1 Timutius 3:2 - Taaz Weru Witu u Nunuwu'en Tombulu

² Niitumo, si tonaas né jamaat é léwo'zéi' in téntii: zéi'kan penuwu-nuwu'en né tou, makamahayo uman si esa, mata'u mahime-imek un touna, tulap, mahsigi' sé tou, paaz mahsungkul sé tou méyéma witi waléna, tulap i mahtuzu' sé tou,

1 Timutius 3:2 Iomraidhean Croise

Lukas 1:6

Sé sana séndé' kenu ung katou-touan néra é mahkiit ung kapaaz ni Opo Empung wo karia un ulit ni séra é mahkiit péléng am perénta wo an tinotoz ni Opo Empung.

Lukas 2:36

Wéwéhan si nabi wéwéné makangaran Hana. Ni sia én tu'amo. Si Hana kenu én oki' ni Fanuel si wia sé suzu ni Asyer. Pituna ta'uno ni sia ing kimawéng, a matéma si mahayona,

Roma 12:13

Sawangala am pemandungen né tou sé linenas ni Opo Empung wo sungkulela karia u mahpaa-paaz sé tou mento' witu um walému.

Filipi 2:15

Karia i mahwangun an téntu, ni kamu é mapailek i ni kamu én oki' ni Opo Empung sé zéi'kan siapa sinala' im wia sé tou léwo' wo méikalulu. Karia menou-nou im weresi wo zéi'kan siapa a sinala', ni kamu maéndo sena' wia ni séra, tanu u sena' né tototi'en i mahsena' wia ung kaayahan.

1 Timutius 3:12

Sé diaken kangkasii é léwo'zéi' makamahayo uman si esa, mata'u mahime-imek sé oki'na wo sé sana awuna karia im wangun.

1 Timutius 3:8

Téntu kangkasii sé diaken, ni séra é léwo'zéi' in tou lé'os sé pahsigi-sigi'en né tou, zéi'kan koliwiles, zéi'kan matetewelen, zéi'kan megena-genang uman an zoit,

1 Timutius 4:3

Ni séra é mahséro' sé tou in zéi'kan toro kumawéng, wo wéwéhan kasii ang kakanen sinéro' néra im pahkanen. Taan un ulitna péléng ang kakanen ém winangunomé ni Opo Empung in toro kanen. Sa sé tou ma'éman wia si Yesus wo mata'umo an tutuzu' ulit ni Opo Empung kuman niitu, un ipahpuu-puuna éng kumuapé'la u makasé wia si Opo Empung taré séra kuman ang kakanen itii.

1 Timutius 5:10

Wo kasii kata'uan né tou i ni sia é mahwangun a lé'os wia sé tou tanu ang kenu: sé oki'na ém piniaranamé lé'os, paaz mahsungkul si tou mento' witi waléna, mahwo'as un a'é né katuari esa pa'émanen, mahsawang sé tou witu ung kasusaan wo uli-ulit zéi'kan mazéi' i mahwangun péléng am wangun.

1 Timutius 5:22

Tia'mo tahlous rewek ko i zumeta' u lengen wia si tou i méhé wia ni sia um papaayangen i maayang wia si Opo Empung wo tia' ni ko ikarékén wana a singkéla' ni tou itii. Pahwéhanla genang un toumu, wo zéi'kan maéndo séséro'an né tou.

1 Timutius 5:9

Sé wéwéné mahesa-esamokan sé méikarékén wangun i makailek a sasawang né jamaat é: sé zéi'kan mawa'mé witu un enemna pulu' ta'un, makasa uman kimawéng.

2 Timutius 2:24

Si ata ni Mahpiara én zéi'kan toro mahkoro', taan ni sia é léwo'zéi' i lé'os im wia péléng sé tou, tulap i mahtuzu' wo ezen.

Titus 2:2

Sésaala sé tuama tu'amo wo séra mahime-imek un tou néra, pahsigi'en né tou, tulap, zéi'kan mazéi' i ma'éman, zéi'kan mazéi' rumaraaté si kasuat tou wo ezen witu un zézéha.

Ibrani 13:2

Tia'mo mahzua-zua genang i sumungkul sé tou mangémé witi walé niou. Pahpaan karia i nimangun un téntu, wéwéhan sé woopira tou, zéi'kan kata'uan néra i ni séra é simungkulola sé malaekat witi walé néra.

Ibrani 3:14

Pahpaan ni kita é nimaesamo karia ni Kristus in tou-Na, niitumo tio-tionan um pa'émanen um wiamo ni kita rengané ing kataré-taré i ma'émanla si Yesus makaz ing kamurian.

1 Petrus 4:7

Ung kaakazan ung kaayahan é lelezokan. Niitumo, pahimikela ung katou-touan niou wo tuméga-tégam, wo kamu toro uli-ulit i mengaléi.

1 Petrus 4:9

Pahsungkulela si tou mangémé witi walé niou karia in zéi'kan mema'o-ma'os.

1 Petrus 5:8

Ni kamu é léwo'zéi' i mile-ilek wo tuméga-tégam! Pahpaan si tonaas né sétang si kakoro' niou itii é melili-liklik menéro tou ing kalan, masuat wo si singa melili-liklik i menéro tou in tongko'en.