1 Timutius 2:6 - Taaz Weru Witu u Nunuwu'en Tombulu

⁶ Ni Sia niméhémo un tou-Na in tumubus péléng sé tou. Niitu un tumuzu'mé un endo tinotoz ni Opo Empung.

1 Timutius 2:6 Iomraidhean Croise

Matius 20:28

Téntu kangkasii si Oki' ni Tou i méyé én zéi'kan i selewiren, taan i mésumelewir wo i mayo ung katou-touan-Na in tumubus a singkéla' né tou lakez.”

Markus 1:15

kuan-Na, “Un oras tinotoz ni Opo Empung én tarékano, ung Kakolanoan ni Opo Empung é lelezokan. Niitumo, itula'umola a singkéla' wo ma'émanola u Nuwu' Lé'os ni Opo Empung.”

Markus 10:45

Pahpaan si Oki' ni Tou i niméyé én zéi'kan i selewiren, taan ni Sia i niméyé é mésumelewir wo i mayo ung katou-touan-Na in tumubus a singkéla' né tou lakez.”

Yohanes 10:15

tanu si Ama' mata'u ni Aku wo ni Aku mata'u si Ama', wo ni Aku mahwéhé ung katou-touang-Ku, wo sé domba-Ku toro menou-nou.

Yohanes 6:51

Ni Akumo u roti mahwéhé ung katou-touan um witi kasendukan an tumumpamé. Sa wéwéhan si tou kumana u roti kenu é mamenou-nou makaz ing kauré-uré. U roti iwéhé-Ku én awak-Ku, u maiwéhé-Ku wo sé tou wia ung kaayahan kenu mamenou-nou.”

Roma 16:26

In tarékan witu um perénta ni Opo Empung si makaz ing kauré-uré, u méikawunipé' itii é mémoipahwoka' wana a méipantik né nabi wia péléng sé tahsasana wanua i mahkit ni séra i mahtali-talinga wia si Opo Empung si pa'émanen néra.

Roma 5:6

I ni kita zéi'kan makawawa i mapapilot un touta in esa im witu un ukuman pahpaan a singkéla', si Kristus nimaté pahpaan ni kita mahsingkéla', witu un oras tinotozo ni Opo Empung.

1 Korintus 1:6

Niitu un tumuzu'mé a méipahwoka'ku wia ni kamu tumoro si Kristus én totozo kata'uan niou.

2 Korintus 5:21

Si Kristus én zéi'kan nimahwangu-wangunla a singkéla', taan winangun ni Opo Empung, si Kristus masaan a singkéla' winangunta. Téntu um winangun ni Opo Empung wia si Kristus, wo séi uman si ma'éman wia si Kristus, si tou itii én éndon ulit ni Opo Empung witu u sinaru-Na.

Galatia 1:4

Karia um paaz ni Opo Empung si Ama'ta, si Yesus Kristus nimayo un tou-Na in tumubus ni kita im wana a singkéla' pahwangunenta wo milot ni kita im wia ung kaayahan léwo' kenu in tarékan.

Galatia 4:4

Taan sa méikaayomola witu un orasna, si Opo Empung matumé si Oki'-Na si méitoumé ni raraha wo si Koki' itii é menou-nou mahkiit un ukum Torat.

Efesus 1:17

Ni aku mahaléi wia si Opo Empung si Ama' ni Yesus Kristus Mahpiarata, si pahloozen wo pahsigi'en itii i méhémé wia ni kamu si Roh-Na, si nimangun ni kamu matulap wo si Roh si matumuzu' tumoro si Opo Empung, wo ni kamu karia in ulit mata'u tumoro ni Sia.

Efesus 1:7

Pahpaan mengiité si Yesus ni kita én tinubus im wana a singkéla' karia un zaha'-Na. Ni kita winéhan un ampungan im wana a singkéla' mengiit ung kamang méitambér-Na an totoz lakez.

Efesus 3:5

un im puuna én zéi'kan méipahkua-kuala wia sé tou taan in tarékan é méikuamo ni Roh ni Opo Empung wia sé aatu wo wia sé nabi-Na, sé linenas ni Opo Empung.

Efesus 5:2

wo menou-noula karia i mahraa-raatéan tanu si Kristus Yesus rimaraatémo ni kamu. Ni Sia nimayomo un tou-Na wia ni kita, nimaté witu u salip i maéndo tanu u raragés wo sé tatamun kineriz in ipahragés a mahwou tariis, u nimangun un até ni Opo Empung mahpaa-paaz.

2 Tesalonika 1:10

Péléng niitu é mamuali witu un endo i ni Sia méyé sumaup. Ni Sia é loozen wo sigi'en né tou lenas wo sigi'en péléng né tou ma'éman. Ni kamu kangkasii é méikauntep wia sé tou lenas itii, pahpaan ni kamu é nima'émanola an tutuzu' méipahtuzu' nai wia ni kamu.

1 Timutius 6:15

witu un endo totozen ni Opo Empung. Ni Sia uman si Mahkawasa wo mawuta-wuta ung kamang, Kolano péléng né kolano wo Tuang péléng né tuang.

2 Timutius 1:8

Niitumo, tia'mo maizang i mahkua an tinalinga wo niilekmu tumoro si Mahpiarata. Téntu kangkasii, tia'mo maizang tumoro ni aku im binui pahpaan ni Sia. Taantaré, karia ung ketez méiwéhémé ni Opo Empung, ni ko kangkasii é mazézéhala pahpaan mahkua u Nuwu' Lé'os tumoro ni Sia.

Titus 1:3

Im witu un oras tinotoz-Na, ni Sia nimapaileko u Nuwu'-Na mengiité u Nuwu' Lé'os tumoro si Yesus u méitarawésa in iwoka'ku mengiit um perénta ni Opo Empung, si nimilot ni kita im witu un ukuman wana a singkéla'.

Titus 2:14

Ni Sia é nimayomola un tou-Na i milot ni kita im wana péléng a léwo'an wo mangun ni kita maéndo tou lenas wo maéndo tou-Na sé zéi'kan mazéi' mahlé'os am wangun.

Ibrani 9:12

Ni Sia é nimuntepo witi Tampa Totoz Lenas, makasa uman makaz ing kauré-uré. Ni Sia i nimuntep witu én zéi'kan nimahalima un zaha' ni kambing tuama wo un zaha' ni sapi oki', taan ni Sia nimuntep witu nimahalima un zaha'-Na in esa. Karia in téntu, méipilot-Na kita im witu un ukuman wana a singkéla'ta makaz ing kauré-uré.

1 Petrus 2:24

Ni Sia nimasaan a singkéla'ta karia un tou-Na in esa, i ni Sia nimaté witu u salip. Karia in téntu, ni kita sé nimatémo wana a singkéla'ta én toro ikapiloté im witu ung kawasa a singkéla'ta i menou-nou mahkiit ung kapaaz ni Opo Empung. Wo pahpaan am péla'-Na ni kita é nimalé'os.

1 Petrus 3:18

Pahpaan si Kristus kangkasii é nimaté makasa uman in ziméi' a singkéla'ta. Ni Sia si mahwangun an ulit é nimaté in timubus sé tou mahwangun an zéi'kan ulit, wo kita toro ipahwali-Na wia si Opo Empung. Ni Sia ém winunu' i ni Sia in tou uman, taan ni Sia é méitoumé sumaup ni Roh Lenas im wia sé nimaté.

1 Yohanes 4:10

Ung kenumo u raraaté itii: Zéi'kan ni kita sé rimaraatémo si Opo Empung, taan si Opo Empung si rimaraatémo ni kita wo nimatu si Oki'-Na in zuméi' a singkéla' pahlé'osenta.

Wahyu 1:5

wo um wia si Yesus Kristus si toro pa'émanen i mahkua ang kata'uan-Na tumoro si Opo Empung. Ni Sia si kataré-taré méitoumé sumaup im wia sé nimaté. Wo ni Sia kasii si mahkawasa im wia sé kolano wia ung kaayahan kenu. Ni Sia é rumaraaté ni kita wo nimilot ni kita im wana a singkéla'ta karia un zaha'-Na,

Wahyu 5:9

A sé epat tumou-tou wo sé zuana pulu' wo epat pahtutu'an kumantaré ung kakantaren weru. Kuan néra, “Ni Ko si wangun i makailek ung kitap ginulung itii, wo muka a segelna; pahpaan ni Ko si Anak ni Domba éng kinerizo, wo karia un zaha'-Mu sé tou wia ung kaayahan ém winaér-Mumo im wia sé tahsasana suzu, sé tahsasana nunuwu'en, sé tahsasana réwok mahtuari wo wia sé tahsasana wanua i maéndo anu ni Opo Empung.