1 Timutius 2:1 - Taaz Weru Witu u Nunuwu'en Tombulu

¹ Um puuna isésakuma én téntii: Ipapaayola um pengaléiennu wia si Opo Empung, mahaléila wia si Opo Empung tumoro am pemandungennu, ipengaléila sé tou walina wo kumuala u makasé wia si Opo Empung pahpaan um winangun-Na wia péléng sé tou.

1 Timutius 2:1 Iomraidhean Croise

Kisah Rasul-rasul 17:30

Si Opo Empung én zéi'mo gimenang ung kalemouan né tou im puuna. In tarékan péléng sé tou ém pinerénta ni Opo Empung i léwo'zéi' tumula'ula a singkéla' wo kumiit ni Sia.

Roma 1:8

Kataré-taré ni aku éng kumuama u makasé wia si Opo Empungku karia u ngaran ni Yesus Kristus pahpaan ni kamu péléng. Pahpaan péléng sé tou, wisa uman ni séra é mahsirita tumoro um pa'émanen niou.

Roma 6:17

Ni aku é mapaayo u makasé wia si Opo Empung! Pahpaan im puuna ni kamu én ata a singkéla', taan in tarékan ni kamu én uli-ulit mahkiit an tutuzu' méiwéhémo wia ni kamu.

1 Korintus 15:3

Pahpaan un totoz ipahpuu-puuna ung kinailekangku é mémoipapaayokuma wia ni kamu, i si Kristus é nimatémo pahpaan a singkéla' pahwangunenta. Niitu é mémoipantik witu um Pinantik Lenas,

2 Korintus 8:6

Pahpaano niitu, si Titus pahlusun nai mangé wia ni kamu i sumampet um paayangenna um wangun u méito'tolnama i mahsawang ni kamu mahréwok an zoit sasawang makaz niana nimaréwok.

Efesus 3:13

Niitumo, pahaléiengku wia ni kamu in tia' ni kamu zéi'mo siapa pahéré'an in timalingama ni aku nimazéha pahpaan mahwoka' u Nuwu' Lé'os tumoro si Yesus wia ni kamu. Pahpaan an zézéha pinendankumé itii é mangun ni kamu toro mahloo-looz karia ni Yesus Kristus.

Efesus 5:20

Apa uman u nimamuali wia ni kamu sekezé é mapaayola u makasé wia si Opo Empung si Ama'ta witu u ngaran ni Yesus Kristus Mahpiarata.

Efesus 6:18

Wangunenola niana péléng karia i mengaléi wia si Opo Empung i sumawang ni kamu. Mengaléila karia ung kawasa ni Roh Lenas sekez in endo, tuméga-tégam wo tia' mahkana' i mengaléi. Tuméga-tégam i mengaléi wo tia'mo mazéi' i mahpengaléi sé tou linenas ni Opo Empung.

Filipi 1:3

Sekez aku ikagenanga ni kamu, ni aku éng kumua u makasé wia si Opo Empungku.

Filipi 4:6

Tia'mo tahlous maindé' tumoro am péléng. Taan im wana péléng am péléng, mengaléila wo ipapaayola péléng am pemandungen niou wo am pahaléien niou wia si Opo Empung karia i mahkua u makasé.

1 Tesalonika 3:12

Mengalé-ngaléi uman si Mahpiara é mangun ni kamu kalousna i mahraa-raatéan wo kasii kalousna i rumaraaté sé tou walina, tanu u raraatéan nai wia ni kamu.

2 Tesalonika 1:3

Katuari-katuari, pahpaan ni kamu ni kai sekezé é léwo'zéi' ing kumua u makasé wia si Opo Empung. Ni kai é léwo'zéi' i mahwangun un téntu pahpaan ni kamu éng kalousnamo i ma'éman wia si Yesus wo ni kamu si esa wo sé walina éng kalousnamo i mahraa-raatéan,

1 Timutius 2:4

Kapaaz-Na péléng sé tou én ipilot im witu un ukuman itii wo mata'u an tutuzu' ulit.

1 Timutius 5:5

Si wéwéné mahesa-esamokan, si uli-ulit menou-nou mengesa-ngesamokan wo zéi'kan siapa koki' kaapa puyun, ni sia é niméré' uman wia si Opo Empung. Endo wo wengi ni sia é mengaléi wo mekisawang wia si Opo Empung.

2 Timutius 2:24

Si ata ni Mahpiara én zéi'kan toro mahkoro', taan ni sia é léwo'zéi' i lé'os im wia péléng sé tou, tulap i mahtuzu' wo ezen.

Titus 2:11

Pahpaan si Opo Empung é nimapailekoma ung kamang méitambér-Na i nimilot péléng sé tou im witu un ukuman wana a singkéla'.

Titus 3:2

Ni séra kasii én zéi'kan toro mahtawuruk, zéi'kan toro mahéndo-éndoan. Ni séra é léwo'zéi' in eluz uman wo roros até wia péléng sé tou.

Ibrani 6:11

Taan un ikapaaz nai, ni kamu si esa wo si esa én uli-ulit i mahraa-raatéan makaz ni kamu ing kalekepala, wo am pengéré-ngéré'en niou é makailekan niou.

Yakobus 5:16

Pahpaano niitu, si esa wo si esa é léwo'zéi' i makaulitla a singkéla'na wo pahpengaléila si esa im wia sé walina, wo kamu malé'os. Um pengaléien né tou ulit én totoz wangko' ung kawasana wo wéwéhan wua'na.