1 Timutius 1:9 - Taaz Weru Witu u Nunuwu'en Tombulu

⁹ Pahpaan kata'uanta un ukum Torat itii én zéi'kan méiwéhé wia sé tou mahwangun an ulit, taan iwéhé wia sé tou mahsaru si Opo Empung wo sé soo mahtali-talinga ni Sia, sé soo mahkiit um paaz-Na wo sé mahsingkéla', sé zéi'kan siapa pa'émanen wo sé megena-genang uman am wia ung kaayahan, mahwunu' si ama' wo si ina' wo sé mahwunu' sé kasuat tou,

1 Timutius 1:9 Iomraidhean Croise

Matius 10:21

Wo in tumondong é mamuali, si tou é mayo si katuarina im wunu'en, téntu kangkasii si ama' wia sé oki'na. Sé koki' é masumaru sé tu'a néra wo munu' ni séra.

Roma 1:30

Ni séra kangkasii é mahwuwuul u ngaran né tou walina, mazi'zis si Opo Empung, tasalouen, wera', loozan, tulap i mahwangun a léwo'an, zéi'kan mahtali-talinga sé tu'a,

Roma 4:13

Si Opo Empung é niméhé un taaz wia si Abraham karia né suzuna i ni séra é makailek ung kaayahan. Ni Sia én timaaza un téntu, zéi'kan pahpaan si Abraham mahkiit un ukum Torat, taan niéndo ulit pahpaan um pa'émanenna wia si Opo Empung.

Roma 5:20

Si Opo Empung niméhémé un ukum Torat wo kata'uala né tou ing kalakeznamo a singkéla' né tou. Taan zozo' ing kalakezna a singkéla', ung kamang méitambér-Na kangkasii éng kalakezna.

Roma 6:14

A singkéla' én zéi'mo kumawasa ni kamu, pahpaan ung katou-touan niou én zéi'mo pahata-atan un ukum Torat, taan méipilotomé pahpaan ung kamang tatambér ni Opo Empung.

Galatia 3:19

Sa téntu, apa wé un torona un ukum Torat i méiwéhémé? Un ukum Torat é méiawes i mapata'u wia sé tou a singkéla' pahmualin néra. Un ukum Torat itii ém pahpakén akaz uman i méyé si suzu ni Abraham si méikua witu un taaz ni Opo Empung wia si Abraham. Un ukum Torat itii é méikua né malaekat mengiité si Musa wia sé tou Israel.

Galatia 5:18

Taan sa si Roh Lenas si mahahkit ung katou-touan niou, ni kamu én zéi'mo mahkiit un ukum Torat.

Galatia 5:21

soo milek sé tou walina mahpaa-paaz, matetewelen, memésta-mésta uman wo am walina. Tumoro niitu péléng, ni aku é mapagenanga wia ni kamu in tarékan tanu u méipapagenangku im puuna: séi uman sé mahwangun an téntu én zéi'kan makailek wéwéténgan witi Kakolanoan ni Opo Empung.

Galatia 5:23

eluz wo makawawa ing kumawasa witu un tou in esa. Zéi'kan siapa un ukum toro mapahsasala' niana.

2 Tesalonika 2:8

in toro niitumokan taré si tou totoz léwo' itii mapailek un touna. Taan i si Yesus Mahpiara méyé sumaup, ni Sia é sumengo umana si tou totoz léwo' itii i munu' ni sia wo karia ung kawangko'an ung kawasa-Na, ni Sia é luméwo' si tou totoz léwo' itii.

1 Timutius 4:7

Tia'mo mahrété wia sé tou sé meninirita a sirita mahlululu uman wo zéi'kan siapa torona. Taan naramela un toumu i menou-nou mahragés wia si Opo Empung.

1 Timutius 6:20

Timotius, pahilekela lé'os péléng a mémoitarawésa wia ni ko. Tia' mahkii-kiit i mahsirita an zéi'kan siapa torona wo an zéi'kan mahsigi' si Opo Empung wo a mahzéi-zéi'an tumoro ang kata'uan,

2 Timutius 2:16

Taan ma'katla im wana a nuwu' zéi'kan siapa torona wo mahséro' wia si Opo Empung, u mahwangun uman sé tou in zéi'kan pandung wia si Opo Empung.

2 Timutius 3:2

Sé tou é mahgenang uman un touna in esa wo nimaéndo ata an zoit. Ni séra i mahnuwu' é mahrakék un tou néra wo loozan, mahkua a léwo'an tumoro si kasuat tou wo mahsasarumokan sé tu'a, soo kumua u makasé wo zéi'mo pandung witu um pa'émanen,

Titus 1:10

Pahpaan in tarékan im wia sé jamaat é lakezo sé mahsasarumokan, kataré-taré é sé im wia sé tou Yahudi sé ma'émano taan mahkiitpé' an tinotoz im pahsunaten. Ni séra menuwu-nuwu' an towo i mahlululu sé tou.

Titus 1:16

Ni séra é mahkua i mata'u si Opo Empung, taan im wana am pemangu-mangunen néra, ni séra é mahkélong ni Sia. Sé tou itii én totoz makazi'zisen, zéi'kan mahtali-talinga wo zéi'mo makawawa i mangun am wangun.

Titus 1:6

Si tou maéndo penatua é léwo'zéi' in zéi'kan siapa pahséro'an, si mahayona én esa uman, sé oki'na é ma'éman wia si Yesus wo zéi'kan pahtawuruken né tou pahpaan zéi'kan ipahkua-kua i sangaya kaapa menou-nou zéi'kan kaimekan.

Titus 3:3

Pahpaan im puuna ni kita kangkasii é menou-nou witu ung kalemouan: zéi'kan mahtali-talinga, méikalulu, nimaéndo ata wana a lelo léwo' un awak wo a makapaazen meléwo' un tou, menou-nou mahwangun a léwo'an wo téutéu, ikazi'zis né tou wo mahzizi'zisan.

Ibrani 11:31

Pahpaan i ma'éman, si Rahab si wéwéné samek itii én zéi'kan winunu' mahwali-wali karia né tou zéi'kan mahtali-talinga si Opo Empung, pahpaan sinungkulna lé'os sé tou Israel sé mémahtata'u um witi wanua tua'na itii.

Ibrani 12:16

Tia' im wia ni kamu wéwéhan si samek wo zéi'kan mahrékén a méiwéhé ni Opo Empung tanu um pahwangunen ni Esau si nimangkér um wéténg anu ni oki' tu'a pahpaan uman u sana piring kakanen.

1 Petrus 2:7

Im wia ni kamu in tou ma'éman, um watu itii én totoz mahal. Taan im wia sé tou zéi'kan ma'éman, téntii u méipantik witu um Pinantik Lenas, “Um watu méitia' né memamangun am walé é nimaéndomola watu to'tolan totoz ipahpuu-puuna, wo kasii nimaéndo watu pahkasunduian wo watu pahkasangkilan.”

1 Petrus 3:20

Sé roh itii é roh né tou sé soo mahtali-talinga si Opo Empung im witu un oras ung katou-touan ni Nuh. In toro niitu si Opo Empung én ezen i ma'ento' sé tou in tumula'ula a singkéla' néra, karegas si Nuh i mahwangun u londéi tua'na. Taan toyo' uman sé tou nimuntep witu u londéi tua'na itii, ni séra ém walu uman sé tinulung ni Opo Empung im witu un ampuhan.

1 Petrus 4:18

Im witu um Pinantik Lenas é méipantik in téntii, “Sa sé tou ulit én tawi zéi'kan ipilot im witu un ukuman wana a singkéla' néra, kura u lamamuali wia sé tou zéi'kan pandung si Opo Empung wo mahsingkéla' wia ni Sia?”

Yudas 1:15

Ni Sia é métumotoz ulit kaapa zéi'kan am pinahwanguné né tou wo mémukum sé tou léwo' pahpaan a léwo'an pahmualin néra wo péléng a nuwu' zéi'kan wangun an ipahkua né tou mahsingkéla' itii wia si Opo Empung.”

Wahyu 21:8

Taan sé tou talo, sé zéi'kan ma'éman, sé mahwangun a makati'tiren, sé memumunu' tou, sé tou samek, sé meriara, sé mahongkot wo mahsigi' wia sé opo-opo wo péléng sé tantowo, ni séra péléng én ukumen iwerit witu un tasik api wo walélang melaya-layas. Ung kenumo um patéan kazua.”

Wahyu 22:15

Taan sé tou tanumokan sé asu wo sé meriara, sé samek, sé mahwunu' tou, sé mahongkot wo mahsigi' sé opo-opo, wo sé totoz paaz an towo wo mahwangun niana, zéi'kan toro muntep witu um wanua tua'na itii.