1 Timutius 1:3 - Taaz Weru Witu u Nunuwu'en Tombulu

³ I ni aku mahangémo witi Makedonia, ni ko én totoz pinahaléikula i mento'mola witi Efesus, wo ko toro suméro' sé mahtuzu' an tutuzu' zéi'kan ulit wo séra kumana' i mahtuzu' an tutuzu' itii.

1 Timutius 1:3 Iomraidhean Croise

Kisah Rasul-rasul 18:19

A séra ikaayola witi Efesus. Im witu, si Paulus én timula'umé si Priskila wo si Akwila. Si Paulus mengesama i nimuntepa witu um walé peraragésan né tou Yahudi a sumirita karia né tou Yahudi.

Kisah Rasul-rasul 18:21

Ni sia tumuzu'la i mangémo wo kimuama, “Sa kapaaz ni Opo Empung, ni aku é mawurimé sumaup wia'i.” A sia tumula'umé u Efesus.

Roma 15:26

Pahpaan sé tou ma'éman sé witi Makedonia wo Akhaya é nimaesaanola im wéwéhan un iwéhé nérama wia sé tou ma'éman zéi'kan siapa apa sé witi Yerusalem.

Roma 16:17

Katuari-katuariku, ni aku é sumésama wia ni kamu. Tuméga-tégam im wia sé paaz mangun ni kamu i mahéndo-éndoan wo sé mahléléwo' um pa'émanen niou wo mahtuzu' ni kamu in tia' mahkiit an tutuzu ulit am pinahtata'u niouo. Tia'mo mahkari-karia ni séra!

2 Korintus 11:4

Pahpaan ni kamu é mahéné uman i sumungkul séi uman sé mahwoka' tumoro si Yesus si zéi'kan masuat wo si méipahwoka' nai, kaapa si roh si zéi'kan masuat wo si Roh Lenas si sinungkul niou. Ni kamu kasii é mahéné uman i sumungkul u Nuwu' Lé'os tumoro si Yesus un zéi'kan masuat wo u méipahwoka' nai.

Efesus 4:14

Karia in téntu ni kita én zéi'mo tanu sé koki' sé mahkii-kiit uman an tutuzu' nimahwali-walinaan né menunuzu' towo. Niitu én tanumokan u sempa' pemolé-moléi u reges. Ni séra mahlululu uman karia an towo néra.

Filipi 2:24

Taan totoz pa'émanengku i si Mahpiara é sumawang ni aku wo ni aku zéi'mo uré é mangémo wia ni kamu.

1 Timutius 4:11

Péléng niana én ipahwoka'la wo ipahtuzu'mula wia sé tou.

1 Timutius 4:6

Timotius, niitu péléng én totoz in ipahtuzu'mula wia sé katuari esa pa'émanen, wo séra zéi'kan kumiit an tutuzu' zéi'kan ulit. Karia in téntu, ni ko é maéndo memamaayang ni Kristus Yesus si lé'os uman. Sa ko mangunla un téntu, um pa'émanennu éng kaenté'na pahpaan rengan im puuna é mahkiit an tutuzu' ulit.

1 Timutius 5:7

Totoz ipapagenangla ang kenu wia sé wéwéné mahesa-esamokan itii, wo séra menou-nou zéi'kan penuwu-nuwu'en né tou.

1 Timutius 6:10

Pahpaan u megena-genang uman an zoit, niitu u nimangun sé tou mahwangun péléng a léwo'an. Wo pahpaan i megena-genang uman an zoit, sé woopira tou én zéi'mo ma'éman wia si Yesus wo un até néra é rumara pahpaan in zézéha.

1 Timutius 6:17

Ipapagenangla wia sé tou wa'ilan wia ung kaayahan kenu in tia' loozan wo tia' mahéré' wana an zéi'kan mata'u éré'an tanu ung kawa'ilanan. Taan ni séra é mahéré'mola wia si Opo Empung wana ang kawa'ilanan-Na, si mahwéhémé péléng am péléng in toro kaipian.

1 Timutius 6:3

Séi si mahtuzu' an tutuzu' an zéi'kan masuat wo soo kumiit an tutuzu' ni Yesus Kristus Mahpiarata wo kasii nimawalinaan karia an tutuzu' kaulitan tanu am pahkiitenta i mahragés wia si Opo Empung,

2 Timutius 1:18

Ni kopé' si totoz mata'u taan ni aku, ung kalakez um pinaayangna im witi Efesus. Mengalé-ngaléi uman si Mahpiara é rumaraatémé ni sia im witu un endo si Opo Empung métumotoz ulit kaapa zéi'kan um pahwangunen né tou.

2 Yohanes 1:7

Pahpaan im wia ung kaayahan é lakez sé tou mahlululu uman wo soo makaulit i si Yesus Kristus é niméyémo wia ung kaayahan in tou uman. Sé tou itiimo sé melulu, wo kakoro' ni Kristus.

Wahyu 2:14

Taan wéwéhan ang kasoo-Ku wia ni kamu: Sé woopira im wia ni kamu é mahkiit an tutuzu' ni Bileam, si mahtuzu' si Balak i mahlululu sé tou Israel ing kuman ang kakanen a mémoiragés wia sé opo-opo wo mahsamek.

Wahyu 2:20

Taan zozo' in téntu, wéwéhan ung kasoo-Ku wia ni kamu, pahpaan méiwaya niou uman si wéwéné makangaran Izebel, si mahkua-kua i nabi, ni sia é mahtuzu' wo mahlululu uman sé ata-Ku i sumamek wo kuman ang kakanen mémoiragés wia sé opo-opo.