1 Timutius 3:1 - Taaz Weru Witu u Nunuwu'en Tombulu

¹ Totoz ulit ung kukuan kenu, “Si tou paaz maéndo tonaas né jamaat, ni sia é megena-genang um paayangen totoz wangun.”

1 Timutius 3:1 Iomraidhean Croise

Lukas 15:10

Ni Aku kumuama wia ni kamu, téntu kangkasii sé malaekat ni Opo Empung sé witi kasendukan é mahpaa-paaz pahpaan wéwéhan si tou mahsingkéla' timula'u a singkéla'na.”

Kisah Rasul-rasul 1:20

A si Petrus kumua kasiima, “Witu ung kitap Mazmur é méipantik in téntii, ‘Iwayamola um pahwéha-wéhanna im pene-penesa, wo zéi'kan siapa tou si mahento' witu.’ Wo kasii wéwéhan u méipantik in téntii, ‘Iwayamola um paayangenna in éndona né tou walina.’

Kisah Rasul-rasul 20:28

Niitumo, mile-ilek wo pahilekela péléng sé jamaat. Pahpaan ni kamumo sé tinotoz ni Roh Lenas in tumatér sé jamaat ni Opo Empung i miara ni séra. Ni séra nimaéndo jamaat-Na pahpaan ni séra ém winaér-Namo karia un zaha' ni Oki'-Na.

Roma 11:13

In tarékan, ni aku éng kumuama wia sé tou zéi'kan Yahudi i ni aku én aatu ni Kristus wia sé tou zéi'kan Yahudi. Ni aku mahtututu' um paayangengku toro pahloo-loozengku.

Efesus 4:12

Si Kristus timambér wia ni séra u makawawa i maayang wia sé tou linenas ni Opo Empung, wo séra makawawa i maayang wia si Opo Empung wo toro mahsawa-sawangan i mahenté' um pa'émanen néra in awak ni Kristus,

Filipi 1:1

Um pinantik kenu ém wia ni aku Paulus wo si Timotius a mangé. Ni kai én ata ni Kristus Yesus. Um pinantik kenu én iwéhé wia sé tou linenas ni Opo Empung pahpaan nimaesa karia ni Kristus Yesus sé witi Filipi wo wia sé tonaas né jamaat wo wia sé diaken.

1 Tesalonika 5:14

Katuari-katuari, pahaléien nai kasii wia ni kamu im pahnuwu'ala lé'os sé tou soo maayang, enté'ela un até né tou maindé', pahsawangala sé tou wangun i sawangan wo mezenla im wia péléng sé tou.

1 Timutius 1:15

A nuwu' kenu én ulit wo uli-ulit toro pa'émanen: “Si Kristus Yesus i niméyé wia ung kaayahan kenu é mémilot sé tou im witu un ukuman wana a singkéla'.” Wo im wia sé tou nimangun a singkéla', ni akumo si totoz lakez a singkéla'.

1 Timutius 4:9

Péléng a méikuama itii én ulit wo wangun im pahkiiten.

2 Timutius 2:11

Totoz ulit a méikua kenu, “Sa kita maté karia-Na, ni kita kangkasii é menou-nou karia-Na.

Titus 1:7

Si tonaas né jamaat é mahimek um walé ni Opo Empung, niitumo ni sia é léwo'zéi' in zéi'kan siapa pahséro'an, zéi'kan wera', zéi'kan raranguan, zéi'kan matetewelen, zéi'kan tangkoro'en wo zéi'kan uman megena-genang an zoit,

Titus 3:8

Péléng a méikuakuma kenu én ulit wo kapaazku péléng niitu én uli-ulit ikuala, wo sé tou ma'émano wia si Opo Empung én uli-ulit mahtututu' i mahpaayang am paayangen wangun. Nianamo a lé'os wo wéwéhan torona wia sé tou.

Ibrani 12:15

Mile-ilekla wo zéi'kan siapa zozo' in esa im wia ni kamu si kinaliongan ung kamang tatambér ni Opo Empung. Pahpaan sa wéwéhan si téntu, ni sia é maéndo tanu tinanem melangu un toro lumangu sé tou lakez wo mangun sé tou lakez maléwo'.

1 Petrus 2:25

Pahpaan im puuna ni kamu é masuat wo sé domba méikalulu, taan in tarékan ni kamu é nimawurimomé sumaup wia si Opo Empung, si memimiara sé domba wo mahpiara si roh niou.

1 Petrus 4:15

Tia' im wia ni kamu ém wéwéhan sé totoz nimazézéha pahpaan i nimunu'la tou kaapa rimemu' kaapa tou léwo' kaapa paaz i mahrikoka' sé tou.

1 Petrus 5:2

Piarala sé domba ni Opo Empung sé wia ni kamu. Tia' karia in totoz pahlusun, taan karia u mahpaa-paaz tanu ung kapaaz ni Opo Empung. Tia' menéro-néro uman ang kauntungan, taan iwéhéla un tou niou in uli-ulit mahsawang.