1 Timutius 2:10 - Taaz Weru Witu u Nunuwu'en Tombulu

¹⁰ Taan tawimo sé wéwéné itii mahwawangunla un tou néra karia i mahwangun am wangun. Téntu um wangun im pahwangunen né wéwéné sé uli-ulit mahragés wia si Opo Empung.

1 Timutius 2:10 Iomraidhean Croise

Kisah Rasul-rasul 9:36

Im witi Yope, wéwéhan si wéwéné ma'éman si Yesus makangaran Tabita. (Im witu u nunuwu'en Yunani u ngaranna én Dorkas). Ni sia é makalakez mahwangun a lé'os wo meméméhé a sasawang.

Kisah Rasul-rasul 9:39

Timalingala niitu, a si Petrus rengan nimimekla a mangé karia néra witi Yope. I méikaayomoma wana, a sia ipahwali nérama witi welah atas. Péléng sé wéwéné mahesa-esamokan é marimété si Petrus. Karia i mahamé' ipapailek nérala wia ni sia péléng ang karai wo ang karai tonton am winilit ni Dorkas i ni sia memali-malipé' karia néra.

Efesus 2:10

Pahpaan ni kita ém winangun ni Opo Empung mengiité si Kristus Yesus, i maayang am wangun a niimeko ni Opo Empung im puuna, wo kita toro menou-nou karia i memangu-mangun a lé'os.

1 Timutius 2:11

Sé wéwéné é léwo'zéi' i makapenes wo mahtali-talinga i mahkaileké an tutuzu'.

1 Timutius 2:9

Téntu kangkasii sé wéwéné. Kapaazku ni séra éng kimarai am wangun ing karaien, zéi'kan kaizangnokané wo zéi'kan tahlouso. Um wuuk néra én zéi'kan niayam, zéi'kan nimaké a mas kaapa mutiara, kaapa kimarai ang karai mahal.

Titus 2:14

Ni Sia é nimayomola un tou-Na i milot ni kita im wana péléng a léwo'an wo mangun ni kita maéndo tou lenas wo maéndo tou-Na sé zéi'kan mazéi' mahlé'os am wangun.

Titus 3:8

Péléng a méikuakuma kenu én ulit wo kapaazku péléng niitu én uli-ulit ikuala, wo sé tou ma'émano wia si Opo Empung én uli-ulit mahtututu' i mahpaayang am paayangen wangun. Nianamo a lé'os wo wéwéhan torona wia sé tou.

1 Petrus 2:12

Wangu-wangunen ung katou-touan niou im witu u saru-sarun né tou zéi'kan mata'u si Opo Empung, wo zozo' ni kamu ém pahkuan né tou itii in tou léwo', taan witu un endo si Opo Empung i méyé, ni séra é malumooz wo sumigi' ni Sia, pahpaan ni séra é mahilek am pahwangunen niou an totoz wangun.

2 Petrus 3:11

Sa péléng niana é maapu tanu niitu, kura ung katou-touan niou? Tantumo, ni kamu i menou-nou é léwo'zéi' i lenas wo mahkiit uman ung kapaaz ni Opo Empung.

Wahyu 2:19

Kata'uang-Ku péléng am pinaayang niou: U raraaté niou wo kasii um pa'émanen niou, um paayangen niou wo ung kaezenan niou im wana an zézéha. Kata'uang-Ku am pinaayang niou in tarékan é lumouspé'mé am pinaayang niou im puuna in taré ma'émanla wia ni Aku.