1 Timutius 3:6 - Taaz Weru Witu u Nunuwu'en Tombulu

⁶ Zéi'kan toro si tonaas né jamaat é si tou taré ma'émanla wia si Opo Empung, én taa sia mawera' a makailek un ukuman tanu u nimamuali wia si tonaas né sétang im puuna.

1 Timutius 3:6 Iomraidhean Croise

Lukas 10:18

Ang kuan ni Yesus wia ni séra, “Niilek-Ku si tonaas né sétang nimagogomé im witi langit tanu an tila'pong.

1 Korintus 3:1

Katuari-katuari, i makasa, ni aku i mahnuwu' wia ni kamu én zéi'kan tanu i mahnuwu' wia sé tou pahahkiten ni Roh Lenas, pahpaan ni kamu é mahkiitpé' a lelo wia ung kaayahan. Um pa'émanen niou tumoro si Kristus én tanupé' sé taré itoumé.

1 Korintus 8:1

Tarékan ni aku kumuama tumoro a lé'ona méiragés wia sé opo-opo. Ung kata'uanta, “Ni kita péléng ém wéwéhano ang kata'uan.” Ang kata'uan tanu niitu nimangun si tou nimaloozan, taan u rumaraaté é mahenté' un até ni tou.

2 Korintus 12:7

Taan wo ni aku zéi'kan maloozan pahpaan an zéi'kan kakuaan a méipapata'u ni Opo Empung wia ni aku, ni aku é nimakailek u saki. U saki itii nimangun ni aku in totoz zézéha, niitu én tanu u susulah witu un touku méiwéhémé ni tonaas né sétang wia ni aku wo ni aku zéi'kan maloozan.

1 Timutius 3:7

U ngaranna é léwo'zéi' wangun im wia sé tou lakez. Pahpaan sa zéi'kan téntu ni sia é séro'an né tou a sia kumiitla un towo ni tonaas né sétang i mangun a singkéla'.

1 Timutius 6:4

si tou itii é loozan, mahwangu-wangun i mata'u taan un ulitna ni sia én zéi'kan siapa kata'uan. U sakina ém paaz uman i mahzéi-zéi'an wo mahéndo-éndoan karia né tou walina, mahwangun sé tou in tuméutéu, mahwangun sé tou makahkoro', mahtawuruk, tahlous megenang léwo' tumoro sé tou walina,

2 Timutius 3:4

Ni séra ém paaz mahayo sé kakaria wia sé kakoro', potot pakahgena-genang, mahwangu-wangun mata'u, mahkiit uman u lelo léwo' un awak in esa wo zéi'kan mahkiit um paaz ni Opo Empung.

1 Petrus 2:2

Tanumokan si taré itoumé si sekezé é mekisusu, ni kamu kangkasii é léwo'zéi' im paaz un uli-ulit Nuwu' ni Opo Empung um witi kasendukan a méyé. Pahpaan karia in téntu ni kamu é mahtou wo ipiloté im witu un ukuman wana a singkéla'.

1 Petrus 5:5

Téntu kangkasii ni kamu im weru tou é léwo'zéi' i mahtali-talingala wia sé tu'a. Wo ni kamu péléng, irorosla un tou niou si esa wo si esa, pahpaan im witu um Pinantik Lenas é méipantik in téntii, “Si Opo Empung é makahkoro' wo sé tou wera', taan sé tou roros até én tambéran-Na ung kamang.”

2 Petrus 2:4

Pahpaan sé malaekat mahsingkéla' én zéi'kan niampungan ni Opo Empung. Ni séra é méilombo'-Nama witi naraka am buin witu un tuleng makaz witu un endo ni séra in totozen im wana am pahwangunen néra.

Yudas 1:6

Sé malaekat kangkasii sé simala' i nimaké ung kawasa méiwéhé wia ni séra an tumula'umé um pahwéha-wéhan néra é niapus-Na karia un aapus un zéi'kan mahwuka-wukala makaz ing kauré-uré, witu ung karimbengbengan witi lalem ung kaayahan makaz witu un endo wangko', in totozen ulit kaapa zéi'kan am pinahwangun néramé.