1 Timutius 3:7 - Taaz Weru Witu u Nunuwu'en Tombulu

⁷ U ngaranna é léwo'zéi' wangun im wia sé tou lakez. Pahpaan sa zéi'kan téntu ni sia é séro'an né tou a sia kumiitla un towo ni tonaas né sétang i mangun a singkéla'.

1 Timutius 3:7 Iomraidhean Croise

Markus 4:11

A mingkotla si Yesus, “Ni kamu éng kinuaanoma u méikawunipé' tumoro ung kakolanoan ni Opo Empung. Taan im wia sé tou walina, ém pahtuzu'an karia un aandéan,

Kisah Rasul-rasul 10:22

A séra mingkotla, “Si Kornelius si tonaas né sana atus suraro Romawi, si ulit wo maindé' si Opo Empung wo kata'uan né tou i lé'os uman wia péléng sé tou Yahudi én tinuzu'anomé ni malaekat lenas in tumawah ni ko i mangé witi waléna, wo tumalinga an ikuamu wia ni sia.”

Kisah Rasul-rasul 22:12

Im witu ém wéwéhan si tou makangaran Ananias. Ni sia uli-ulit mahkiit un ukum Torat, wo kata'uan péléng né tou Yahudi sé mahento' witu in tou lé'os.

Kisah Rasul-rasul 6:3

Niitumo katuari-katuari, tawimo kamu i méléngla sé pitu tou im wia ni kamu. Ni séra é léwo'zéi' in tou lé'os, tulap wo kinawasa ni Roh Lenas. Sé tou kenu ém wéhan nai um paayangen i mahimek am pemandungen i mendo-endo,

1 Korintus 10:32

Tia' ung katou-touan niou é nimaéndo watu pahkasangkilan né tou Yahudi kaapa né tou Yunani kaapa né jamaat ni Opo Empung.

1 Korintus 5:12

Pahpaan zéi'kan paayangengku i mahtotoz ulit kaapa zéi'kan am pahwangunen né zéi'kan jamaat ni Opo Empung. Taan im wia ni kamu sé jamaat ni Opo Empung, zéi'kankuaa ni kamu sé mahtotoz am pahwangunen né jamaat niou?

2 Korintus 6:3

Ni kai mahtututu' i mahpaayang uman am wangun, wo am pahpaayangen nai zéi'kan maéndo tanu watu pahkasangkilan né tou, wo zéi'kan siapa si mapahsasala' am pinaayang nai.

2 Korintus 8:21

Niitumo kapaaz nai mahwangun a lé'os én zéi'kan uman witu u sinaru ni Mahpiara taan maan im witu u sinaru né tou.

Kolose 4:5

Ni kamu é léwo'zéi' tulap i menou-nou karia né tou zéi'kan ma'éman wo un témpo ém pahpakéla lumé'o-lé'os.

1 Tesalonika 4:12

Karia in téntu, sé tou walina sé zéi'kan ma'éman si Yesus é mahsigi' ni kamu wo ni kamu kangkasii én zéi'kan niméré' wia ni séra.

1 Tesalonika 5:22

Zumou'la im wana péléng a léwo'an.

1 Timutius 3:6

Zéi'kan toro si tonaas né jamaat é si tou taré ma'émanla wia si Opo Empung, én taa sia mawera' a makailek un ukuman tanu u nimamuali wia si tonaas né sétang im puuna.

1 Timutius 5:14

Niitumo sé wéwéné mahesa-esamokan sé zéi'kampé' tahlous tu'a, kapaazku ni séra éng kumawéngla sumaup. Sa séra kumawéngla sumaup, ni séra én toro makaileké koki' wo mahtu'tul sé sana awuna. Karia in téntu, sé kakoro'ta én zéi'kan mata'u mahtawuruk u ngaranta.

1 Timutius 6:9

Taan sé tou paaz mawa'ilan, ni séra é méikauntepola witu um pema'waan, niéndo um wetes wo megena-genang uman a lelo léwo' un awak an zéi'kan siapa torona u maluméwo' ni sia. Am pelelo-lelo néra é mangun ni séra makemu wo ikaléwo'.

2 Timutius 2:26

Karia in téntu, ni séra én toro mata'ula i ni séra é simingkéla'mola, pahpaan ni séra é mémoikapiloté im witu um wetes ni tonaas né sétang si nimapus ni séra karia um paazna.

Titus 2:5

menou-nou karia in tulap wo zéi'kan siapa pahséro'an, tulap i mahimek sé sana awu néra, lé'os uman wo mahtali-talinga wia si mahayona. Karia in téntu, u Nuwu' ni Opo Empung én zéi'kan pahséro'an né tou.

Titus 2:8

an ipahkuamu ém wéwéhan torona wo zéi'kan siapa um pahséro'an, makaz sé mahsaru ni ko é maizang pahpaan zéi'kan siapa un ikua néra i mahtawuruk tumoro ni kita.

3 Yohanes 1:12

Péléng sé tou é nimilek wo mahkua am wangun tumoro si Demetrius, um pahwangunenna é mahkiit ung kaulitan. Ni kai kangkasii é nimilek am wangun tumoro ni sia wo kata'uannu an ipahkua nai én ulit.