasul 17:18

Wo wéwéhan kasii sé woopira méster an tutuzu' Epikuros wo an tutuzu' Stoa mahzéi'-zéi'an kariana. Wéwéhan sé mahkua, “Apa un ipahkukua ni wayaan uman kanuwu'an kenu?” Taan sé walina kasii é mahkua, “An ipahkua ni tou kenu én tumoro sé opo-opo zéi'kan kata'uan.” Ni séra mahkua in téntu pahpaan ni sia é mahwoka' u Nuwu' Lé'os tumoro si Yesus, wo tumoro si Yesus i méitoumé sumaup ni Opo Empung im wia sé nimaté.

Kisah Rasul-rasul 20:23

U méipapata'u ni Roh Lenas wia ni aku én akaz uman, i ni aku é maiuntep witi bui wo mazézéha im wana am wanua tua'na angéangku.

Kisah Rasul-rasul 21:11

Ni sia é niméyé wia ni kai a méndoma un embet ni Paulus. Tumondongla niitu, karegas i mahapus un a'é wo un lengenna in esa ni sia mahkua, “Si Roh Lenas éng kimua in téntii, ‘Téntiimo si tou makaembet ung kenu in apusen né tou Yahudi witi Yerusalem. Wo ni sia én iayo néra wia sé tou zéi'kan Yahudi.’ ”

Kisah Rasul-rasul 28:25

Pahpaan im wia ni séra én zéi'kampé' maéndoan, a séra rengan mondolé im witu. Karegas séra mahondolé im witu, si Paulus kumuama ung kenu wia ni séra, “Totozo ulit u nuwu' méikuamé ni Roh Lenas wia sé nimaopota mengiité si nabi Yesaya,

1 Korintus 10:20

Ni aku éng kimua in téntu, pahpaan a méiragés néra itii, zéi'kan méiragés wia si Opo Empung, taan méiragés wia sé roh léwo'. Kasooku sa kamu maesa karia né roh léwo'.

1 Korintus 11:19

Pahpaan im wia ni kamu é léwo'zéi' wéwéhan sé mahéndo-éndoan, wo toro kata'uan séi si uli-ulit mahkiit si Opo Empung.

1 Korintus 12:11

Péléng an tatambér itii é méiwéhé ni Roh Lenas. Si Roh Lenas itii én esa uman zéi'kan siapa walina. A méitambér wia si esa wo si esa é nimahwali-walinaan mengiit ung kapaaz ni Roh Lenas.

1 Korintus 2:10

Niitumo, si Roh ni Opo Empung mémapata'u wia ni kita, péléng ang ginenang-Na itii. Si Roh ni Opo Empung, si mahtata'u péléng am péléng, makaz a méikawunipé' um wia si Opo Empung.

2 Korintus 11:3

Taan ikaindé'ku én taa ung genang niou é méilulu makaz kamu zéi'mo uli-ulit mahkiit si Kristus, tanu si Hawa im puuna i méilulula ni ulé' karia ung kasigaanna i mahtowo.

Kolose 2:18

Tia' ipahwaya niou ung kukulu makailekan niou in zéi'en umana né tou sé mahtowo-towo i meroros un tou néra wo mahongkot wia sé malaekat. Ni séra é mapahlolooz un tou néra im wana am pina'ilek néra un tanu im pahipi-ipin, zozo' niitu én zéi'kan uli-ulit téntu. Ni séra é mahlolooz un tou néra karia am pegena-genangen néra u mahkiit uman ung kapaaz ung kaayahan.

2 Timutius 3:13

taan sé tou léwo' wo tantowo kahuman éng kalousna i mahwangun a léwo'an, ni séra mahlulu sé tou wo ilulu né tou walina.

2 Timutius 4:4

Ni séra é soomo tumalinga an tutuzu' ulit, taan paaz uman tumalinga a sirita zéi'kan ulit.

Yakobus 3:15

Ung katulapan tanu niitu én zéi'kan witi kasendukan a méyé taan wia ung kaayahan a méyé, witu u lelo ni tou wo wia sé sétang a méyé.

1 Petrus 1:20

Si Kristus ém pinéléngo ni Opo Empung puunala ung kaayahan kenu im winangun. Wo wana an endo kaakazan ung kaayahan kenu, ni Sia é niméyémoma wia ung kaayahan wo kamu toro ipilot im witu un ukuman wana a singkéla'.

2 Petrus 2:1

Rengané im puuna ém wéwéhano sé nabi towo kimaria sé tou ni Opo Empung. Téntu kangkasii in tumondong im wia ni kamu ém wéwéhan sé méster towo. Ni séra é matumuzu' an tutuzu' zéi'kan ulit, u mahlululu uman sé tou makaz sé tou é maikaléwo'. Lumousé niitu ni séra é mahkélong i si Yesus Kristus é si mahkawasa si timubus ni séra. Niitu u nimangun ni séra i rewek léwo'en.

2 Petrus 3:3

Un ipahpuu-puuna ing kata'uan nioula én téntii: Im wana an endo kaakazan ung kaayahan, mahondolé sé tou tampenéro' karia a séséro' néra, sé menou-nou mahkiit uman a lelo léwo' un awak.

1 Yohanes 2:18

É kamu in oki'ku, in tarékan é merétémoma ung kaakazan ung kaayahan, wo tanu an tinalinga niouo i si kakoro' ni Kristus é méyé, wo in tarékan lakez sé kakoro' ni Kristus ém wiamo. Nianamo an tumuzu'mé wia ni kita sa un oras kenu én uli-ulit merétémoma ung kaakazan ung kaayahan.

1 Yohanes 4:6

Ni kita ém wia si Opo Empung a méyé: Séi si mata'u si Opo Empung, ni sia é mahtalinga ni kita. Séi si zéi'kan wia si Opo Empung a méyé, ni sia én zéi'kan mahtalinga ni kita. Niitu un tumuzu'mé wisa si Roh kaulitan wo wisa si roh mahlululu uman si tou.

Yudas 1:18

Pahpaan ni séra éng kimuamo wia ni kamu, “Merétéma ung kaakazan ung kaayahan, mondolé sé menénéro', sé menou-nou mahkiit uman a lelo léwo' un awak néra.”

Yudas 1:4

Pahpaan mémoikatuzu'mé im wéwéhano sé tou mahwuni-wuni kimariala ni kamu. Ni séra én urémo tinotoz in ukumen. Ni séra é sé tou zéi'kan pandung si Opo Empung wo mahséa' u raraatéan-Na, wo séra toro menou-nou mengiit u lelo léwo' un awak. Ni séra kasii é soo makaulit i si Yesus Kristus si Mahkawasa wo si Mahpiarata én esa uman.

Wahyu 13:14

Si binatang kazua itii é mahlulu sé tou mahento' wia ung kaayahan karia a makakompo'en, a méiwéhémo wia ni sia im pahwangunen witu u sinaru ni binatang kataré. Méiatu ni binatang kazua itii sé tou mahento' wia ung kaayahan i mangun um patong ni binatang kataré, si pélaan im winira' taan menou-noupé', im pahsigi'en.

Wahyu 16:14

Sé roh né sétang itiimo sé nimahwanguné a makakompo'en wo ni séra kasii sé manimenéro sé kolano wia péléng ung kaayahan i maesaan ing kumoro' witu un endo wangko' ni Opo Empung Si Totoz Mahkawasa si kumala sé kakoro'-Na.

Wahyu 18:2

Ni sia é mahkérét totoz rimez, kuana, “Kemumo, um Babel itii éng kemumo. Um wanua tua'na itii é nimaéndomola pahwéha-wéhan né sétang, wo wuwunian péléng né roh léwo' wo wuwunian péléng né tumétéwél makati'tiren wo ikazi'zis né tou.

Wahyu 18:23

U sena'na u solo én zéi'mo sumena'mé im witi wanua tua'na itii, wo sé mezazani witi tampa pahkawéngan én zéi'mo talingané im witi wanua tua'na itii. Pahpaan sé tou witi wanua tua'na itii sé mahwangké-wangkér é sé tou totoz ipahkua-kua im wia ung kaayahan, wo pahpaan a riaramu, péléng sé tahsasana wanua é méilulumu.”

Wahyu 19:20

A si binatang makaindé'en karia si nabi towo itii kationala. Si nabi towo itii é si nimahwangunola a makakompo'en witu u sinaru ni binatang itii karia ung kawasa méiwéhénamé. Karia a makakompo'en itii, méipahlulunamé sé tou nimakaileko un tanda ni binatang itii wo nimahongkot wo nimahsigi'mola si patongna. Si binatang makaindé'en wo si nabi towo itii é menou-noupé' an ilombo'ma witu un tasik api wo walélang melaya-layas.

Wahyu 2:11

Séi si wéwéhan lunteng é mahtalingama lé'os an ipahkua ni Roh ni Opo Empung wia sé jamaat: Si tou nimuntung én zéi'kan mahpenda-pendanla an zézéha witu um patéan kazua.’ ”

Wahyu 2:17

Séi si wéwéhan lunteng é mahtalingama lé'os an ipahkua ni Roh ni Opo Empung wia sé jamaat: Si tou nimuntung, ni sia ém wéhang-Ku manna a méiwunipé', wo ni sia kasii ém wéhang-Ku um watu kulo', um wawona ém pinantikan u ngaran weru un akaz uman si makaanu si mata'u u méipantik witu, zéi'kan siapa walina.’ ”

Wahyu 2:29

Séi si wéwéhan lunteng é mahtalingama lé'os an ipahkuama ni Roh ni Opo Empung wia sé jamaat.”

Wahyu 2:7

Séi si wéwéhan lunteng é mahtalingama lé'os an ipahkua ni Roh ni Opo Empung wia sé jamaat: Si tou nimuntung, ni sia én énéang-Ku ing kuman um wua'na ung kai u mahwéhémé ung katou-touan, um witu un Uma ni Opo Empung.’ ”

Wahyu 20:10

Si tonaas né sétang si limulu sé tou itii é méiwerita witu un tasik api wo walélang melaya-layas, um wineritan kasii si binatang makaindé'en wo si nabi towo. Im witu ni séra péléng ém pahzézéhan endo wo wengi makaz ing kauré-uré.

Wahyu 20:8

Si tonaas né sétang itii é malumulu sé tahsasana wanua witi epat zuhuna ung kaayahan. Sé tahsasana wanua itii ém pahkuan ‘Gog’ wo ‘Magog’, wo ni séra é réwoken ni tonaas né sétang itii i makumoro'. Wo ung kalakez néra én tanumokan an eris witi tasik.

Wahyu 3:13

Séi si wéwéhan lunteng é mahtalingama lé'os an ipahkua ni Roh ni Opo Empung wia sé jamaat.’ ”

Wahyu 3:22

Séi si wéwéhan lunteng é mahtalingama lé'os an ipahkua ni Roh ni Opo Empung wia sé jamaat.’ ”

Wahyu 3:6

Séi si wéwéhan lunteng é mahtalingama lé'os an ipahkuama ni Roh ni Opo Empung wia sé jamaat.’ ”

Wahyu 9:20

Taan sé tou walina sé zéi'kan nimaté pahpaan an zézéha itii é soopé' tumula'u am pahwangunen néra. Ni séra én zéi'kan mazéi' i mahongkot wia sé sétang, sé patong né opo-opo sé mas, péra', perunggu, watu, wo kai am wangunen; sé zéi'kan makailek kaapa zéi'kan makatalinga kaapa zéi'kan mata'u lumampang.