1 Timutius 3:15 - Taaz Weru Witu u Nunuwu'en Tombulu

¹⁵ wo zozo' ni aku ikauréma, kata'uannumo kura sé tou léwo'zéi' menou-nou i sana awu ni Opo Empung. Sé sana awu ni Opo Empung ém péléng sé jamaat sé anu ni Opo Empung si menou-nou. Sé jamaat kenumo sé nimaéndo to'tolan an tutuzu' ulit ni Opo Empung tanu an tombol wo an to'tolan u nimenté' um walé.

1 Timutius 3:15 Iomraidhean Croise

Matius 16:16

A mingkotla si Simon Petrus, “Ni Komo si Mesias, Oki' ni Opo Empung si menou-nou.”

Matius 18:18

Uli-ulit ikua-Kuma wia ni kamu: Apa a sinéro' niou im wia ung kaayahan, niitu kangkasii é sinéro' im witi kasendukan. Wo apa ang kuan nioula in ulit im wia ung kaayahan, niitu kangkasii én ulit im witi kasendukan.

Yohanes 1:17

Pahpaan un ukum Torat é méiwéhé mengiité si Musa, taan ung kamang tatambér wo ung kaulitan é méyé mengiité si Yesus Kristus.

Yohanes 14:6

Kuan ni Yesus wia ni sia, “Ni Akumo si lalan i mangé wia si Opo Empung wo mapata'u ung kaulitan tumoro si Opo Empung wo si mahwéhé ung katou-touan makaz ing kauré-uré. Zéi'kan siapa zozo' in esa si mangé wia si Ama' sa zéi'kan mengiité ni Aku.

Yohanes 18:37

Ang kuan ni Pilatus wia ni Sia, “Sa téntu, ni Ko ndéén éng Kolano?” A si Yesus mingkotla, “Ni ko si kimua i ni Aku éng Kolano. Pahpaano niitu a ni Aku itoumé wo niméyé wia ung kaayahan kenu, wo ni Aku toro kumua a niilek wo tinalinga-Ku tumoro ung kaulitan. Sé tou paaz ung kaulitan itii é mahtalinga ni Aku.”

Yohanes 6:69

wo ni kai é ma'émano wo mata'u i ni Komo Si Lenas wia si Opo Empung a méyé.”

Kisah Rasul-rasul 1:2

makaz un endo ni Sia i mawénéta nimangé witi kasendukan. Puunala niitu ni Sia é niméhé um perénta mengiité si Roh Lenas wia sé aatu sé pinéléng-Na.

Kisah Rasul-rasul 14:15

“É kamu péléng, kaa kamu mahwangun an téntu? Ni kai én tou uman masuat wo ni kamu. Ni kai i niméyé wia'i é mémahwoka' u Nuwu' Lé'os tumoro si Yesus wia ni kamu, wo kamu tumula'ula am pahwangunen niou an zéi'kan siapa torona kenu, wo méyé wia si Opo Empung si menou-nou. Ni Sia si nimangun u langit wo ung kaayahan, un tasik wo péléng am witu.

Roma 3:2

Im wana péléng am péléng é lakez, un ipahpuu-puuna ém pahpaan sé tou Yahudi itiimo sé tinarawésaan u Nuwu' ni Opo Empung.

Roma 9:26

Wo sé wana an tampa kinuaano, ‘Ni kamu én zéi'kan tou-Ku’, im wana ni séra é makuaan, ‘Sé oki' ni Opo Empung si menou-nou.’ ”

1 Korintus 10:32

Tia' ung katou-touan niou é nimaéndo watu pahkasangkilan né tou Yahudi kaapa né tou Yunani kaapa né jamaat ni Opo Empung.

1 Korintus 3:16

Zéi'kan kata'uan niou wé i ni kamu ém Walé ni Opo Empung wo si Roh ni Opo Empung é mahento' wia ni kamu.

2 Korintus 3:3

Ung katou-touan niou am wangun itii ém wua'na am pinaayang nai, un tanumokan pinantik ni Kristus. I nimantik niitu én zéi'kan karia un tinta, taan karia ni Roh ni Opo Empung si menou-nou. Zéi'kan méipantik wana am watu taan witu un até né tou.

2 Korintus 6:16

Apa u masuat um witu um Walé ni Opo Empung wo um witu um walé né opo-opo? Ni kita i ma'éman ém Walé ni Opo Empung. Niitu én tanu u méipantik witu um Pinantik Lenas, in téntii, “Ni Aku é mamento' karia néra, wo menou-nou karia néra, wo ni Aku é maéndo Opo Empung néra, wo ni séra é maéndo tou-Ku.

2 Korintus 6:7

Ni kai é mahtuzu' uman an ulit karia ung kawasa ni Opo Empung. Un ulit pahwangunen nai niitu masuat wo u nimaéndo ipahkoro' i mahsaru sé tou kaapa ing kumelung un tou nai.

Galatia 2:9

I nimilekola ung kamang méitambéré ni Opo Empung wia ni aku, si Yakobus, si Petrus wo si Yohanes sé pahkuan in tonaas ipahpuu-puuna né jamaat, nimaayoala lengen kariaku wo karia ni Barnabas, niitu un tumuzu'mé i ni kai é nimaesaano. Um pinaesaan nai é, ni kai mahwoka' u Nuwu' Lé'os tumoro si Yesus wia sé tou zéi'kan Yahudi wo ni séra é mahwoka u Nuwu' Lé'os tumoro si Yesus wia sé tou Yahudi.

Galatia 3:1

É kamu tou ma'éman witi Galatia sé lemou! Séi si rimiarala ni kamu taka-takazan ni kamu én timamburimola wia si Yesus Kristus? Zéi'kankuaa méipapata'ukumola lumé'o-lé'os wia ni kamu tumoro si Yesus Kristus si nimaté witu u salip itii?

Efesus 4:21

Pahpaan ni kamu én timalingamo an tumoro ni Sia wo ni kamu i mahkii-kiit ni Sia én tinuzu'mo karia an tutuzu' ulit tumoro si Yesus Kristus.

Kolose 1:5

Ni kamu é ma'éman wo rumaraaté, pahpaan ni kamu é mahéré'la u niimeko ni Opo Empung wia ni kamu witi kasendukan. Um pahéré'an itii én tinalinga niouo witu u Nuwu' kaulitan, niitumo u Nuwu' Lé'os tumoro si Yesus,

1 Tesalonika 1:9

Pahpaan ni sérakan sé simiritala kura kamu i simungkul ni kai wo kura kamu in timula'u sé opo-opo a menéro si Opo Empung si menou-nou wo ulit, i maayang wia ni Sia.

1 Timutius 3:14

Ni aku mahéré'la in zéi'mo uré é mahilekano kariamu. Zozo' in téntu, ni aku é méhépé'ma um pinantikku kenu wia ni ko,

1 Timutius 3:16

Totoz ulit an tutuzu' ulit ni Opo Empung é mémoipapailek-Na witu um pa'émanenta karia ung kawangko'an-Na: “Ni Sia é nimapailek un tou-Na tanu in tou uman, kinua in ulit ni Roh ni Opo Empung wo nimapailek un tou-Na wia sé malaekat. Tumoro ni Sia é méiwoka' wia péléng sé tahsasana wanua. Ni Sia ém pa'émanen im wia ung kaayahan wo winénéta mangé witi kasendukan karia u sigi' wo looz.”

1 Timutius 3:2

Niitumo, si tonaas né jamaat é léwo'zéi' in téntii: zéi'kan penuwu-nuwu'en né tou, makamahayo uman si esa, mata'u mahime-imek un touna, tulap, mahsigi' sé tou, paaz mahsungkul sé tou méyéma witi waléna, tulap i mahtuzu' sé tou,

1 Timutius 3:5

Pahpaan sa sia zéi'kan mata'u mahime-imek sé sana awuna karia im wangun, kura sia i mimek sé jamaat ni Opo Empung?

1 Timutius 4:10

Pahpaano niitu ni kita mahtututu' wo ma'ulit i mahpaayang, pahpaan ni kita niméré' uman wia si Opo Empung si Menou-nou, si nimilot péléng sé tou im witu un ukuman wana a singkéla', sé pahpuu-puuna é sé tou ma'éman wia ni Sia.

1 Timutius 6:16

Ni Sia uman si zéi'kan kinala um patéan, menou-nou witu un ayah un zéi'kan mata'u kalelezan. Zéi'kan siapa tou si nimileko ni Sia wo un ulitna én zéi'kan siapa si tou toro milek ni Sia. Péléng a sisigi'an wo ang kawasa ém wia ni Sia uman makaz ing kauré-uré. Amin.

2 Timutius 2:19

Taan un to'tolan winangun ni Opo Empung én totoz enté', witu um wawona ém pinantikan téntii, “Si Mahpiara én totoz mata'u sé tou anu-Na” wo “Péléng sé tou mahkua i ni sia én anu ni Mahpiara é léwo'zéi' in tumula'ula a léwo'an.”

2 Timutius 2:20

Witu um walé tua'na én zéi'kan uman wéwéhan am pakakas a mas wo am péra' am wangunen, taan wéwéhan kangkasii ang kai kaapa tana' am wangunen. A mas wo am péra' am wangunen ém pemamakén witu un endo wangko' wo ang kai wo tana' am wangunen ém pemamakén wana an endo kanaramen.

Ibrani 10:21

Si Yesus ém Walian Wangko'ta si maéndo tonaas witi Walé ni Opo Empung.

Ibrani 12:22

Taan ni kamu é niméyémo wia ung kentur Sion, witi wanua tua'na ni Opo Empung si menou-nou, niitumo u Yerusalem witi kasendukan wo mahilekan karia né mariwu-riwu malaekat sé nimaréwok i mahpaa-paaz.

Ibrani 3:12

Niitumo katuari-katuari, mile-ilek én taa im wia ni kamu ém wéwéhan zozo' in esa si makaaté u léwo'an wo soo ma'éman taka-takazan nimangun ni sia kimana' i mahtali-talinga wia si Opo Empung si menou-nou.

Ibrani 9:14

apapé' kasii un zaha' ni Kristus mengiité ung kawasa ni Roh Lenas si makaz ing kauré-uré é méiwéhé-Na in esa wia si Opo Empung i maéndo raragés zéi'kan siapa pahséro'an. Un zaha' ni Kristus itii u mangun un atéta weresi im wana am pemangu-mangunen an zéi'kan siapa torona, wo kita toro lumooz wo maayang wia si Opo Empung si menou-nou.

1 Petrus 2:5

Ni kamu é masuat wo um watu menou-nou u niéndo ni Opo Empung im wangunen Walé-Na Lenas. Karia in téntu ni kamu é nimaéndo walian linenas ni Opo Empung i mahali ung katou-touan in iragés wia si Opo Empung. Si Opo Empung ém paaz méndo a raragés niou pahpaan am winanguno ni Yesus Kristus wia ni kita.

1 Petrus 4:17

Pahpaan in tarékan én orasnamo si Opo Empung in tumotoz ulit kaapa zéi'kan am pahwangunen né tou, wo sé kataré-taré totozen-Na é sé tou-Na in esa. Sa Sia in tumotoz éng kumataréma wia ni kita in tou-Na, kura rékén u mamuali wia sé tou soo ma'éman u Nuwu' Lé'os ni Opo Empung?

Wahyu 7:2

An ilekengkuma si esa malaekat walina nimondolé witi pahondolané ni endo. Si malaekat itii é mahali-ali un ipahtanda anu ni Opo Empung si menou-nou. A si malaekat itii kuméréta wia sé malaekat epat sé winéhano ung kawasa i luméwo' un tana' wo un tasik,